اشياء كنتي تسخرين منها وصرتي تفعلينها ؟!

[فطمطم 77]

مرحبااااااا حريمات شخباركم

حابه ان نتشارك بعضنا
من منكن كانت اذا شافت حامل تتعرض لاعراض الحمل او انها تسوي شغله او انها تشتط في الحمال تقعد تعلق عليها وبعدين هي صارت تسوي نفس الشي

ببدى بنفسي انا لما كنت اشوف الحوامل طبعا كنت اضحك على بعض الحريم اللي يشتطون في الشراء حق الياهل وما يخلون شي وما يشترونه وكنت اعلق على مشيتهم اللي تضحك على اخر الشهر التاسع كنها بطه او بطريق
لما انا حملت صرت اشتري من اول ما دريت جنس المولود في بطني كني مصربعه <<< انطري شوي لين السابع ههههههههه ابدا ما خليت شي بس المشيه كانت بطه على خفيف هههههه

[Um sara1]

بصراحة العكس كنت ارحم الحامل لان احس التعب والانهاك واضح عليها حتى لو كانت في احلا طلة

بس الشي الي كنت استغربه لما تبالغ الوحدة بتصرفاتها وحركة اليد ورى الظهر والمشية وشوفوني حامل وكل كلامها عن مراجعاتها والبيبي ووتخطيطها للولادة حتى لو كان النقاش خارج الموضوع

وحريصه جدا اني اتحاشى هالاخطاء او بالاصح الهياط ! الله الي رزقك قادر يرزق غيرك ليش التشفي والشماته بالناس

والحاجة الثانية ممكن الاجسام تختلف بس الاحظ الي تلبسيه قبل الحمل ممكن تلبسيه الى الشهر الخامس ومع ذلك فيه الي توها تحمل وتطيح في الجلابيات والملابس الواسعه و تهممممممممممل نفسها كانها بفترة حداد والمفروض العكس مع نهاية الوحم تبدى تعتني عناية مضاعفة وتلبس افرولات وبناطيل واسعة من الخصر مع تيشرتات قطنية والوان زاهية تجرب عطور وفواحات جديدة وتروح للكوافير تعمل فيساج ومونكير وبودكير هذا كله راح تشوف نتيجته بفترة النفاس وفعلا كنت اشوف فرق بين الي تعتني فترة حملها وبين الي اهملت نفسها وتنتظر تطلع من الاربعين عشان تهتم واقصى شي ممكن تسوية تصبغ شعرها وحواجبها

[hory]

انا احب اشوف شكل المراه وهي حامل احسها تطلع شي روعه واحيانا الحمل يعطي للوحده جمال بشكلها ونور سبحان الله

واحب اني ادللها واحط وراها مخدات اذا جت تقعد ومااخليها تتعب روحها بشي ...

واحس فيها بالاشهر الاخيره واهي ثقلانه مع اني ماجربت الحمل ...

وربي يرزقنا ونلاقي من يدللنا يارب

[ندى الوردة]

انا كنت استغرب من الدوخة عند الحامل والقرف من الطبخ وتقرف من بيتها وكنت اقول مبالغة بس والله العظيم في الحمل صار معي كلشي جاني اغماء وصرت اخاااااف اطلع ويغمى علي شعور رهيييييب وقرفت الطبخ واكل الناس يجيني زي العسل كرهت المطبخ بحاله ههههه وكرهت البيت لأنو لما اروح عند حماتي او عند الاقارب اشعر براحة ومايجيني لاتعب ولا غثيان وبس ارجع لبيتي خلاص احس نفسي مريضة وتعبانة ومعدة وقولون كلشي يجيني يعني الوحم موجود مية بالمية واؤمن بكل ما يخطر على كل حامل في الحمل حرمت اقول تبالغ ههههههههه

[اميرة ذاتي]

انا كنت استغرب من الي تخلف ورى بعض خصوصا ماشاء الله سلفتي على طول عمر طفلها 6اشهر تحمل سبحان الله شاء الله اني احمل بعد بنتي وكان عمرها 4 سته وجبت ولد ومات والحين لي ثلاث اشهر من ولدت ان شاء الله احمل الشهر هذا دعواتكم ..