حملي الاول بعد اربع سنوات وطريقتي في اخبار زوجي

[الاسلام فخري]

هلا بالجميلات
انا الحمد والشكر لله صارلي اسبوعين حامل ربنا كتبلي حياة جديدة لاني كنت بحالة نفسية وفقدت الامل بس الله كريم الحمدالله ... انا بدي احكيلكم تجربتي كيف اعلمت زوجي واهله بخبر حملي لان انا في غلربة واهلي ببلد ثانية ... لما رحت الدكتور كنت شاكة لذلك طلعت لوحدي وقلت لزوجي ليش نضيع وقت ندور ع موقف .. استناني بالسيارة ماراح اتاخر بس اخد ابرة انزل الددورة واخلص لانها متاخرة ... طبعا زوجي ما بيفهم لا بالادوية ولا بالابر فقلي اوك ... فتت عند الدكتور وقلتلو اذا فات زوجي الحين ما تخبرو بليز قلي اوك .. المهم خلصت وزوجي ما اجا ما لقا موقف الحمدالله
هذيك الليلة رجعت صليت لربي شكر وقلت بكرا اخبرو ومن بكرا وقت رجوعو من الشغل كتبتلو ورقة فيها انا جاي بعد 9 شهور ومن اليوم ورايح بدك ما تدلعلي ماما وما تعذبها وتجلي الجلي وتمسح البيت وتجيبلها اكل من برا وحطيت الورقة مع دبدوب وعلقت في باب البيت من برا
بس وصل زوجي انا اتسطحت وعملت نفسي نايمة وهوي يا حرام ما فهم شي فات البيت يصرخ باسمي وينك وينك شو هاد ع الباب بتكذبي صح .. قلتلو شو في شو صار .. قلي انطقي انتي بتكذبي علي صح ؟؟ قلتلو انا شو دخلني ما كتبت ي بيكون ابنك الفصعون كتبها
يا حرااام صار يبكي وسجد ع الارض كانت اسعد لحظة بحياتي الحمدالله يا رب ما اكرمك
بعدين اتفقت انا وزوجي جهزنا صندوق وحطينا فيه بامبرز وشوكولا وبونبون تبع ولاد صغار وكان بالصدفة عيد ميلاد اخت زوجي وكتبتلهم ورقة جوى الصندوق ^^ من يوم ورايح الكل يتعلم كيف يلبسني بامبرز معكم 9 شهور بس ^^
ورحنا عندهم البيت كان الكل موجود ع اساس هدية لاخت زوجي وبس فتحو البوكس حماتي ما صدقت يا حرام صارت تنط وتركض وتسجد وتحضن فينا المهم صارت تنط ههههه وعمي صار يبوسني وكلهم انبسطو كثير وبلشت حماتي شو تاكلي شو جاي ع بالك وانا اقلها بكير بكير المهم يا ريتني ما خبرتها ههههه كل شي بالثلاجة طلعتو قلتلها انا حامل مش فجعانة في فرق !!!
والحمدالله حبيت اشاركم فرحتي يا بنات والله لا يحرم اي وحدة بالعالم من هالاحساس ودائما صدقوني ما تفقدو الامل ابدا لان انا زوجي تقريبا مستحيل يصير حمل بدون اطفال انانبيب لكن لا مستحيل مع قدرة الله بدون اي شي ربنال رزقنا حتى الدكتور مصدوم ومش مصدق لانه بيعرف وضعنا .... ادعو ربنا وما تياسو من رحمته والله ما في احن منو علينا وادعولي بالثبات الله يرزقكم

[أم مـــاريا]

ماشاءالله .. والحمدلله الي رزقكم و هذا دليل انه مافي شي بعيد عن ربنا ..

عشت معك باالقصه و دمعت عيوني ��

عارفه هااللحظآت لما تكونين تقريبا فقدتي امل بس الله يذكرك انه موجود و يكرمك

ماشاءالله .. و الله يتمم لك على خير و يفرحكم الفرحه الكبيره
الله لا يضيع صبركم ����




و مبروك من قلبي مبروووك ��

[جنة النعيم]

والله اني فرحت معاك ودمعت عيني ونا نقرأ,ربي يثبت حملك ويرزقك الذرية الصالحة
°°انما أمره بين الكاف والنون°°

[شكرًا يا الله]

الف الف مبروك والله يتمملك على خير وتكمل فرحتك وشو فرحة حبيبتي ياربي فرحتينا معك وان شاء الله تكحلي عيونك بشوفة ضناكي على إيدك المهم انت حصني حالك لانه عيون الحساد مافي أكتر منها الله يحرسك ويحميكي ياااااارب

[نوت "̮]

ماشاءالله اللللف الللللف مبروووووكك
الله يتمملك على خير ويفرحك بشوفة طفلك سليم معافى ي رب
دعواتي لك

[وردة عمره]

كتير كتير كتير فرحتلك والله دمعوا عيوني وانا بقرا بموضوعك
الله يتمملك حملك ع خير ويسعدك انتي وزوجك بشوفة احلى بيبي

مبروك حبيبتي

[جنا الورد]

الحمد الله حمدا كثيرا مبروك الغاليه والله يفرحك بشوفه في احضانج سليم معافا يارب العالمين

[سهام سعيدة]

الف مبروك حبيبتي والله اني بكيت و انا اقرا حكايتك و تدكرت حالي ادعيلي انشاء الله يرزقني من حيث لا احتسب

[ام تميم*]

ماشااااءالله تبارك الرحمن


الف مبرووووووك ياقلبي الله يتمم لك ع خيررررر يارب ودايم طمنينا عليك :)

[υм вtℓαα]

ماشاء الله تبارك الله

الف الف مبرؤؤؤؤك الله يتمم حملك ع خير ويفرحك بشوفة طفلك