بنتي والحمام ٠٠ محتااااجه تجاربكم ٠٠

[أم مؤيد بإذن الله]

السلام عليكم اخواتي الغاليات

زي ما قلت في موضوعي السابق
انا حامل الحمدلله بنهايه السادس او بدايه السابع
وحابه اعلم بنتي الحمام قبل ولادتي بإذن الله
لاني الحمدلله تخلصت من الرضاعه وباقي الحفاظه
وعمرها سنتين الا شهر

لي تقريبا ٣ ايام ادربها ع الحمام
للان ولا مره سوتها بالحمام ومره زعلانه من هذا الشي
واول يوم تدريب شفتها تبغى تسوي الكبيره واخذتها ع طول ع الحمام وكانت خااايفه وحمستها وسوتها وفرحت وحضنتها
بس خافت من منظر البراز
والى اليوم ما سوتها في الحمام ابد
اليوم قالت لي ماما كاكا ووديتها الحمام
وفرحت انها طلبت الحمام
بس تخاف تسويها وبعد شوي طلبته كمان ووديتها وبرضو خايفه
واخر مره حزنت عليها
وقلت لها سويها
وسوتها ع نفسها

بس اللي قاهرني انها ما تسوي الصغيره في الحمام ابد
تطفش وتبغى تخرج من الحمام
او انها تسويها عند باب الحمام
واحسها كرهت الحمام لاني كل نص ساعه اوديها

هل تشوفون فيها قابليه للتعلم ؟ لانها تطلب الحمام للكبيره
اما الصغيره تسويها وتطالع فيا


معليش طولت عليكم بس جدا محتاجه شوركم
اكمل معاها والا ااجل الموضوع

[أكسجين]

°˚وعليكم آلسَـِْ♡̨̐ـِْلامَ ˚°❃

لاتشكين لي ابكي لك انا بنتي عمرها سنتين و٦ اشهر
من اربع ايام بديت اعلمها ع قولتك سارت تطفش من الحمام
لان كل نص ساعة اخذها له ... اذا اخذتها للحمام وعندها شي سوته
واذا مااخذتها ماتقول انها تحتاج وتسويها بملابسها .... من جد تعب
الله يعين وي اصحاب الخبره لاتبخلون بتجاربكم

[حياتي توأمي]

وعليكم السلام

لاتطفشي ولاتأجلي الموضوع بما انك بديتي معاها لاتقطعي

عاااادي جداً اللي تمرين فيه

انا مريت فيه وقلت لك اسبوع تعبت معاها وبعدين اتعودت وارتحت الحمد لله

انتي حامل وراح تتعبي بعدين اذا طولتي وماعلمتيها عالحمام

الحين اتعبي شوي بس راح ترتاحي بعدين

وانتي بعدك صارلها ٣ ايام لازم تكون خايفه ومو متعوده ولاتنسي بنتك بعدها صغيره واصغر من بنتي لما عودتها عالحمام بنتي سنتين ونص

وبنتك اصغر وماشاء الله تقولك كاكا يعني راح تفهم مع مرور الوقت اصبري عليها

نصييييحة مني لك كإخت لاتقطعي واستمري حدها اسبوع او عشر ايام بالكثير وراح تتعود

بالنسبة تكرمين للبراز بنتي نفس بنتك تخاف من منظره اول ماتسويه بالمرحاض وتقعد تبكي تبيني انزلها من المرحاض حتى قبل ما اغسلها

وقعدت افكر وقلت لها مره شو رايك تسوي الكاكا وخليه يروح لأنه كعععع وسخ وبعدين انزلي سويييي تشششششش هههههههه لاتستغربي بس لازم تتبعي هالاسلوب معاهااا

اقصد تشششششش اني شجعتها تعمل الكاكا وبعدين تنزل من المرحاض واساعدها تضغط على شفاط الماء تبع المرحاض عشان تفهم ان هذا وسخ وبإيدها تقدر تخليها يروح

وفعلاً قامت وعملت الحركة وهي مستانسه يعني يبالها مسايسه وطولي بالك عليها لازم تتعبي شوي معاها

موفقة

[ρυяỉтч •]

اككبر غلط تسويه الام انها تقطع تدريب الحمام وترجع البامبرز
خلص بديتي انتي كملي ، مصيرها بتتعلم
انا بنتي علمتها وهي ٣ سنين كنت مكسله بصراحه
وتعالي شوفي البكاء ، تقولي ي ماما انا خايفه رجعي الحفاوظه ابغاها
وطنشتها
ومره واثنين وثلاث ، نروح للحمام بس كذا تقعد تتفرج ونطلع من الحمام تسويها ع نفسها تقهرني
بس قدرت خوفها وانه طبيعي
اسبوع زمان بس وبدت هي تروح من نفسها ولا احتاج اروح معها وتلبس ملابسها وتشطف لنفسها
راح تتعلم ماعليك
بالنسبه للكاكا ع فكره انا كل عيالي يتعلمون للحمام للكبيره قبل الصغيره
وخصوصا انك تراقبينها ف تعرفين موعدها وتاخذينها بسرعه
عكس البول لا م تدرين متى بيجي
احيانا تتبول شوي بالحمام ولمن تطلع تتبول ع نفسها وملابسها
لكن كل ذا عادي والصبر زين وكله فتره وخلاص بترتاحين

[أم مؤيد بإذن الله]

أكسجين

آه بس تعب نفسي اكثر من كونه جسدي
خاصه اني اقنعها لدخول الحمام واغريها بأي شي

بإذن الله ما يجي العيد واحنا بخير الا وبناتنا ع الاقل فاهمين لو شوي عن هذا الموضوع


حياتي توأمي
فرحتيني لما تقولي انه بإذن الله اسبوع وتبدأ تستوعب
انا دحين اقولها اذا سويتيها بالحمام نروح سياره او اعطيك
بس لساتها صغيره ما تفهم للثواب والعقاب
واقرأ بعض المواضيع انه فيه اطفال ياخذو ثلاث شهور ع ما يتعودو
وانا حابسه نفسي عشانها

يارب تتحسن وتفهم مع الوقت
خاصه ان عندي اصرار الحمدلله


ρυяỉтч
بإذن الله ما اقطعها دام بديتي وحسيت فيه تجاوب لو شوي
وربي يعيييييين :(

جزاكم الله خير جميعا