ندااااااااااااااااااااااااااااااااء لاهل الراي والمشوره

السلام عليكم ورحمة الله وبركاته
اتمنى من خواتي في المنتدى مساعدتي
انا اعيش حياه لا احسد عليها من مشاكل وهموم واحزان وكل هذه بكفه ومصيبتي الجديده بكفه فانا رضيت بمسمى زوجه اولى برغم اني لسه ماكملت 21سنه وصبرت على مسمى معلقه او مهجوره 7سنوات ورضيت اني ارجعي لنفس الشخص اللي خانني وهجرني وتزوج علي لا لشي بس لاني احبه واعشقه ولانه حبي الوحيد من الطفوله والشي الثاني ان عندي امل انه مازال يحبني والاهم ولدي كل هذي هموم ومشاكل كنت اتغلب عليها بالصبر والامل والحمد لله لدي صبر ايوب
واخيرا حسيت اني برتاح لمن شفت زوجي سعيد برجوعي وكل يوم يحسسني انه ندمان على زواجه الثاني ومعيشني حياه كل حب في حب على اساس اني حبه الاول والاخير وان راحته عندي وان زوجته الثانيه لايكن لها سوى الاحترام والتقدير لانها ام بناته ولولا هالبنات مابقيت على مذمته ودوم يشتكي منها بس المصيبه اني اكتشفت انه يقول لها نفس الكلام ودوم يشتكي لها مني وانه مايرتاح الا عندها وان فيني كذا وكذا وخذي سب وشتم
ولمن واجهته بهالشي اعترف وقال انه يكذب عليها عشان ماتطلب الطلاق بعد ماصدمني اسودت الدنيا بوجهي كنت اتنمى اكرهه بس مااقدر لني احبه
بس بفعلته انعدمت الثقه بيه صار لي اكتئاب واحباط تمنيت الموت ولكن مشكلتي ولدي واخوه اللي في بطني
ارجوكن من عندها راي تشور علي لني زي الغريق اتمنى النجاه

رد: ندااااااااااااااااااااااااااااااااء لاهل الراي والمشوره

خيتو ام نمر

ترى الرجال الي عنده اكثر من حرمه مايتصدق

لانه يكذب على الثنتين يدور مصالحه وبس

انتي طنشي ولاتسمعين كلام من احد يجيب
كلام عن زوجك او زوجته لانهم يدورون الفتنه
بينكم صدقيني عيشي من اجل عيالك بس

واللي مزواج مستحيل يحب لويحب ماتزوج عليكي

اجعلي عيالك ذخر ليك وهم اللي تعتمدين عليهم

وعاملي زوجك مثل اي امراه ثانيه تعامل زوجها لاتقصرين
معاه يمكن يميل ليك مثل اول وانسي انه متزوج عليكي

والله يوفقك ويفك ضيقتك

رد: ندااااااااااااااااااااااااااااااااء لاهل الراي والمشوره

الله يكون بعونك

وربي يحفظك ويحفظ عيالك ويسخر لك زوجك

من جد لاتسمعين لأحد

اللي يوصل لك الكلام ماهو إلا شيطان يريد الفتنة بينكما

اصبري واحتسبي وادعي ربك بجوف الليل أن يسخرلك زوجك

وماعليكي بالكلام طنشي وعيشي حياتك بهنا
وعيالك بالدنيا كلها

وسهام الليل لاتخطئ عزيزتي...

ربي يسهل أمورك ويفرج كربتك ويبدل ضيقك وهمك فرح وسرور دائم ..

ومصير زوجك يعرف قدرك

رد: ندااااااااااااااااااااااااااااااااء لاهل الراي والمشوره

مشكورات خواتي وربي انكن ماقصرتوا كنت خايفه محدن يرد علي ويعبرني
المشكله حتى اقرب الناس لي مقدر اشكي له لانهم اما ينحازون لي ويملون قلبي على زوجي او يتدخلون بشكل سلبي وتزداد المشاكل فانا صابره ومحتسبه بس خسارتي اني فقدت حب حياتي

رد: ندااااااااااااااااااااااااااااااااء لاهل الراي والمشوره

هم كذاكذب ونفاق وخيانة ووهم الامن رحم ربي000يكفي انك اكتشفتي كذبه والحل انك تعيشي حياتك كانه مو موجوووود وخذيه على قد عقله000ولاتصدقيه بعد كذا عشان لاتنصدمي000عيالك يستحقو انهم يعيشو بينكم000والله معاكي

رد: ندااااااااااااااااااااااااااااااااء لاهل الراي والمشوره

مشكوره ام توكي
وصادقه بكذب الرجال ياخذونا على اساس انا ناقصات عقل ودين ع اساس انا لعبه وبيده الريموت يتحكم زي مايبي يخون ويغدر ويكذب وكل هذا من حقه ونسي ان الله حق ومثل ماله عليه

رد: ندااااااااااااااااااااااااااااااااء لاهل الراي والمشوره

أنا من رايي من رأي الغاليه منتهى لانه عين العقل الله يعطيها العافيه
أهم شيء تعامله معاج أنتي وعيالج ..
وإذا فتحتي أذونج للكلام صدقيني راح تتعبين وتخربين حياتج بدينج ..
و الله يسعدج ويخليلج ريلج وعيالج

 تـــوقــيـــع  **سماسم** : 

رمضان لا ترحل فالنفس ظامئة..
شوقا لبلسمك الشافي وتعتصر..
لطفا رويدك بالقلوب فقد سمت ..

رد: ندااااااااااااااااااااااااااااااااء لاهل الراي والمشوره

واضيف على كلام البنات اشغلي نفسك بأشياء حتى ماتفكري بالي يدور بينهم وتفتحي لشيطان باب
لانه يسعى لتفريق بينكم وتأكدي ان زوجك يقول ها الكلام لمصلحه لكم ولا يريد ان يطلق واحده منكن لانه ابغض الحلال الى الله
وهذا غير التفرقه بين الخوان واخواتهم
وعليك بالاستغفار والدعاء ان يسخره الله لكي

رد: ندااااااااااااااااااااااااااااااااء لاهل الراي والمشوره

المشكله مو في الصبر انا صابره ومتعوده على الصبر عشان ولدي
المشكله اني فقدت الثقه في كل اللي حولي فقدت اغلى شي تملكه الحرمه حب زوجها صرنا انا وهو نساير بعض نتبسم لبعض ونحضن بعض ونسمع بعض اجمل كلمات الحب بس هو داري زي مانا داريه ان اللي بيني وبينه انتهى وكل واحد متحمل الثاني عشان الاولاد
حتى الابتسامه نتصنعها والهدوء والراحه عايشين بجوء كله كذب بكذب وخداع
فالله يبعدكن عن همي وتسعدنه بحياتكن ونصيحه لكل حرمه متزوج عليها زوجها لاتردين له واطلبي الطلاق وكل وحده ناوي يتزوج عليها امنعيه ولو بالقوه