أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا
السلام عليكم
بدخل الموضوع على طول
انا ساكنة بشقة فوق بيت حماتي وجنبي بنفس الطابق ساكن سلفي ومرته وعنده 3 اطفال
المشكلة إنه هاد اخو زوجي والله كل ما يشوف بنتي بصير يصرخ عليها ويغلط عليها على اساس مزح
وبنتي عمرها سنتين و 7 شهور والله بتصير تبكي من الخوف ... واول ما يشوفها حتى لما نكون ببيت حماتي بناديها يسلم عليها وإذا ما رضت بغلط عليها إقلبي وجهك وإنقلعي ومن هالحكي وبحكي معها بلهجة جدية وقدام الناس إنه هيك مزح ... لدرجة بنتي كانت تستنى ابوها على درج بيتنا إمبارح لأنه مروح من الدوام وسلفي كان طالع والله سمعت صراخها من الخوف منه وانا بالبيت وبتركض على الد رج وهو ماشي وراها وبغلط عليها. وإجتني وهي بتركض وتبكي ... المشكلة اكتر من مرة بينتله بطريقة منيحة وبطريقة مزح إنه هيك البنت مارح تتقبله صار يحكي عادي
وحكيت لزوجي وزوجي بروح من دوامه عالبيت يومين بس ومرات ما بشوفه ومش قادر يحكي معه لأنه سلفي اكبر منه .. يعني على مبدأ الإحترام .. خصوصا إنه سلفي بجيبها بطريقة مزح
وغير معاناتي مع بنته بعمر بنتي وإبنه دايما راميين اشياء عند باب البيت ومرته نفس الشي
ع اساس عادي نفس مدخل البيت ... والله تعبت منهم
ومش عارفة بأي وسيلة اتعامل معهم
حتى مرته
بس تشوفني بتصير تحكي فلانه حكتلي بنتي احلى من بنتك ... بس مواضيعها عن بنتي وبلآخر بكتشف إنه فيه كذب
مع إنه إلي 5 اخوان تانيين لزوجي وكلهم بعاملوا بنتي منيح غيرهم
ساعدوني بأي نصيحة .. لأني والله بتطلع على بنتي وببكي .. خايفة تتعقد منه
لو انا مكانك والله انا للي اقوله بوجهه بنتي تخاف منك لو سنحت عاملها كويس لانها صاير حتى بالحلم تجيها تصحى تبكي منك زودي شوي من عندك ولا تدخلي زوجك ابدا نصيحه انتي احكي بعضمه لسانك انا ما احب كدا وكدا لوسمحت يا اخوي لا تخوف بنتي .كلمه وقطعت عشر الله يوفقك
حبيبتى Dana الله معك فى اللى انتى فيه هى فعلا مشكله كبيره ممكن البنت تتعقد ويجيلها كوابيس بس انا بايد فكرة ام عاصم 2 لازم ييجى الامر منك انتى لازم تحسسيه بغلطه وتكشرى فى وشه وتتركى مجلسه وتقوم وما تكلميه الا لما يعدل عن الغلط ده وخلايكى قويه وهو عمره ما هيشتكيك لزوجك لانه عارف انه غلطان بس هو بيتمادى لانه مش لاقى حد يوقفه عند حده والله يوفقك اختى يا رب ويحميلك بنتك من كل شر
الله يسعدكم زي ما فرحتوني بردودكم
بس المشكلة. حاولت المح لحماتي عنه لحتى اشوف ردة فعلها وبتصير تضحك لأنه كل فكرها إنه بمزح وهي حرام بتحب بنتي كتييير وزوجي. بعامل ولاد اخوه كتيييير منيح وحتى سلفي ما بغلط على ولاده
والمشكلة اما خايفة احكيله هالحكي وتصير مشكلة كبيرة
لأنه حتى لما احكيله بمزح حرام بصير يزودها
والله العظيم إحترت. شو اعمل
تسلمي قيثارة على ردك ... ما قصرتي
بس والله انا جربت احكيله بهدوء إنه بنتي مش متعودةة على هيك معاملة وإنك بتصير تخاف منه بس والله حسيته صار يزودها
والمشكلة مش قادرة احكي معه باي اسلوب لأنه رجل وغير هيك اكبر من زوجي بالعمر
وانا بنحرق قلبي لما اشوف بنتي بتبكي من وراه
وهو ما بيجي عنا إلا نادرا بسبب دوام زوجي
يعني بشوفه يا إما بمدخل البيت بالصدفة او عند حماتي وما بقدر احكيله. لأنه بكون فيه غيره موجود واكيد رح يوقفوا معه لأنه بعمل حاله بمزح
والله بنتي صارت تخاف مجرد ما تشوفه ... الله يسامحه بس