نزول الماء بدون ألم مع نغزات في أسفل الشهر التاسع من الحمل

[صمتي حكآيهـ !]

السلام عليكم حبايبي

انا بالاسبوع 37 وباقي لي 4 ايام واكمل اسبوعين من التاسع
ولي 3 ايام ينزل مني مويه بس مو كثيره بسيطه وبدون الم ولاشي .. بس اذا تحرك البيبي احس بنغزات من تحت ..

امي شافت المويه وقالت هذه مويه الطفل بس شكلو من المشي صار ينزل معك مويه ويمكن انه زايد
وكل مارحت للحمام اشوف الكلوت فيه بقعه بسيييييييييييطه رطبه مثل المويه وبه لزوجه شوي وبدون رييييحه
هذا طبيعي ولا اروح المستشفى .. اخاف تنزل المويه كلها وينشف البيبي ..
بسرعه ردو علي .. الله يخليكم طمنوني من حصل لها مثلي ؟؟؟
لاني متوتره واعصابي زفت
مع العلم اني امشي كل يوم .. واكل تمر .. تتوقعو الرحم مفتوح ولا ايش ؟؟


بسرعه ردو علي الله يخليكم

[مشــــــــاعر]

شوفي حبيبتي الله العالم أنها موية الجنين..
أنتي تقولين قليله,,الحمدلله..
موية الجنين لما تنزل تكون دافيه وبها لزوجه..
وبما أنك بالتاسع كل شي وارد..
خاصه أنك تمشين وتآكلين تمر..
أنا من رأيي تروحين مستشفى تتأكدين من وضعك..
ترى صعبه تنشف المويه وأنتي مكتفه يدينك لا وتمشين بعد..
الله يهديك روحي وطمنينا عليك..
ماتشوفين شر,,وتقومين بالسلامه..

[ام اليان]

الله يتمم لك على خير
نزول المويه من علامات الولاده انا ببنتي نزلتلي مويه
ورحت المستشفى على طول نوموني وجلست يومين
وولدت لازم تكوني تحت الملاحظه عشان المويه اللي ينزل منك
وعشان ماتنشف موية الجنين

[**سماسم**]

إذا كانت أمج شافتها فاروحي يالغاليه للمستشفى أفضل ..
وربي يسهل عليج ويقومج بالسلامة
,,

[سموةالجرح]

طييييييييري على المستشفى

[عاشقة الجنه]

انا من الشهر الثامن ينزل معاي نفس الي قلتي مو شرط تكون ولاده الااااااااااااا اذا كانت المويه كثيره او معاها دم
لاتستعجلين داومي على المشي والاستغفار

[يـــونا]

صحيح كلام عاشقه الجنه

انا كمان كذا بس لمن رحت المستشفى قالت الدكتوره المويه كامله والحمد لله

بس انا ماامشي

[توتايه]

حبيبتي امي كانت تقول بالشهر الثامن والتاسع كانت بس توقف وينزل عليها مويه كثيره كأنها شخت على روحها تكول هذا عادي

[صمتي حكآيهـ !]

ابشركم رحت المستشفى وحطو تخطيط قالو مافيني طلق
وكشفو على من تحت وقالو الحمدالله هذه مو مويه الجنين هذا التهاب
وحطو على السونار وشافو مويه الجنين الحمد الله كويسه
عطتني تحاميل عشان الالتهاب .. بس اللي مستغربه منه .. انو اللي نزل مني بدون ريحه ولا لون كيف التهاب ؟؟!
المهم انها عطتني موعد السبت بس مانيب رايحه بداوم ع المشي واكل التمر الين يجيني الطلق واروح مره وحده ..
صراحه تعذبت معهم خلوني ساعتين ولاحد حولي انادي ماحد يرد حطو التخطيط وانحاشو ...
يعطيكم العافيه جميعا حبايبي ماقصرتو .. كل الشكر للي دخل ورد علي وجاوب على سؤالي
عسى ربي يسهل عليكم وعلي وعلى امه محمد اجمعين

ماقصرتو كروشات وربي لايحرمني منكم .."

[يـــونا]

صار لي نفس قصتك وكنت بنهايه الثامن

سوو لي تخطيط ولحد حولي بس كانت بجمبي وحده تطلق بس تصاااااااااااارخ

ماغير اسمع هالصراخ وامها تهديها

الله يعين