أهلا وسهلا بك إلى منتديات حوامل النسائية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا
العودة   منتديات حوامل النسائية > المنتديات العامة > منتدى الحياة الأسرية والزوجية

منتدى الحياة الأسرية والزوجية لعرض المشكلات في الحياة الزوجية والأسرية .


قصة طلاقي من زوجتي


...
Like Tree24Likes

موضوع مغلق
 
LinkBack أدوات الموضوع انواع عرض الموضوع

قديم 10-01-2012, 09:38 AM   المشاركة رقم: 1
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية حنين روحي

البيانات
التسجيل: Aug 2012
العضوية: 54745
المشاركات: 632 [+]
بمعدل : 0.22 يوميا
اخر زياره : [+]
معدل التقييم: 35
نقاط التقييم: 58
حنين روحي will become famous soon enough
 

الإتصالات
الحالة:
حنين روحي غير متواجد حالياً
وسائل الإتصال:

المنتدى : منتدى الحياة الأسرية والزوجية
Unhappy قصة طلاقي من زوجتي




السسلام عليكم هذا قصه قريتها
قلت لانه حنا كثير نسمع القصه من طرف المراه ولا مرره سمعنا
عن طرف رجل قريت القصه قلت انقلها بس



ماودي أقول قصتي لكن أبقولها يمكن تأخذ العبره والعظه و أبيك تأخذها لك قاعده وأعتبر وأتعظ ( إذا جيت تتزوج أخطب بنت متدينه ( مطوعه ) وإلا بنت تقرب لك وتعرف طبع أهلها عز المعرفه أو خل أختك إذا كانت عاقله تخطب صديقتها لك لأن الزوجه محد يعرف معدنها إلا صديقتها وانتبه ثم انتبه ثم انتبه من أمك وإلا أختك إذا قالت لك والله آل فلان يقولون أن عندهم بنت دينه وخلوقه وشكلها بنت أجاويد وأنتي يابنت أتقي الله أن جيتي تخطبين لأخوانك ولاتخطبين لأخوك إلا وحده تعرفينها عز المعرفه وتعرفين طبايعها زين )

زي عادة كل شااب بعد مرحلة المراهقه يمر بمرحلة الركود وهي مرحلة الزواج قلت لأمي أخطبي لي بنت سنعه والدنيا كلها فتن قالت والله ياولدي ماعاد في بنات سنعات مثل أول. جاني نوع من الاحباط وكنسلت موضوع الزواج لكن أمي وأختي الكبيره ماصدقتو أفتح الموضوع حتى شبوا علي بالزواج خطبنا كم مره من ملتزمات نعرفهم لكن للأسف مافي نصيب ومن كثر ما أشوف من وصاخة بنات المدن كان شرطي الأساسي تكون من قريه طبعا خطبت من قريه قريبه من الرياض ( وياليتني ماخطبت أثر الخير و الشر في القريه وفي المدن )
وكنت دايم أدخل للسوق مع خواتي وأشوف الوصاخه في المحلات وأشمئز وتقول لي أختي ياخوي لاتوصخ عيونك في هالحثاله الدنيا فيها بنات خير
جتني اختي فرحانه وتبشرني تقول والله لقينا لك بنت تهبل وسألنا عنها ويقولون بنت أخلاق ودينها ماعليه وعباتها رأس ومره كتف فضفاضه قلت لا ما أحب تخطبون لي بنت مدري وش طبعها لكن أصرت علي وقالت لاتفوتك يا خيي نصيحه. بعد الإصرار وافقت وتقدمت وخطبت وتملكت على البنت


قبل زواجي بشهر كنت مع أختي في صحارى مول علشان تجهز لعرسي وكانت زوجتي في نفس اللحظه في الرياض تجهز لزواجنا
فجأة لقيت زوجتي مع بنت خالتها ألي عايشه في الرياض في أحد الماركات ( طبعا عرفتهم من أخو بنت خالتها الصغير ) وأنا أمشي في أحد الأسياب فجأة شفتهم ورجعت أتأكد وأغمض وأفتح زين أثرها زوجتي ولابسه العباة الكتف الوسيعه ونقاب والبنطلون و بنت خالتها ومعهم الولد الصغير ( ينقالك حاطينه محرم لهم ) شفتها في ابتسامات وضحكات عابره مع العامل الأبيض القذر

جاني نوع من الصدمه النفسيه سحبت أختي الكبيره بيدها قلت لها شوووووووووووفي . شافت أختي زوجتي حطت أختي يدها في فمها من قوة الموقف وقالت لا ياأخوي تأكد يمكن مهيب هي . قلت حسبي الله عليك شوفيها زين وأنا أعصابي متوتره . طبعا كانوا في نهاية وصاختهم وسواليفهم مع العامل نحشت أنا علشان ماتشوفني وأختي قربت منها حتى تأكدت زين انها هي . وألي قهرني زود وهم طالعين من المحل وكان واحد سعودي داخل هو وحرمته وطاحت عينه بعين زوجتي يوم غطت عيونها زوجتي
طلعنا من السوووق ركبنا السياره ماتكلمت أختي بأي كلمه لأني لو تكلمت أبنفجر عليها دموعي بدت تنزل من القهر وأتحسب الله على أهلي يوم خطبو لي بالطريقه ذي وصلت البيت أغتسلت في الملحق وتوضيت وصليت ركعتين وحمدت ربي أن الله كشفها لي قبل أدخل عليها

طبعا كنت أنتظر اتصالها آخر الليل ورن التلفون .....
رفعت السماعه
زوجتي : آلو هلا قلبي كيفك ؟
أنا : ساكت
زوجتي : خالد وش فيك ؟
أنا : نعم وش تبين ؟
زوجتي : قلبي عسى ماشر وش فيك ؟
أنا : وينك فيه اليوم ؟
زوجتي : اليوم أنا في الرياض وشريت لي أغراض
أنا : ماشاء الله وعساك خلصتي من التجهيز
زوجتي : يعني مابقى شي وأخلص
أنا : طيب وش شريتي من محل وجوه ؟
زوجتي : سكتت ( وكأنها متورطه ) ؟
أنا : عساك خلصتي من الأجنبي وشريتي غرضك ؟
زوجتي : وش تقول أنت وش قاعد تخربط ؟ >>>>>>> ينقالك تبي تصرف
أنا : شفتك اليوم سواليف وابتسامات تصدقين حسبت أن العامل أخوك وأنا ما أدري .
زوجتي : خالد أنا قاعد أتسوق وش فيك ؟
أنا : لا ياشيخه وألي يتسوق يسولف ويتبسم وألا يحشم نفسه وياخذ غرضه ويمشي !!!!!!
زوجتي : قلبي والله مافي أحد غيرك في دنيتي لاتفهمني غلط بعدين عادي مجرد ابتسامات عابره >>>>> ينقالك تبي تمشيها علي
أنا : ليه لو اخوك وإلا أبوك معك تبي تبتسمين في وجهه ؟؟؟؟؟؟؟؟
زوجتي : خالد . لا أسمع . والله العظيم مهوب قصدي شي . أنا أصلا ماعطيته وجهه .... إلخ >>> قامت تلخبط بالكلام ولاعرفت وش تقول
أنا : جاوبي على سؤالي لو أبوك وأخوك معك تبي تبتسمين في وجهه وإلا لا ؟؟؟؟؟
زوجتي : ساكـــــــــتـــــــه
أنا : ورى ماتردين وإلا أنربط لسانك ؟؟؟ بعدين وراك غطيتي عيونك عن الرجال ألي دخل هو وزوجته ؟؟؟؟
زوجتي : خير بعد رجال ولازم اغطي عيوني عنه ؟؟؟
أنا : لا يااااشيخه وألي تبتسمين وتضحكين معه وعيونك بعيونه مهوب رجال ؟؟؟؟؟
زوجتي : خالد أنا آسفه ماكان قصدي أنت فهمتني غلط ............ إلخ أعذار مثل وجهها
أنا : تراك طالق
زوجتي : نععععععم
أنا : ألي سمعتيه أنتي طالق ومايشرفني تكونين زوجه وأم لعيالي وورقتك يوم السبت تبي توصلك
زوجتي : خالد لا تكفى أنا أحبك >>>> وهي فيها الصيحه
أنا : قفلت السماعه في وجهها والليل كله وهي تدق مع رسايل ترجي وقفلت جوالي وماقدرت أرقد من القهر ( طبعا منقهر من أهلي يوم خطبو لي وحده مثل ذي )

جاني أخوها الكبير من بكره يدق الباب طلع له أبوي وخلاه يدخل في المجلس ثم طلعت له أنا قال وهو معصب :

على كيفك بنات الناس لعبة عندك

قلت : قلت ليه هي ماعلمتك وش هي مسويه ؟؟؟
قال : تقول أختي أنك طلقتها علشانك ماتبيها من غير سبب وأنها ماعجبتك >>> حسبي الله عليها شينة وقوية عين بنت أبليسسس
قلت : مادامها تقول لك كذا أجل أسمع مني العلم الصحيح
طبعا علمته بكل ألي صاار
الرجال حول ماينهبل ويقول لا مستحيل ذي أختي وأعرفها
قلت : عاد هذا ألي صار
الرجال دق على أخته عندي وحط سبيكر وسألها عن ألي صار وهل هذا صحيح وإلا لا
زوجتي : ماعرفت ترد من الصياح
أخوها قال لها : الله يسووود وجهك قولي آمين مثل ماسودتي وجيهنا ياحقيره وسكر السماعه أخوها
قال أخوها : الله يستر عليك يا خالد تكفى أستر على ماواجهت منا ( طلع ولد رجال )
قلت الله يستر عليكم في الدنيا والآخره ولا عاد تجدع البنت في محل إلا ومعها رجال
قال : رايحها مع بنت خالتها
قلت : بنت خالتها مهيب محرم لها و مثل نظامها
طلع من البيت وهو متوتر ومستحي ومايدري وين يودي وجهه فيه

طبعا أمي وأختي جلسووو شهرر مايكلموني ومالهم وجهه يكلموني من عقب هالمصيبه ألي بغواا يطيحوني فيها لكن الحمد لله على كل حال ولعلها تخفيف لذنوبي علما أن قصتي واقعيه ومستعد أحلف لمن لم يصدق

لذلك أحذر من أهلك إذا قالولك يقولون أنها بنت متربيه
ويابنت أتقي الله أن جيتي تخطبين لأخوانك

ألي عنده تعليق يتفضل

سبحانك اللهم وبحمدك استغفرك واتوب إليك









من مواضيع حنين روحي
توقيع : حنين روحي

عرض البوم صور حنين روحي  



قديم 10-01-2012, 10:05 AM   المشاركة رقم: 2
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية همسة دفاء

البيانات
التسجيل: May 2012
العضوية: 49014
المشاركات: 728 [+]
بمعدل : 0.25 يوميا
اخر زياره : [+]
معدل التقييم: 37
نقاط التقييم: 51
همسة دفاء will become famous soon enough
 

الإتصالات
الحالة:
همسة دفاء غير متواجد حالياً
وسائل الإتصال:

كاتب الموضوع : حنين روحي المنتدى : منتدى الحياة الأسرية والزوجية
افتراضي رد: قصة طلاقي من زوجتي




البنت ما غلطت

ليش هو مكبر السالفة

يمكن ما قللت ادبها مع الاجنبي

اذاا تكلمت مع العامل معناتها جريمة يعني

اذا تكلمت باحترام وش فيها !!!

انا احس انه تسرع وما يحكم ع بنت الناس من موقف واحد





من مواضيع همسة دفاء
توقيع : همسة دفاء

اللهم انك عفو كريم تحب العفو فاعفو عنا

عرض البوم صور همسة دفاء  

قديم 10-01-2012, 02:00 PM   المشاركة رقم: 3
المعلومات
الكاتب:
الرتبة:
الصورة الرمزية
 
الصورة الرمزية شرواي حلم

البيانات
التسجيل: Oct 2012
العضوية: 59049
المشاركات: 14 [+]
بمعدل : 0.01 يوميا
اخر زياره : [+]
معدل التقييم: 28
نقاط التقييم: 50
شرواي حلم will become famous soon enough
 

الإتصالات
الحالة:
شرواي حلم غير متواجد حالياً
وسائل الإتصال:

كاتب الموضوع : حنين روحي المنتدى : منتدى الحياة الأسرية والزوجية
افتراضي رد: قصة طلاقي من زوجتي






السلام عليكم ورحمة الله

هذا اول مشاركة لي و فعلا جذبني الموضوع وانا ابحث في العم جوجيل

اول اخوي الله يعوضك خير منها و يعوضها خير منك

بصراحة اعجبتني ردت فعلك و ما كان له داعي تصرفها نهائيا خصوصا انها قاعد تتجهز لزواجها يعني لك .

اذا هيا في الحالة هذا وما احترمتك ولا قدرتك كيف بيكون بعدين .

الاخت اللي ردت و تقول خير يعني صارة قضية اذا تكلمت مع العامل ؟ الرجال يقلك ضحك و سوالف و ابتسامات ابش عني ؟؟ يقربلها مثلا ؟؟

انتي بسئلك سؤال لو انك مع زوجك في محل و البائعة بنت شابة حلووة و بدت تضحك و تعرض البظاعة اللي عندها وزوجك ابتسم لها بتخليه في حالة ؟؟؟ و الله لا تطربقي الدنيا فوق تحت .

اهجدي بس ...

اخوي الله يوفقك و يرزقك .


تقبل مروري و اسف ااذا كان ردي قاسي . .





من مواضيع شرواي حلم
توقيع : شرواي حلم

كنت هنااا . . . y.riyadh@

عرض البوم صور شرواي حلم  

قديم 10-01-2012, 02:10 PM   المشاركة رقم: 4
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية دمعه انكسار

البيانات
التسجيل: Dec 2011
العضوية: 39190
المشاركات: 108 [+]
بمعدل : 0.04 يوميا
اخر زياره : [+]
معدل التقييم: 32
نقاط التقييم: 50
دمعه انكسار will become famous soon enough
 

الإتصالات
الحالة:
دمعه انكسار غير متواجد حالياً
وسائل الإتصال:

كاتب الموضوع : حنين روحي المنتدى : منتدى الحياة الأسرية والزوجية
افتراضي رد: قصة طلاقي من زوجتي




هدا واحد معقد كلنا نتكلم مع البايع اجل شلون نشتري بالاشاره مثلا
اشوى افتكت منه واساسا هو من قبل الخطبه يقول اشوف وساختهن بالاسواق يعني تفكيره كله منصب ع الخراب ياما رحنا اسواق ونشوف اللي مايطلع منها
وزي مافيه الطالح من البنات في من الشباب وياكثرهم
وترا حسيته شكاك والشك يخليك تصور اشيا مالها وجود
البنت لو تبي تسوي سوالف ماسوته بمكان مكشوف زي السوق وبعدين قال غطت عيونها لما دخل سعودي مع حرمته يعني لوراعيه خراب ماتغطت !!!!!!!
سبحان الله ربيي يحبها نجاها منه تقول ضابطها بمكان مشبوه او خلوةة
شكل امه تبي تزوخه لجل ترتاح منه واخته بعد
يحسبنه مسوي انجاز انه طلقها الا افتكت منك





من مواضيع دمعه انكسار
عرض البوم صور دمعه انكسار  

قديم 10-03-2012, 12:58 AM   المشاركة رقم: 5
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية solaf

البيانات
التسجيل: Aug 2012
العضوية: 55741
المشاركات: 170 [+]
بمعدل : 0.06 يوميا
اخر زياره : [+]
معدل التقييم: 30
نقاط التقييم: 54
solaf will become famous soon enough
 

الإتصالات
الحالة:
solaf غير متواجد حالياً
وسائل الإتصال:

كاتب الموضوع : حنين روحي المنتدى : منتدى الحياة الأسرية والزوجية
افتراضي رد: قصة طلاقي من زوجتي




انا راي هو تسرع كان ممكن يواجهها ويقول لها انه يرفض دلك التصرف ويعالج المشكلة لكن الظاهر انه يرغب بحورية من حور العين لايعلم بانه عايش في الدنيا وليس في الجنة





من مواضيع solaf
توقيع : solaf


اللهــم سـهـل حـمـلــه, وسـهــل ولادتــه ويسـر سبيله

عرض البوم صور solaf  

قديم 10-03-2012, 01:08 AM   المشاركة رقم: 6
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية shere

البيانات
التسجيل: Aug 2012
العضوية: 55955
المشاركات: 415 [+]
بمعدل : 0.15 يوميا
اخر زياره : [+]
معدل التقييم: 33
نقاط التقييم: 67
shere will become famous soon enough
 

الإتصالات
الحالة:
shere غير متواجد حالياً
وسائل الإتصال:

كاتب الموضوع : حنين روحي المنتدى : منتدى الحياة الأسرية والزوجية
افتراضي رد: قصة طلاقي من زوجتي




اعوذ بالله وش هالتخلف والعقليه المعفنه على طول طلقتها ايش ذا الله لاببلانا كانها فصخت ملابسها قدام الرجال





من مواضيع shere
0 اجهضت والحمدالله على كل حال:-(
0 حامل ولا ايش بزبط افيدوني o_O
0 حجآمه او تمريخ ايهم الافضل !!!
0 موعد دورتك من 1 ينآير - 5 ينآير تعآلي خلينآ نشوف آعرآضنآ وان شآء الله كلنآ حوآمل يآرب
0 الحمدالله على كل حال
0 حآآمل جديده وآحتآآج معلومآت
0 يآآآرب يرزقني الذريه آلصالحه .. قصتي الرجآء الدخول
0 ممكن يحدث تبويض مبكر مع الكلوميد؟
0 الي دورتها حتجيها في شهر مارس تتفضل
0 جهاز تحليل الاباضه يكشف الحمل
0 مغص في ايام التبويض
0 تعبت نفسيتي من التفكير وانتظار الحمل
0 يارب اطلع حامل انا وجميع اخواتي المنتظرات
0 مره تعبانه ياليت تدلوني ايش اسوي
0 خلونا نتجمع ونساعد بعض
توقيع : shere

ربي لآتذرني فردآ وأنت خَير الوآرثين
اللهم ارزقني بالذريه الصآلحه السليمه المعآفاه وعوضني عما فقدته عآجلآ غير آجلآ يآارحم الراحميين

قريبآآ سوف آصبح أم بأذن الله




عرض البوم صور shere  

قديم 10-03-2012, 01:24 AM   المشاركة رقم: 7
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية أم جنى فديتها

البيانات
التسجيل: Nov 2010
العضوية: 15994
المشاركات: 2,196 [+]
بمعدل : 0.63 يوميا
اخر زياره : [+]
معدل التقييم: 56
نقاط التقييم: 102
أم جنى فديتها will become famous soon enoughأم جنى فديتها will become famous soon enough
 

الإتصالات
الحالة:
أم جنى فديتها غير متواجد حالياً
وسائل الإتصال:

كاتب الموضوع : حنين روحي المنتدى : منتدى الحياة الأسرية والزوجية
افتراضي رد: قصة طلاقي من زوجتي




يووووو شفيكم!! افهمو الموقف عدل وركزو
يقول لكم الرجال طايحه سوالف وضحك مع ذاك الرجال الثاني اللي بالمحل
يعني بالله ترضونها على انفسكم ..!!؟؟؟

عمومآ قصه جميله والزم ماعلى الرجال كرامته ..





من مواضيع أم جنى فديتها
0 يابنات ممكن تدخلون وتجاوبوني خايفه!
0 جاوبوني من صارت مثلي بهالوضع!؟
0 الدورة بعد الولادة بشهرين
0 نورت دنيتي أحﻵ ..(جنى)..♡..الحمد لله والشكر
0 أفيدوني بخصوص اثناء الجماع بعد الولادة
0 نورت دنيتي أحلآ (جنى)..|قصة ولادتي|..
0 أبي أفادتكم بخصوص أعراضي
0 اللي ولدت أول التاسع ..ايش الاعراض اللي جاتك في الشهر الثامن
0 ولدت الحمد لله الحمدلله
0 استفسار عن ألم مابعد الولاده..؟
0 إحصائيه للولاده الأبكر ..بالولد أم البنت..
0 &~~أبشررركم >طبيبة القلوب< ولدددت~~&
0 ~تجمع نفوسات شهر *رمضان* 1432 ه~
0 محتاره مع دورتي وشاكه إني حامل الله يستر
0 يشرفني التقيكم ثانية حوامل رحبو فيني
توقيع : أم جنى فديتها

♥الحمد لله والشكر لله
ولدت يوم الثلاثاء..23/4/1434
ونورت دنيتي أحلآ..(جنى)..♡♥
يحفظها ربي ويخليها..

عرض البوم صور أم جنى فديتها  

قديم 10-03-2012, 02:43 AM   المشاركة رقم: 8
المعلومات
الكاتب:
اللقب:
VIP
الرتبة:
الصورة الرمزية
 
الصورة الرمزية sweet moon

البيانات
التسجيل: Mar 2010
العضوية: 4425
المشاركات: 6,759 [+]
بمعدل : 1.81 يوميا
اخر زياره : [+]
معدل التقييم: 105
نقاط التقييم: 484
sweet moon is a glorious beacon of lightsweet moon is a glorious beacon of lightsweet moon is a glorious beacon of lightsweet moon is a glorious beacon of lightsweet moon is a glorious beacon of light
 

الإتصالات
الحالة:
sweet moon غير متواجد حالياً
وسائل الإتصال:

كاتب الموضوع : حنين روحي المنتدى : منتدى الحياة الأسرية والزوجية
افتراضي رد: قصة طلاقي من زوجتي




لامنطق لانسان يحكم بالقصه من جهه واحده

ويسمع من طرف واحد وكمان رجل !!

مو من حقنا نحكم اذا هي تستحق او لا سمعنا وجهة نظره العقيمه الواهيه

اللي لاتملك ادنى منطق

ضحكت وتبسمت قال يستهبل علينا حضرة جنابه ,, محل مكياج كيف الوحده بتشتري اذا ماتكلمت

ومحل مثل وجوه مليان بالماركات المختلفه طبيعي الوحده تسال وتستفسر عن ايش الافضل وايش ناقص

ولا هي انسانه على حد اقواله قليلة ادب ماكانت غطت عيونها من الرجال يوم انها طلعت

لان هي بكل الحالات كانت لوحدها مع بنت خالها فلو فرضا اخلاقها سيئه ماكان غطت عينها وكان مشت وتبسمت وتضحكت مع الكل

صراحه احمد الله ان الحرمه هي اللي افتكت منه ومن عقليته المريضه التفاهه

ويدور ويلقى وينصح على اساس انه هو امام مسجد ,,

يكفيكم يابنات تملق ونفاق على بنات جنسكم ,, ولا خلاص سمعتو من طرف واحد قلتو ايوا وتستاهل

احنا ماندري يمكن عند الله افضل منا بس مشكلتنا نحكم من كلام

الله عالم هو وش سكير ولا عربيد ولا مدخن ولا فاشل وجاي يدور الملاك الطاهر ويناقش وكشفتها على حقيقتها

ربي ساتر عليك الله واعلم ايش مراهقتك وايش مسوي قبل ,, ماحد يدقق بتوافه الامور الى الانسان الصايع

اللي من كثر مالعب وشاف يبي وحده من جحر الضب تتزوجه ماتعرف شي بهالدنيا

لكن يكون في علمه ان على قد نياتكم ترزقون

______________________________


صاحبه الموضوع اشكرك على طرحك





من مواضيع sweet moon
توقيع : sweet moon

عرض البوم صور sweet moon  

قديم 10-03-2012, 05:16 AM   المشاركة رقم: 9
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية هنوشة26

البيانات
التسجيل: Sep 2012
العضوية: 57877
المشاركات: 277 [+]
بمعدل : 0.10 يوميا
اخر زياره : [+]
معدل التقييم: 31
نقاط التقييم: 59
هنوشة26 will become famous soon enough
 

الإتصالات
الحالة:
هنوشة26 غير متواجد حالياً
وسائل الإتصال:

كاتب الموضوع : حنين روحي المنتدى : منتدى الحياة الأسرية والزوجية
افتراضي رد: قصة طلاقي من زوجتي




والله انا اشوف انو البنت ما غلطت لا هي عطتو الرقم ولا كشفت وجهها عندو ولا لمسها البنت فرحانه وتتسوق عشان عرسها ايش ,,, حسبي الله ونعم الوكيل الله يعوضها بلي تحسن منه يارب





من مواضيع هنوشة26
عرض البوم صور هنوشة26  

قديم 10-03-2012, 06:16 AM   المشاركة رقم: 10
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية أم أصيـــل

البيانات
التسجيل: Nov 2010
العضوية: 15552
المشاركات: 1,225 [+]
بمعدل : 0.35 يوميا
اخر زياره : [+]
معدل التقييم: 47
نقاط التقييم: 109
أم أصيـــل will become famous soon enoughأم أصيـــل will become famous soon enough
 

الإتصالات
الحالة:
أم أصيـــل غير متواجد حالياً
وسائل الإتصال:

كاتب الموضوع : حنين روحي المنتدى : منتدى الحياة الأسرية والزوجية
افتراضي رد: قصة طلاقي من زوجتي




الرجال يقوووول قاعده تسولف وتضحك مع العامل
مو قاعده تكلمه عادي,,
زي لما الوحده تبغى تعرف حاجه وإلا تاخد غرض تسأل ويجاوب العامل
لا هذي تسولف وتضحك,,,,,
ركزوا شوي بالقصه....





من مواضيع أم أصيـــل
عرض البوم صور أم أصيـــل  
موضوع مغلق

مواقع النشر (المفضلة)

جديد منتدى منتدى الحياة الأسرية والزوجية

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
أنا وعشيقتي على فراش زوجتي .,.,., ,. وافقت زوجتي بدون تردد محبوبة ميمو منتدى الحياة الأسرية والزوجية 15 08-06-2014 09:36 AM
انا في امس الحاجه لكم قبل طلاقي منحوسه منتدى الحياة الأسرية والزوجية 16 06-06-2012 07:58 PM
مرارة طلاقي هناوي منتدى الحياة الأسرية والزوجية 48 05-31-2012 04:55 AM
سبب طلاقي من زوجي :: سحوره الشهري منتدى الحياة الأسرية والزوجية 31 10-15-2011 03:25 PM
طلاقي سبب جارتي القلوب الجريحه منتدى الحياة الأسرية والزوجية 28 10-06-2011 10:24 PM


الساعة الآن 12:06 AM.


Powered by vBulletin® Version 3.8.8
Copyright ©2000 - 2020, vBulletin Solutions, Inc.
Search Engine Optimization by vBSEO 3.6.0

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .