إجهآضي الثالث ربي يصبرني

[جنون الحب]

السلآم عليكم يا اخوات
حابه افضفض لكم اشوي تحملووني يمكن تخف النار اللي بصدري والقهر
انا مشكلتي اللي اساسا ما أعتبرها مشكله واحمد ربي عليها ليل مع نهار لان لو مو فصالحي ماكتبها لي ربي الحمدلله على كل حال الرحم ذو قرنين او الرحمين اللي يكون الرحم فيها منفصل بالنص بشكل قلب لكن بعنق رحم واحد بالحمله الاولى ماكنت اعرف شنو اخطاره وماكنت اراجع بمستشفى كويس لكن الدكتوره كانت تعرف وماقالتلي انو الربط بهالحاله امان لي قدر الله وماشاء فعل وولدت بالاسبوع العشرين يعني اخر الخامس المره الثانيه جاني نزيف أليييم كان ينزل علي دم قطع بالشهر الثاني وكل مره تكبر القطع الله يعزكم وصارت بحجم الكف والكفين واستغرب كيف تنزل من شنو اكتشفو انه دم حول المشيمه يعني المشكله فيها الحمدلله على كل حال
المره هذي اخذت جميع الاحتياطات الحمدلله اخذت مثبتات تحاميل وحبوب واحيان ابر وفي الأسبوع 14 ربطت وامووووري جدا طبيعيه وفجأه ليلة الأحد نزل علي دم ×_× وكا اشوي يزيد كأنه حنفيه ورحت طوارئ ونمت بالمستشفى واخذت ابرا وحبوب وسونار وحوسه وكشفيه والنتيجه الجنين كويس والمشيمه اووكي والربط مكانه والدم مايدرو شقصته !_! اليوم الثاني خف الدم الثالث شبه انقطع الرابع اختفى تماما لكن قلت للاستشاريه فيه اشوية مغص واحيان البيبي يتكور بمكان واحد قال اوكي بنركب لك مغذي ونعطيك تحميله تخفف التغلصات هذي وطلعت
وجابت الممرضه التحميله وانا اللي احطها من هنا واحس ابغا ادخل الباث وانتو بكرامه وادخل وطلع نص التحميله تقريبا لكن ماشي ثاني نزل فجأه دم فجأه الم ورا بعض واناديهم وعلى مايجووون لي ويعطوني حبتين مسكن تخيلو ×_× مافادتني كل اشوي يزيد احس شي بينزل شلون ينزل والربط واطلع اعصب عليهم من بين الالم جيبولي الدكتووووره بسرعه الم الم مااتحمل انا رابطه اشوي جاتني وجه النحس وقالت قومي نسوي سونار قلت لها هاتي كرسي بسرعه مااقدر امشي طاح قلبي بيدي والله ورحت غرفة السونار وبالزور انتقلت للسرير وتتأخر الدكتوره وانا لحالي مع الألم وابدأ اصارخ انادي ويالله جات
وشافتني كذا قالت بتكشف توها ماكشفت بس خذت طله قالت اوه هذا كأنه راس طلع او كيس وانا اللي يطير قلبي يادكتوره كيف والربط شلووون قالت في هالحاله لابد ينفك محافظه عليك انتي قلت اي شي بس بسرعه تكفيييين مااتحمل وينادولي الاستشاريه وسوولي سونار والبيبي خف نبضه ورجوله تحت ونص الكيس نازل قالت مافيه فايده مانقدر نسوي شي نزلوها تحت بسرعه نفك الربط !__! وانزل وتفك الكيس ونزل الماي للجنين وطار قلبي معه *_*
وتبدأ حكاية الفك من12 ونص تبغا تفكه مو عارفه ماادري كيف وتصرخ ع اللي معها ونادولي الدكتور الفلاني وبسرعه يلا ووجها يخرش ويجي هالدكتور والاثنين يحوسو تحت وانا بس أتألم واذا تحركت قالولي ارخي وساعدينا ويتخلو الحدايد الطويله والعريضه اشكال واحسها توصل لبطني والله انذبحت مت وحييييت ثانيه بس شقول طول الوقت اسمي واستغفر واصلي على النبي الدنيا حر عندي واخيرا حسيت بشي ينسحب واخيرا انفك الربط بعد معانات الساعه2 ونقلوني غرفه ثانيه وركبولي الطلع ونزلت جنينتي ربي يجعلها شفيعه لي ولأبوووها يوم القيامه على بالكم خلصت للأسف المشيمه مو راضيه تطلع وركبولي قسطرة للبول اجلكم الله علشان تخف المثانه وتنزل المشيمه لو ارتفعت خطر علي انا وبعد مانزلت مع الطلق والقسطره وجات وتضغط على بطني فوق وتدخل يدها اللي احسها وصلت لقلبي وانا أصرخ لأ خلاص وتطلعها وتدخل يدها ثانيه وتنظف ×_× وانا ربي يرحم بحالي صياح ودموع واشوية صراخ تعببببت واشوي سوت السونار وقالت ياحبيبتي باقي بقايا لو بس ترضي وانظفه لك واقمط قلت لها والغسيل ماراح احتاج قالت ان شاء لله وكأنها مو واثقه قلت لها خلاص يادكتوره تعبت مابي يكفي اللي صار في كل الحالات بتدخلوني للغسيل كل مره ماتبقى يد ماتدخل اخرها غسيل توكلي على الله ودخليني العمليات ايتسمت ومسحت على رجولي وطلعت وبعد صلاة العشاء دخلت للغسيل وسويت العمليه وطلعت وانا اتحمد الله على العافيه على الصحه على وجووودي في الحياة الى ذاك الوقت يالله لك الحمد وش اقوللكم عن الالم اللي شفته او الألم النفسي او على شنووو بالضبط والله الى الحين ماغير دموع وقلبي يألمني....وللحين انا شاكه بهالتحميله اللي عطوني ماخليت امس قبل لا اطلع للبيت قلت لزوجي خلهم يكتبوها لك بورقه ابغا اشوف شكلها وكتبوها وجيت البيت بعد ماسأل طبعا زوووجي الاستشاريه عن التحميله والحاله كلها قالت انا احترت ماادري وش السبب مو واظح عندي كل شي عندها سليم وطبيعي والتحميله قالت تخفف الانقباضات طبعا لانها كتبت شي وعطوني شي ثاني كيف تيقنت البارح سويت بحث ويطلعلي شي غير اللي اخذته وانفجع وناويه اكممل واتأكد منهم عن شكلها وان طلع السبب منها مابخلي الممرضه بحالها عوار قلبي كله بطلعه فيها ربي يقويييني بس ويسهل هالامر علي بحكم اني جالسه بيت اهلي انتظر زوجي يجي اليوم واقووله وبروح بنفسي واكلم الدكتووره وربي يسهلها علي
ادري طولت عليكم وعورت قلوبكم بس وش اسوي اللي جربت الاجهاض المتكرر بتحس بحالتي وقهري وتعبي الله يعلم ان اول ماقالتلي خبر الولاده قلت الحمدلله ربي اجرني في مصيبتي واخلفلي خيرا منها
الحمدلله ربي يخلف علي ويصبرني ....

[nour karim]

الله يعوض عليك حبيبتي وياجرك على مصيبتك ويعوضك بخير منها يااااااااااااااااااارب امين الله يشافيك ويصبرك قلبي معك

[افنان الحربي]

عورتي قلبي الله ياجركي يا رب ويخلف لكي خيرا من هالحمل حمل ثاني كامل تام يا رب

[أم حمودي وعبودي]

أنا الي حاسة فيكي حبيبتي لأن عندي إجهاض متكرر بس الي صار لك جداً آلمني وجلست أبكي وأنا أقرأ

الله يعوضك ويرزقك بالذرية الصالحة وإذا كانوا فعلاً غلطانين لا تسكتي على حقك وحق بنتك

[جنون الحب]

تسلمووون حبيباتي
والله الى الآن من اتذكر يوجعني قلبي =(
الله يصبرني وكل من مرت بنفس الموقف ويعوضنا يارب
أم عبودي
لا والله مابي اسكت حتى لو وش يصير مع ان زوجي تأثر لكن يقول كيف بيصدقووني واحنا ماعندنا اثبات مع ان اشوف من كلام الاستشاريه ان مافيه سبب المفروض تصدق لو طلعو صدق غلطانين
لان هي محتاره كيف صار هالشي مع الربط والعنايه
الله يقويني واطلع حقيقتهم

[عشقي طيبة]

مرحبا غاليتي

والله ابكيتيني ....

الله يعوض عليكي عوض الصابرين المحتسبين

ويرزقك بالولد الصالح والبنت الصالحه ويجبر كسر قلبك

والحمدلله على سلامتك

[ام ارجواااااان]

حاسين فيك يا قلبي ومجربين
والله يعوضك الخير يارب
انا ستة اجهاضات ومأجورين خير يارب
الله يصبرك ويرزقك عن قريب

[هاجر كندا]

الله يصبرك ويعوضك الالم النفسي جدا قاسي
اني مريت ب٤ اجهاضات مرة في نهايه الرابع
والبقية بين الشهرين وال٣
ولكن اختي التحميله تحتاح من ساعتين الى ٣ حتى تموع
ويبدي مفعولهها وانتي كلتي يادوب دخلتها ورحت للحمام
يعني مستحيل تكون هي السبب وانتي ذكرتي نصها
الاخر نزل بدون مايدخل للرحم
لان الاجهاض يتم بايام قبل حدوثه مو فجاءة

[منتظرة للحمل]

قلبي معاك حبيبتي .. قصتك كتير مؤلمة الله يصبرك ويقويك ياارب و بتمنى انك ما تقنطي من رحمة الله الواسعة فان بعد العسر يسرا ... اصبري يا أختي و ابشري بفرج قريب ان شاء الله

[υм вtℓαα]

الله يعوضك خير يارب