عرض مشاركة واحدة

قديم 03-20-2013, 10:48 PM   المشاركة رقم: 1
المعلومات
الكاتب:
أم جنى فديتها
اللقب:
عضوة مميزة
الرتبة:
الصورة الرمزية
 
الصورة الرمزية أم جنى فديتها

البيانات
التسجيل: Nov 2010
العضوية: 15994
المشاركات: 2,204 [+]
بمعدل : 0.51 يوميا
اخر زياره : [+]
معدل التقييم: 65
نقاط التقييم: 102
أم جنى فديتها will become famous soon enoughأم جنى فديتها will become famous soon enough
 

الإتصالات
الحالة:
أم جنى فديتها غير متواجد حالياً
وسائل الإتصال:

المنتدى : إستفسارات مرحلة الولادة
e28 نورت دنيتي أحلآ (جنى)..|قصة ولادتي|..




كيف حالكم جميعآ كروشات ونفوسات ومنتظرات الحمل الله يرزقكم يارب..
بسمه نبدأ..كان ياماكان في يوم من الأيام ..
كانت آخر دوره في تاريخ 29/6/1433ه..كنت كل شهر أشك في نفسي واحلل خخخ, ولما جاء شهر رجب انتظر الدوره تجي وجاني التهاب في البول وصار لونه غامق شكيت اني حامل لأن الالتهاب مايجيني الا في الحمل,طبعآ هاذا قبل ميعاد الدوره بكم يوم ولما جاء موعدها نزل علي نقط دم قليل جدآ ينزل بين فتره وفتره وماكان متواصل ,واحيان ينزل لونه بني زي الاوساخ. طبعآ نزل مده 3 أيام ووقف هنا أنا شكيت بالحمل وجبت تحليل منزلي وحللت والصدمه الكبيره أنا (حاااااااااااامل) !!!.. الحمدلله من الصدمه جاتني دوخه يوم شفت الخط الثاني ورحت لزوجي وهو نايم جلسته ووريته التحليل وانصدم هههههههه.طبعآ عانيت جدآ من تعب الحمل كان متعب هاذي المره جدآ وثقيل مثل مايقولون حمل البنت ثقيل ومتعب.حددت لي الدكتوره تاريخ ولاده 14/4/1434ه. ومرت الأشهر وعرفت بالسونار إني حامل ببنوته وفرحتي ماتوصف لأني كنت أتمنى البنت من أول حمل لي, وصليت لربي ركعتين شكر ودموعي تنزل. ولما وصلت الشهر السابع ابتدت الطلوق عندي تجي وتروح ويوم دخلت التاسع زادت ,كنت اتمشى كل يوم ساعه الا ربع وبعدين صرت امشي ساعه ولما اخذت اسبوع فيوم كنت امشي مع زوجي في الممشى وجاني الم خفيف وبعدها صار يزيد ويزيد لين صرت ماتحمل قلت له ودني المستشفى في السياره كنت اصرخ من الالم خفت أولد في السياره ولما وصلت المستشفى تخيلو وقف الألم والرحم فاتح 1سم بس تنومت على أساس عندي طلق قوي و3 أيام في المستشفى ووقف كل شي وطلعت لبيتي وصرت اتمشى من جديد وثاني يوم نزلت السداده كانت شبه سايله ومعاها دم لونه بني مع ألم خفيف, بعدها بيومين رجع علي الألم كان أقوى شوي ورحت المستشفى الرحم مفتوح 1ونص سم ومبين عندهم طلق في التخطيط وتنومت ثانيه3أيام وطلعت وهو فاتح 2ونص سم وكان موعد ولادتي قال لي الدكتور لك أسبوع اذا ماولدتي تعالي المستشفى. كنت خلاص تعبت وانهد حيلي من المشي قلت برتاح مابمشي ولابتعب عمري واخذت أسبوع من غير ألم ولاشي ورحت المستشفى تنومت مفتوح 3 سم واللي معاي بالتجمع كلهم ولدو ألآ أنا واللي معاي بالقسم يولدون ويجي غيرهم ويطلعون للولاده ونا مكاني جاتني ضيقه وبكيت. ثاني يوم جاني الدكتور وقال لي بنفك لك ماي الراس عشان تولدين وفعلآ فكولي الماي وابتدى الجد, بس ماقدرت اتحمل لأن جسمي أصلآ تعبان وقلت لهم ابي مسكن وعطوني أبرة وكنت بين الطلقه والثانيه أحس بدوخه وأغفي ,بعد شوي صرت أدفع لا ارادي وقلت للقابله الراس بيطلع وع طول للولاده وصرت ادفع تقريبآ دفعتين ونورت أحلآ بنوته بالدنيااا حبيبة قلبي .. ومن دوخة المسكن أحس كأني بحلم وماني مصدقه إني ولدت هههههههه ولساني يحمد ربي على هالنعمه الغاليه على قلبي لأان بجد صار هالحمل حوسه رايحه وراجعه للمستشفى وطلوق اشكال والوان خخخ . نظفتني القابله ونظفت بنتي وودوني غرفتي مع بنوتتي (جنى)..
وولادتي كانت تاريخ 23/4/1434ه
وتوته توته..خلصت الحدوته..

ربي يسهل على كل حامل..
ويرزق كل مشتهيه الحمل..ياررب..





من مواضيع أم جنى فديتها
0 لو سمحتو يابنات الأحساء الذوويقات ^^ تعالو أبيكم بسؤال ضروري عاجل
0 ساعدونييييييييي بخصوص الصدر
0 &~~أبشررركم >طبيبة القلوب< ولدددت~~&
0 اطرحوا لي تجاربكم مع نغزات الصدر وحبوب مونتغومري ونغزات المبيض
0 يشرفني التقيكم ثانية حوامل رحبو فيني
0 االلي قالت لها الدكتوره ان الجنين نااازل في الحوض..تجي تسدح أعراضها
0 بخصوص راس الجنين ادخلو افيدوني !!!
0 جاوبوني من صارت مثلي بهالوضع!؟
0 اللي ولدت أول التاسع ..ايش الاعراض اللي جاتك في الشهر الثامن
0 قصة ولادتي~ بأحلا قمر
0 إحصائيه للولاده الأبكر ..بالولد أم البنت..
0 الدورة بعد الولادة بشهرين
0 ~تجمع نفوسات شهر *رمضان* 1432 ه~
0 استفسار عن ألم مابعد الولاده..؟
0 يابنات ممكن تدخلون وتجاوبوني خايفه!
توقيع : أم جنى فديتها

♥الحمد لله والشكر لله
ولدت يوم الثلاثاء..23/4/1434
ونورت دنيتي أحلآ..(جنى)..♡♥
يحفظها ربي ويخليها..

عرض البوم صور أم جنى فديتها   رد مع اقتباس