ولدي يرفض الرضاعة الطبيعية

[أنوار الولاية]

السلام عليكم امهات

كيف حالكم

انا الحمد لله جبت ولدي وعمره 36 اسبوع والحمد لله رب العالمين ما احتاج حضانه

لكن بسبب صغر حجمه ما يعرف يمسك صدري للرضاعة

حاولوا معاه في المستشفى وانا احاول يعني اليوم بس مره وحده مسك وشرب شوي يمكن ربع ساعة

اضطر اشيل له من صدري وعطيه والمشكله هالطريقة بالجفف صدري

طبعاً المستشفى عطوه حليب صناعي قالوا لي لازم يشبع حتى ما يرتفع عنده بوصفار

هم قالو لي اذا كبر ووزنه كمل ثلاثه بيعرف يشرب ولين ما يكمل بجف صدري من الحليب

ماعرف عندكم حل او في احد مر عليه نفس مشكلتي وهل تنصحوني بشي ؟

[أنوار الولاية]

على فكره انا صدري من النوع الي تكون الحمله مو بارزه وفم ولدي صغيييير وهذا الي يخلي ولدي صعب يرضع

ونفس المشكله عانيت منها مع عيالي

[حياتي توأمي]

حبييتي انوار

الحل الوحيد انج تشفطين الحليب باستمرار وتعطينه بالمرضعه مافي غير هالحل عشان مايجف الحليب بصدرج
الشفط كذا مره باليوم مع المشروبات اللي تدر الحليب ماراح يجف الحليب ان شاءالله

وربي يحفظلج الولد وتفرحين فيه

[أنوار الولاية]

انا اشفط ليه حاليا وعطيه وصدري يوجعني واحسه متعبني

لكن بعد اذا اشيل له حليب مو بسهوله يعني يبي لي ساعة حتى تكمل المرضعة 50 مل

مشكورة على الرد والله يفرحج في عيالج

[حياتي توأمي]

صح الشفط متعب

لهالسبب قلتلج اشربي المدرات للحليب لأن لو صدرج ماشاء الله كان مليان بتكون المهمة سهلة جداً ومابتاخذي وقت طويل
واتغذي عدل اشربي حلبه واشربي ماي كثييييييير وكلي من الحلاوة الطحينيه وابحثي بالنت عن المدرات للحليب
بالنسبه للشفاطه لها دور كبير انا اسنتخدم شفاطه كهربائية من ماركة مديلا ممتازه

والله يوفقج يارب

[ام ياسمين*]

مشاء الله الف الف مبرووووووووووووووووووك
يتربى بعزكم ان شالله الله
حبيبتي الحمد لله على سلامتك وسلامه الصغير
انوار اتوقع مافي حل غير الشفط الحليب إلين ويكبر ابنك شوي
انت اشربي سوائل كتييير وتكون سخه واشربي شربه الحلبه هااائله
وحاول معه لحتى يتعود على صدرك

[υм вtℓαα]

مالك الاتشفطين الحليب حتى مايتجمع ويسبب لك الم
وتعرفين البيبي يلاقي صعوبه بالبدايه بس حاولي تدلكين الحلمه حتى تبرز
وكثري من المدرات والسوائل الطحينه الحلبه الحليب

والله يخليه لك يارب ويرزقك بره

[أنوار الولاية]

الله يسلمك ام يسمين ❤️

حياتي توأمي وام بتلاء انا اشفط له حالياً ومع ان صدري خشن ومتعبني بس مادري ليش مايطلع بسرعه

في المستشفى جابو لي شفاطه كربائيه لكن ابدا ماكان ينزل شي فقالت لي الدكتوره بالتدليك بينزل يعني احط الشفاطه وانا ادلك فصار ينزل

إن شاء الله بحاول معاه يشرب ومشكورين على الرد

[أم حمودي وعبودي]

ألف ألف مبرووووووك حبيبتي والحمد لله على السلامة

صحيح الرضاعة الطبيعية في البداية صعبة بس لا تفرطي فيها

بالنسبة للحلمة الصغيرة أو الغير بارزة ينفع معاها الشفاط قبل الرضاعة طبعا

وممكن انت تمسكيها وتمطيها قبل الرضاعة

ومع كثر المص تكبر الحلمة بس لا تستسلمي

[أنوار الولاية]

الله يبارك فيك ويسلمك ام حمودي

جربوا معي الشفاط في المستشفى مافاد ويايي بعدها عطوه حليب صناعي قالوا لي لازم يشرب حليب زين حتى يروح عنه ابو صفار

قالت لي الدكتوره اذا رفض يشرب حتى لو اخليه على صدري بيحفز الحليب وما بجف و إن شاء الله شوي شوي يعرف يمسك ويرضع