انا في ورطة كبيرة مع مستشفى العسكري بالرياض

[انا منتازة]

بسم الله الرحمن الرحيم
السلام عليكم ورحمة الله وبركاتة
حبيباتي
انا في مشكلة كبيرة مع المستشفى العسكري بالرياض
ومشكلتي هي اني انا كانت اخر دورة لي في 28-5-1431هـ
وكنت اراجع في منطقة غير الرياض
وكل شي كان تمام
المشكلة بدأت من يوم جيت المستشفى العسكري الله يسامحهم بس
انا طبعا اراجع في عسكري حي المروج.والعسكري اللي فية مبنى الولادة 109
مشكلتي بدت انهم مو عارفين يحسبون لي انا في اسبوع ولادة ..
اول دكتورة قابلتها حسبت لي صح.
وكنت بالاسبوع 31 في تاريخ 23-12-1431هـ
وموعد ولادتي في اول او ثاني اسبوع من شهر3 بالعربي
رحت الموعد الثاني في المستشفى العسكري مبنى 109 بعد 3 اسابيع وكتبت لي الممرضة وكانت سعودية نفس اسبوع الحمل31 اسبوع
ورجعت الحين عند عسكري حي المروج اليوم وقالت لي 31 اسبوع
تخيلوا يعني شهر كامل
وانا لسى بنفس الاسبوع
والمصيبة انها قالت اني بالشهر السابع
وانا ياناس بالثامن وقربت ادخل التاسع مع شهر2
انا ابي اشوف هل هم على حق ولا لا ؟ وانا في اي اسبوع بالضبط

[شعاع الأمل]

الله يعينك والله من رفعه الضغط بالمستشفى هذا بس مواعيدهم كويسه
طيب ليش ماتواصلين مرجعاتك مع مبنى 109واول مره اسمع بمبنى المروج هذا
بس انتي لاتسكتين اذا رحتي للدكتوره علميه بااللي حصل معك واستفسر
الله يهون عليك وعلينا يارب..

[يارب قول لامنياتى كونى]

انا بنفس المبنى 109

واكشف عندهم ,,,,,,,,,,,بس مدرى يمكن على حسب الدكتورة

[يارب قول لامنياتى كونى]

خلاااااص خليكى 109 مثل اول ,,,,,موكل شوى بمستشفى


الله يسهلك يااااااارب

[ساهرة]

تاريخ المتوقع لولادتك 19 ربيع الاول
يعني 31 اسبوع لك
انتي اول اسبوع من 8

[انا منتازة]

الله يجزاكم خير
انا المشكلة هم اللي مضيعيني بين المستشفيين
عسكري المروج يحولني ع مبنى 109 ويعطيني موعد اراجع عند نفس الطبيبية
وكلهم عندي فيهم مواعيد انا ابغى ارتاح.... والمشكلة اني تلخبطت .. لاكن اهم شي ان الحسبة ماتكون غلط ..واروح فيها بعدين وقت ماتجيني الولادة ..
تووووووووووووووووووووووووووووووووووووووووووووووووو ووووبة
ماعاد اجي
بجلس مع زوجي اصرف لي..

[العاااالي مستواها]

صباح الورد-لا ترجعين في الروج خليهم روحي 109وبس واسألي عن الدكتوره بدريه ممتازه وقولي لها قصتك مع العسكري -ملاحظه الدكتوره بدريه عليها زحمه لازم اتطولين في الانتظار-

[انا منتازة]

الله يجزاك الف خير يالعالي مستواها انا فعلا مااعرف اسم اي دكتورة بالعسكري..
موعدي السبت لاكن بسأل عنها وان شاء الله تفيدني اكثر والف شكر لكل من رد علية ..

[ام صـالـح]

الله يعينك
انا حسبت لك موعد ولا دتك في نص ربيع الاول
الله يهون عليك يالغاليه

[انا منتازة]

الف شكر لك يا ام صالح وشكر للأخوات اللي تفاعلو مع قصتي ..