أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا
مشاركتي في مسابقة ( ان مع العسر يسرا)>>•• قصتي من اجل الحمل ••
( ان مع العسر يسرا ) صدق الرحمن بقوله
والحمدلله رب العالمين على كل شيىء
ما مر علي في سنوات زواجي ..
اتزوجت قبل ما يصير عمري 20 سنه تقريبا 19 ونص
اتزوجت من ابن جيرانا الي كنت آخر واحد في الدنيا ممكن اتقبله بحياتي .. بس تم النصيب وهسا هو أغلى ما عندي
في يوم عرس كانت الدوره علي للأسف ..
بعد كم يوم لصارت الدخلة .. طبعا زوجي الله يسامحه حالي ما بدي أولاد اول سنه .. حكيتلو حرام تحكي هيك الله راح يعاقبنا .. وكان برا السائل الله يكرمكم..
وانا أزعل كتير لما يعمل هيك ..
مر اول شهر وتأني شهر وخامس شهر وما في اشي طبعا صار جوا ...
أجا الشهر السادس جوزي صار يحن للأطفال .. وربنا ما كرمنا .. والكل يسأل شو صار .. احكيلهم لسا
وصلنا للعشر اشهر وانا قررت اروح ع الدكتور اعرف ليش ما حملت .. أعطاني اعمل فحوصات دم والحمدلله كلهم تمام والتبويض منيح وما في اشي
وبرضو أعطى جوزي يعمل فحص الحيوانات المنويه ..
بعد أسبوعين طلعت النتيجة .. وللأسف قله في حركه الحيوانات المنويه .. أنا انصدمت ودمعت .. بس مسكت حالي والحمدلله على كل حال
حولنا الدكتور للتلقيح الصناعي .. وبعد فتره لاتصلت عليهم وكانت فترة عيد والكل معطل اتاجل الموضوع كمان فتره
بعدين حجزت موعد ورحنا عندهم .. وفتحلي الدكتور ملف ولما عرف اني عامله عمليه الزايده خلاني اعمل أشعه الصبغه ومن هون بلشت المعاناة .. كان وجعها لا يوصف الممرضه راحت أيدها يا حرام من كتر ما شديت عليها ... وللأسف طلعت عندي قناه الشمال مسكره وكمان في كتله في رحمي ما عرفوا ايش هي لليوم .. أرجعت ع الدكتور وطلب مني ارجع اعمل منظار للرحم حتى يفتحوها .. وانا ما تحملت الوجع متت وطلبت من الدكتور يوقف ..
ما فتحت القناه الحمدلله ... قرر الدكتور بعملي تلقيح صناعي .. بلشت اوخد في إبر اسمها جونال أف .. وكل كم يوم متابعه التبويض وفحص دم بس فات موعد التبويض وما صار حمل ... كنت معديه السنه من زواجي ... والشهر اللي بعدي نفس الاشي .. واللي بعدي نفس الاشي
لحد ما قرروا بعطوني ابره سيتروتايد عشان يلحقوا التبويض وعملنا التلقيح الصناعي وصابني يومها وجع فظيع في بطني واستفراغ ..
وما تم الحمل ..
عدا كم شهر وما صار حمل كنت بوخد إبر .. وما يصير حمل
عملت تلت مرات تلقيح صناعي .. والحمدلله كلهم فشلوا
خفت اني ما احمل خوف ما يعلمه إلا ربنا صارلي سنتين زواج بالزبط
وما صار حمل وأسئلة الناس بتزيد وكل اللي تزوجوا معي أو بعدي كلهم حملوا إلا أنا .. حتى ماما جابت بيبي بس كنت فرحانه في حكيت بلكن على يده حملت وأنسيت الحمل
قدم ولي طلب عشان الحقن المجهري .. وكنت فاقده الأمل يوافقولي عشان الكتله اللي برحمي
بعد شهر اتصلوا علي بحكولي وافقوا ما صدقت
وبلشت بالمستشفى علاج وعلاجي بلش برمضان .. تفائلت .. حكيت ان شا الله ربنا بيسر الأمور ويحمل لأنو تعذبت كتير بسبب الإبر والحمدلله ..
بلشت مراجعه بالمستشفى .. سونار وفحص دم لدرجه انو صار معي ضعف دم مت كتر ما عملت فحوصات دم في السنه اللي مرت
بلشت اوخد جونال أف .. بعدين معها لافيريس .. وكمان سيتروتايد تلت إبر مره وحده
صار في تلت بويضات وتتحدد موعد السحب
ورحت للعملية أنا جوزي .. خدروني وما حسيت باشي
وسحبولي تمن بويضات .. صليت مرتاحه ساعتين وصار ينزل دم
حكولنا نتصل تاني يوم انشوف كم جنين صار
صار عندي تلت اجنه وموعد الترجيع كان في 21/7
رجعولي جنين واحد وانا كنت بدي تنين بس ما رضوا عشان جسمي ما بتحمل ..
روحت عالبيت بعد نص ساعه .. ومروا هالايام بأبطئ ما يكون وانا ملتزمه ادعيه وآيات التثبيت .. والاستغفار والقران
أجا اليوم اللي لازم أحلل في وانا على أعصابي .. بقرا قران سوره الرحمن وسوره يس..
روحت عالدار استنى .. وأجأ لجوزي في يومها شغل في منطقه بعيده ساعتين بالسياره .. وانا على أعصابي
وعيااااااااط ما وقفت دموعي بالمره وانا ادعي يااااااا رب
اتصل علي جوزي .. ما كان في سيرفس منيح قطع الخط ... رجعت ارن عليه مشغووووول مشغوووول ... ما توقعت يكونوا من المستشفى يحكوا معو
وأخيرا رد علي ..
كان رده ..
مرتي مبروووووووووك انتي حامل .. وانا انصدم افرح اعيط ما عرفت شو اعمل
حكيتلو انت بتكذب علي انت بتمزح معي مش معقول
حكالي ما فيها هالشغله مزح انتي حامل .. حكيتله لا بصدقكش .. وهو يحلف لي
رد: مشاركتي في مسابقة ( ان مع العسر يسرا)>>•• قصتي من اجل الحمل ••
مبروك ياقلبي
ان الصبر مفتاج الفرج
الله يثبته ويقر عينك بشوفته سليم معافى يارب
وشكرا لغصن البان اعطتنا فرصه رائعه لسرد قصص واقعيه ومنها قصص شخصية تبعث الأمل في قلوب المنتظرات
شكرا جزيلا غصن البان
يارب احفظ لي عائلتي فهم أجمل عطاياك وهم اغلى ما أملك، اللهم اني استودعتك مبسمهم وصحتهم، فلا تريني بهم بأسا يبكيني 🌸💜.
اللهم أعيذ ما في رحمي بكلماتك التامة ومن كل شيطان وهامة ومن كل عين لامه
اللهم أسألك أن تحفظه وتجعله معافى كامل الخلقة دون زيادة أو نقصان
اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك الصالحين
رد: مشاركتي في مسابقة ( ان مع العسر يسرا)>>•• قصتي من اجل الحمل ••
اقتباس:
المشاركة الأصلية كتبت بواسطة حياتي توأمي
مبروك ياقلبي
ان الصبر مفتاج الفرج
الله يثبته ويقر عينك بشوفته سليم معافى يارب
وشكرا لغصن البان اعطتنا فرصه رائعه لسرد قصص واقعيه ومنها قصص شخصية تبعث الأمل في قلوب المنتظرات
شكرا جزيلا غصن البان
يبارك بعمرك حبيبتي
أمين يااا رب ويثبت حملك كمان ..
رد: مشاركتي في مسابقة ( ان مع العسر يسرا)>>•• قصتي من اجل الحمل ••
الله يتمم لك على خير ياقلبي
وتفرحي بشوفة جنينك الغالي يارب
الله عزوجل رحيــــــــــــــــــــــــــم
روووووووووووووووووعه
ولك احلى تقييم
يسلمووووووووووووووووووووووو
2Likes
08-22-2013, 05:38 PM
مشاركتي في مسابقة ( ان مع العسر يسرا)>>•• قصتي من اجل الحمل •• 
سحابة الماضي 
جديد منتدى منتدى علاج العقم و تأخر الحمل 
العرض العادي
