أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا
السلام عليكم ورحمة الله وبركاتة
اخواتي حبيباتي
ابي استشياركم فاذا وحدة عندة فكرة لاتبخل علي الله يرزقكم الذرية الصالحة
انا لي سنتين متزوجة وعمري 31 سنة قبل خمس شهور رحت عند حرمة تمرخ واستمرت معها ثلاث شهور ولكن ماكتب لي ربي الحمل بعدها بشهر رحت لدكتور وقل عندك حجم البويضات صغير فاعطني اول شهر كلوميد وابر بعد الكوميد من ثاني يوم من الدورة وماحصل حمل ورحت بعد نزول الدورة علي مرة ثانية لدكتور وقال التبويض تمام عندك فاعطني ابر مريونال من رابع يوم في الدورة لمدة ست ايام واليوم الحادي عشر اعطني ابرتين تفجيرة يوم بعد يوم وبعدها حبوب تثبيت وماحصل حمل فارحت له هذا الشهر واعطني كمان مريونال ولي خمسة ايام على الابر وخايفة يقول لي اذا ماحصل حمل هالشهر نعمل اشعة الصبغة
فاتمنى من الاخوات اللي استخدموا ابر مريونال او احد يعرف عنها شي يقولي اش فايدتها وهل حملوا بعدها وكيف راح تكون اشعة الصبغة
والله يرزقنا ويرزقكم الذرية الصالحة
التعديل الأخير تم بواسطة demoshka ; 05-07-2010 الساعة 07:45 PM
سبب آخر: ( تم تعديل عنوان الموضوع لأنه مخالفة لقوانين المنتدى ويجب مستقبلا تحديد عنوان الموضوع من مشكله أو سؤالك أو إستفسارك)
اول مره أسمع عنها على اني مشيت على نفس العلاج الي سويتي كلوميد ثم ابر ثم ابر تفجير بس الحمدلله ماحصل حمل الله يرزقني ويرزقك يارب بس ممكن تقولين لي وش هذي الابر مريونال
اختك خطين=
السلام عليكم ورحمة الله وبركاته هلا اختى حبيت افيدك انا جربت الكلوميد والابر بانواعها بس واللة اني صرت انسى اسمهم من كثرهم بس الحمدللة حملت من فضل اللة ثم التمريخ بالنسبة للصبغة عادي انا خوفوني المنتديات قالو ووووومخلو شي رحت اسويها وانا ابكي خايفة بس واللة عادي مجرد حقن من تحت بابرة يشوفون المحلول يروح والايرجع ينكب يتاكدون من الانابيب ليكون فيها الالتصاقات انا رجع كله لانه عندي الالتصاقات وماجابت نتيجه وبعد كورس علاج طلب الدكتور اسويه ثاني مرة بس رفضت
التعديل الأخير تم بواسطة demoshka ; 05-06-2010 الساعة 12:38 PM
سبب آخر: ( تم تعديل عنوان الموضوع لأنه مخالفة لقوانين المنتدى ويجب مستقبلا تحديد عنوان الموضوع من مشكله أو سؤالك أو إستفسارك
حبيبيتي هذة الابر اكثر من رائعة وتاتي بنتائج رائعة
تاخذ في العضل ما توجع ابدا ونصيحة خذيها على يد ممرضة تعطي ابر باستمرار عشان ماتحسين بوجعها
انا الحمد لله اخدتها لشهر واحد وحملت معاها
بس كان موصوف لي 3 ابر
لكن لما رحت الدكتورة وشافت حجم البويضة لغت لي اخر واحدة
دكتورتي كانت ناصحتني باني اخدهم بابرة 10 ملم عشان استفيد منها بشكل مركز
الممرضة استغربت بس والله انه كان عندها حق
وانت تاخذين الابرة لازمي الاستغفار وقولي دعاء ((سبحانك اللهم اني كنت من الظالمين ))
ويارب نسمع منك البشرى عن قريب
انا استخدمتها يا ختي لمدة خمس شهور وكانت النتيجة جدا رااااااائعة بالتبويض الحمدلله
لكن للأسف كنت عند دكتورة خبلة ما عملت لي ولا تحليل ابدا
وصار هرمووووووووووون الحليب مرتفع 35 عن جد قهههههههههههههههر
وغيرت الدكتورة علىطووووووووووول وتوني بادية مع وحده جديدة وبإذن الرحيم الكريم اني بحمل لأنه هو السببب سبحانه إذا امر بشيء يقول له كن فيكون
الله يرزقنا جميعا
أختي والله أقرأ كلامك وأتذكر نفسي مع هالبويضات وحجمها
أنا من لما كنت بنت كان عندي تكيس والدورة ملخبطة والهرمونات فوق تحت .. وطبعا هالشي يأخر الحمل
ثالث شهر بزواجي رحت الدكتورة بويضتي 8 بس وأعطتني كلوميد وجلوكوفاج ورجعتلها بعدين والبويضة ما كبرت وعلى ما هي عليه وصارت بس 10 يعني ما استفدت
فقررت إني أترك الأدوية وألجأ للطبيعي وصرت دور بالنت ولقيت ما هب ودب من خلطات .. لكن انا اتبعت أسهلها واللي نلاقيه بمتناول اليد .. وسبحان الله من الشهر اللي بعده بويضتي صارت 17 من دون أي أدوية أو منشطات وحملت لكن ربي ما كتبله يكمل .. انتظرت شهر ورجعت للخلطات ومرة تانية الحمدلله حملت بفضله وكرمه .. وإليك الطريقة
1- كثرة الاستغفار + الصدقة + الدعاء + قراءة سورة البقرة ولو شوي منها كل يوم
2- خلطة العسل مع حبوب اللقاح وغذاء ملكات النحل وحبة البركة والجنسنج وطلع النخيل .. تلاقيها عند أي عطار بس أهم شي العسل اصلي .. سعره تقريبا 400 ريال .. تاخدي ملعقة كل يوم من أول يوم الدورة إلى اليوم 15 لانه لو صار حمل تؤثر حبوب اللقاح في الإجهاض لاسمح الله
3- شرب البردقوش يوميا مرتين صبح ومسا .. اغلي مي وصبيهه على ملعقة بردقوش وانقعيه ربع ساعة بعدين اشربيه .. كمان من أول يوم الدورة الى 15 .. وهذا منظم فظيع للهرمونات .. كمان تلاقيه عند العطار لونه أخضر متل النعنع اليابس.
4- شرب عصير الأناناس من أول يوم الدورة إلى 13 .. لانه يعمل على تكبير البويضة (متله متل عمل الكلوميد) .. بس لا تكتري يعني باليوم كاستين لانه كترته تزيد التكيس ..... وقفيه باليوم 13 لانه كمان ما ينفع للحمل لو حصل
5- شرب كاستين زنجبيل كل يوم صبح ومسا من يوم 13 إلى 17 من الدورة .. يعني وقفي الاناناس واشربي زنجبيل .. لانه يعمل على تفجير البويضة بعد ما تكبر (متل إبرة التفجير بالضبط)