افضل مشتشفى حكومي للولاده بالرياض

[بشورة فيصل]

السلام عليكم
تكفووون خواتي اللي بالرياض ساعدوني

س1/ وش افضل مستشفى حكومي للولاده بالرياض؟

س2/ كيف يعتنوني فيني بوقت الولاده وبعدها ؟

س3/ كيف النظافه عندهم ؟

س4/ كيف تعامل الدكتوره والممرضات ؟

س5/ مين افضل دكتوره ولاده بالمستشفى ؟

س6/ لو اطلب غرفه خاصه وادفع مبلغ بسيط يرضون ؟

س7/ وين مكان المستشفى ؟

وبس .. تكفون اللي تعرف تساعدني ضروري

[شجون الشمري]

انا من سكان الرياض بس ما اعرف شي فيها لاني توني جديده
بس حابه اقولك عن مستشفي سمعت فيها ولاتروحين لها
اسمها مستشفي الشميسي اعفن مستشفي بنت خالت زوجي ولدت فيها وكان الحبل السري ملفوف عليها
وسحبو البنت وهو ملفوف وعلى طول البنت ماتت الله يحفظ لك جنينك
وتعاملهم واخلاقهم خايسه معليش طولت بس حبيت انصحك انك ماتروحين لها

وان شاء الله البنات يفيدونك
تقومين بالسلامه

[بشورة فيصل]

مشكووره اختي شجون
المستشفى هذا كان من ظمن
قائمتي مشكوره يالغلا
ياليت اللي تعرف وش احسن مستشفى
تساعدني

[~ L o l a]

والله اللي أنا أعرفه أغلب المستشفيات الحكومية دائما ياتحويل أو منسوبين ومنسوبات القطاع التابع له بس مو أي أحد يدخلهم
ممكن نتساعد ندور.
- الملك خالد يقبلون البكرية او منسوبات جامعة الملك سعود أو زوجات المنسوبين.
- الحرس الوطني بس منسوبينهم
- قوى الأمن بس منسوبينهم.
- العسكري بس منسوبينهم.
- اليمامة يمكن لو تاخذين تحويل من المركز الصحي تبع الحي بتقدرين تدخلينه بس مايمدحونه أبدا.
فيه مستشفى الملك عبدالعزيز ماعرف عنه شي.
- مدينة الملك فهد الطبية يدخلون حالات طوارئ أو عندك ورقة من امارة منطقة الرياض أو منسوبينهم وتقدرين تدخلينه بفلوس
-*الشميسي ماعرف صراحة بس معروف أنه تأمين موظفين القطاع الحكومي ( اللي يشتغلون في الوزارات )
أغلبهم تقدرين تولدين عندهم بفلوس مثل الملك خالد العيادات المسائية و الحرس الوطني ومدينة الملك فهد
هذا اللي أعرفه لكن ممكن أحد يصحح معلومة قلتها يعني مو متأكدة مية بالمية :)*

[الضمير المستتر]

مستشفى الحرس الوطني كم يأخذون على القيصري ...
من برى منسوبيها

[بشورة فيصل]

والله مشكله هالمستشفيات
الحكوميه كلها خاايسه
والخاصه تكلف كثير
الله يعين بس

[نسمات هادئه]

لولا ماقصرت

بس انا انصحك بمدينة الملك فهد الطبيه .. يمكن تدفعين مبلغ بسيط جداً .. نصيحه روحي استفسري قبل لا تولدين !

[لمسة وفا 1]

اااااااااااااااااااااااااااااااب

[ام ديالأ]

انصحك بمستشفى اليمامه انا ولدت فيها ومره كويسه

[مهره الدنيا]

انا ما أنصحك بالحكومي

انا ولدت في حكومي من سنتين بس بجده

وتعبت مرررره وعانيت من كل شي عندهم

لا نظافه ولا اهتمام ولا شي عندهم حلوووو

واهم شي الله يسهلك يارب وتقومي بالسلامه