هل الرطب يضر الحامل في الشهور الوسطى

[أنوار الولاية]

السلام عليكم

امهات بسألكم اذا تعرفوا هل الرطب يضر في الاشهر الوسطى ؟

انا الي اعرفه التمر مايصير ناكله الحين لكن الرطب ماعرف

انا امس اكلت رطب يمكن فوق العشر حبات وفي الليل جاتني تقلصات موجعه بس ماعرف هل هي من الرطب ام لا

لأني ما اكلت شي جديد عن كل يوم غير الرطب

[حياتي توأمي]

وعليكم السلام

والله يا انوار اسمع انه مو زين

بس عن نفسي كنت آكله بشراهة في شهوري الاولى والحمد لله ماصارلي شيء
بس اذا عندك تقلصات خففي منه

والله يتمملك على خير

[أم الزين]

والله ما دري بس مااضنتي ياثر لان شكث رفيجاتي وحامهم ع التمر وماصار شي


خففي منه والحمدالله

والله يتمم عليج ي رب

[جنون الحب]

انا كنت اعشقه بشهوري الاولى واكل فوق ال5حبات
لما بحثت لقيت انو من الأفضل تخففي منه او تاكلي عدد فردي يعني وحده او 3 او 5 كذا حاليا التمر عشق بس اخاف منه صرت اكل وحده او 3باليوم مااكثر

[υм вtℓαα]

انتبهي يحمي الطلق

الله يتمملك بخير

[أنوار الولاية]

الظاهر التقلصات الي صارت لي من الرطب

ذكرتني بحملي يوم كنت في الثامن اكلت تمر وصارت لي تقلصات مؤلمه

أمري لله بتركة خسارة عليه احبه ، انا احب الرطب لكن ماحب التمر

شكراً لكم

[حياتي توأمي]

انوار وين تلاقين الرطب الحين بالامارات خلاص مافي منه يعني خلص موسمه

غير التمر مافيه !!!

عاد انا خلاص بدخل التاسع واتمنى يجيني طلق طبيعي ولو مره هههههه ماعمره جاني طلق طبيعي

[أنوار الولاية]

الله يعينج و إن شاء الله هالمره يكون طلق طبيعي الطلق الطبيعي ارحم انا جربت الصناعي في اول ولاده وعقدني

الرطب زوجي يشتريه من المينا موجود عاد مينا ابوظبي مادري عندكم وين تحصلينه

ماعرف الي يشتريه اظني يمني يمكن بدا موسمه عندهم

الله يسهل عليج وتكون ولاده سهله وطبيعية

[أنوار الولاية]

مكتوب عليه منتج اردني إن شاء الله تلاقينه عندكم لذيذ لونه اصفر

[حياتي توأمي]

انوار حبيبتي

المشكله انا ماينتظرون علي الطلق الطبيعي والسبب سكر الحمل
يعني ولادتي بتكون تقريبا عالاسبوع ٣٨ ان شاء الله

لهالسبب عمري ماحسيت بطلق طبيعي

يالله عادي المهم نقوم بالسلامه

الله يسهل علينا واذا تعبت مافي غير ابرة الظهر هههههه