أهلا وسهلا بك إلى منتديات حوامل النسائية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا
العودة   منتديات حوامل النسائية > منتديات الولادة وفترة النفاس والرضاعة > إستفسارات مرحلة الولادة

إستفسارات مرحلة الولادة إستفسارات الولادة الذين هم على وشك ولادة للطرح جميع مشكلاتهم واستفساراتهم قبل وأثناء ومابعد الولادة للأمهات الجدد وذوات الخبرة


قصه ولاده موثره للعضه والعبره


...
موضوع مغلق
 
LinkBack أدوات الموضوع انواع عرض الموضوع

قديم 01-05-2011, 09:58 AM   المشاركة رقم: 1
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية نبض قلب حمني

البيانات
التسجيل: Jun 2010
العضوية: 8630
المشاركات: 585 [+]
بمعدل : 0.16 يوميا
اخر زياره : [+]
معدل التقييم: 41
نقاط التقييم: 49
نبض قلب حمني is an unknown quantity at this point
 

الإتصالات
الحالة:
نبض قلب حمني غير متواجد حالياً
وسائل الإتصال:

المنتدى : إستفسارات مرحلة الولادة
افتراضي قصه ولاده موثره للعضه والعبره




منقووووووووووووووووووووووووووول



قصة ولادتي

من دخلت شهري السابع وكل موعد الدكتور يسألني جاك طلق؟ جتك تقلصات وانا اقولا له لا ما احس بشي واحس انه مستغرب كل هالموية وماجاك طلق ماشاء الله

قلت ***** الله اولد اول التاسع يالله باقي 5 اسابيع بس هانت

قلت لزوجي يالله خليني اروح اشتري هدايا للضيوف وتوزيعات قال لي مو كأنه بدري؟ قلت لاااا انا احس اني بولد قريب على اول التاسع قال يالله كل ماقضيتي شي ارتحتي ورحت اشتريت هدايا تجنن حتى صديقتي واختي انجنو عليهم وانا راجعة من مشواري حسيت بحركة حركت كل بطني حركة اول مرة احس فيهااا .. قلت لزوجي ما ادري ليش احس ان بنتنا قلبت حالها وصار راسها تحت ورجولها فوق يبغالي اسأ ادكتور عن وضعها موعدي الجاي

رجعت البيت وقلت لزوجي خلاص هذا الاسبوع بنزل الشرقية وبجلس عند اهلي لحد الولادة لان احس اني تعبت خلاص وانت دايم مشغول واحس بالملل قال اوك جهزي اغراض البنوته علشان تنزليهم معاك

وطلعت كل مشترياتي وجلست اناظر فيهم وهي كانت تتحرك واقول لا تستعجلي حبيبتي راح تلبسيهم ويصغرو عليك واشتريلك غيرهم.. ورتبتهم كلهم وجهزتهم من يوم الثلاثاء على اساس نازلين الشرقية الاربعاء ليلة الاربعاء كنت جوعانة وزوجي طالع برة كلمت جارتي تتعشى عندي وكنت اقول ليش بنوتتي ماتحركت معقولة نايمة ؟؟ هي ماتطول بين حركاتها كثير هزيت بطني وركلت ركلة قوية قلت ياقلبي صحيتك معليش ارجعي نامي بس كنت بطمن عليك..

تعشيت وجارتي ورجع زوجي وقال ها كيف البنوتة قلت شكلها نايمة اليوم ماتحركت كثير وهو من عادته يجلس يسولف مع بطني وسبحان الله بس يسولف ويحط ايده على بطني تتحرك كانها تفهم وتسمع شيقول ابوهاا
قال بما انها نايمة ماراح ازعجها يالله خلينا ننام عشان مشوار بكرة
جا يوم الاربعاء وجهزنا نفسنا انا راح نرجع الشرقية واذا شغل زوجي متصلين عليه ان في اجتماع مهم الليلة ولازم يكون موجود طبعا مايقدر يتعذر... قال اسمحيلي شكلنا ماراح نرجع هذا الاسبوع خليها الاسبوع الجاي قلت لاااااااا ملل مالي نفس اجلس خلينا نرجع بكرة قال كيف نرجع الخميس وارجع الرياض الجمعة ثاني؟ متعب

قلت اسفة حبيبي فكرت بنفسي ونسيتك خلاص بصبر اسبوع امري لله ... راح زوجي شغله وجلست طفشانة وملانة والبنوتة لاحس لا خبر اقول اشفيها مافي لها حس هزيت بطني شوي وركلتني خفيف ركلة وحدة بعدين جتني جارتي وقلت لها احس البيبي خافة الحركة مو من عوايده قالت عادي تصير احيانا يصيبهم خمول كم يوم عادي قلت ايوة الظاهر لان نومي مخربط هاليومين وما ارتاح قالت مو الظاهر اكيد

جا زوجي وقال احس اني نفسي ارجع الشرقية اغير جو جهزي نفسك على بكرة بعد صلاة الفجر نروح قلت مو تعب عليك؟؟ قال لا لا عادي... فرحت حيل طبعا
نمنا شوي صحينا صلينا الفجر وتوكلنا على الله وانا متعودة ان في المشاوير بنوتتي تتحرك كثير من حركة السيارة وشوارعنا الا تجنن لاكن هالمرة ماكنت احس فيها ابداااااا

قلت لزوجي تراني خايفة على بنوتتنا قال ليييييش؟ قلت حركتها موعاجبتني صايرة مرررة قليل مرة باليوم بس او اذا هزيت بطني قال لاتوسوسي ان شاء الله عادي.. قلت لا لا ما احس ان الموضوع طبيعي
قال خلاص اول مانوصل الشرقية نروح المستشفى ويطمنوك لاتخافي قلت اوك اول مانوصل على المستشفى على طوووووول ...قربنا من الشرقية قال اي مستشفى نروح؟ الي تتابعين فيهاااا قلت لا ماله داعي خلينا نروح جنب البيت اي مستوصف مجرد يطمنونني

وصلنا ورحت قسم الاشعة على طول وانا داخلة المستشفى حسيت بحركة خفيييفة مرة لاتكاد تنحس..... رحت لاخصائية الاشعة وقلت لها احس الحركة شوية قالت اوكي وسوت الترا ساوند وقالت انتي تتابعي وين.؟؟ قلت لها ليش؟ قالت اقصد اخر مرة عملتي الترا ساوند متى؟ قلت لها من اسبوع ليش؟ قالت لا بس

قلت لها البنت فيها شي؟؟ قالت لا لا نايمة بس قلت نايمة؟؟؟؟؟؟؟؟ من امس نايمة؟؟؟؟؟؟؟؟ ايش هالنوم قالت المكان الي تتابعي فيه ماقالو لك ان البيبي فيه شي مو طبيعي.؟ قلت لها قالو كلام كثيررر احدى الكليتين مادري ايش والموية زيادة حيل وووو بس انا مو جاية عشان هالسالفة جاية اتطمن ان بنتي مافيها شي وانها عايشة قالت ايوة شوفي قلبها ينبض مافيها شي بس هي نايمة وبانسبة للكلية هي مو كلية وحدة عندها الكليتين تعبانة.... قلت قالولي بس وحدة قالت لا الثنتين .. وسوت لي صورة ملونة وشفت بنتي حبيبتي هادئة وماتتحرك مثل كل المواعيد الي كنت اروحهااا وحاطة ايدينها على وجهها وكأنهااا ملاك ...
ومااكنت عارفة ان هذي اخر مرة اشوفها في اشعة الترا ساوند

طلعت متطمنة زوجي قال بشري قلت له نايمة حظرتها وانا قلبي يطيح برجولي قال طالعة على ابوها تحب النوم
رجعنا البيت تغدينا ونمت شوي وصحينا المغرب طلعنا ورحت السوق اشتريت لها سرير لان كان ماباقي غير السرير واخلص اغراضها وتعشينا انا وزوجي ورجعنا البيت قلت له وديني لامي ماشفتها اليوم قال اوك اجل بطلع مع الشباب واكلمك بعدين دخلت لامي وكانت اختي موجودة وجلسنا وسولفنا وتقهوينا وطبعا طوووول هالوقت من الصباح لما رحت الموعد كانت اخر حركة للحين

قلت في نفسي معقولة نايمة بعد؟ ماصارت....... قلت لامي قالت عااااااادي تصير لاتوسوسي قلت لها لاكن انا بنتي مو كذا من تحركت ماسوت هالحركات اول مرة تسويها قالت ايوة ايوة عادي وقالت اختي انا صار لي في حملي كذا ويوم كامل وبكيت ويوم ثاني تحرك البيبي على طبيعته لاتخافي قلت اوك امي ادرى مجربة الحمل اكثر من مرة واختي بعد
جا الفجر واتصلت على زوجي يالله امي بتنام ماجيت قال ساعة بس قلت لامي نامي عادي قالت اوك تصبحي على خير في حركة؟؟ قلت لا لسا

جلست لوحدي انتظر زوجي ونمت شوي صحيت الا مرت ساعتين وزوجي ما اتصل كلمته وينك قال جاي الحين وكان اذان الفجر صليت وحطيت ايدي على بطني ودعيت بعدين جلست اهز في بطني اهز اهز ومافي تجاوب جلست ابكي بحررررررقة يابنتي طمنيني عنك لاتسوي في ماما كذا حرام عليك وارجع اهز ولا حياة لمن تنادي

شوي وجا زوجي ركبت السيارة شاف وجهي احمر قال خير صاير شي؟ قلت له ماتتحرك ماااااااتتحرك قال قالو لك عادي واحنا رحنا اليوم الصباح وطمنوووك عليها
قلت له لاكن من الصباح للحين مافي اييييييي حركة احس ان في شي مو طبيعي قال استهدي بالله وانتظري لبكرة وبتتحرك وبتشوفي وقام يهدي فيني
رحنا البيت ونام زوجي وانا قمت اقرا بهالمنتديات عن حركة البيبي البعض يقول عادي والبعض مو عادي وناس تكتب اشياء تخلي البيبي يتحرك مثل الشكولاته والسفن اب قمت على طول اكل شكولاته وانام على جنبي اليسار واجلس ربع ساعة ولا في فايدة وارجع اشرب عصير ومافي فايدة واحس بنعس غير طبيعي وانام لي نص ساعة واجلس فزعانة اهز بطني على طول وابكي واكل شكولاته ومرت الليلة بطولها على ذا الحال لحد اذان الظهر يوم الجمعة صحا زوجي من النوم شاف جنبه جسم بلا روح الوجه احمر والدموع ماتوقف قال شفيييييييييييك ليش تسوي في نفسك كذااااااا والله حرام عليك

قلت له بنتي ماااتت ماتت قال فال الله ولا فالك لاتقولي هالكلام قلت ماتتحرك بنتي ماتت خلاص خلاص قال استغفر الله قومي صلي ولاتوسوسي وخلينا نتغدى واذا ماتحركت نروح ثاني المستشفى ولا يهمك

رحنا بيت اهله لان من عادتنا نتغدى هنك وحاولت اكون طبيعية علشان ما احسس احد بشي وتغدينا و سولفنا بعد الغدا للمغرب طبعا انا كنت في عالم ثاني مو معاهم ابدااا قلت لزوجي يالله المستشفى
قال ماتحركت؟ قلت لا
رحنا مستوصف جنب البيت طبعا بالليل مافي غير طوارئ سوت لي الدكتورة بجهاز يطلع بس صوت القلب وجلست تحوووس تحوووس وماسمعت شي ورجعت تدور يمين شمال قالت لي الصراحة ماسمعت شي بس الجهاز هذا مو دقيق يمكن البيبي يكون عاطي ظهره وفي هالحالة مانقدر نسمع انصحك تجي بكرة الصباح تسوي الترا ساوند احسن واوضح
طلعت قلت لزوجي مافي نبض تقول تعالي بكرة بس ايش يصبرني لبكرة؟ قال ادري لو خليتك لبكرة تموتي خلينا نروح المستشفى الي تتابعي فيه احسن لان عندهم قسم الطوارئ والولادة شغال 24 ساعة
ورحنا على طول... وصلنا دخلوني غرفة تخطيط قلب الجنين وجلست تحوووس المرضة يمين شمال وسمعت نبض واحس ارتحت شوي بس انتظرها تقول شي. اشوفها خلت الي بيدها وراحت ركض وجابت معاها ثنتين ممرضة ثانية ودكتورة.. قالت لي الدكتورة الممرضة تقول مالقت نبض عشان كذا بنسوي لك الترا ساوند... وانا ساكته وبدون احساس .. جابو جهازهم وسوت الالترا ساوند ووجها تغير حاست شوي وزوجي من قدامي رافع يده يدعي وانا انتظر اي شي يقولونه واذا بالدكتورة تطفي الجهاز وتقول لي...

مبدئيا مالقينا نبض بس راح نسوي لك الترا ساوند ثاني عند اختصاصي عشان نتأكد اكثر ونسوي تقرير لوضعك الله يعوضك ***** الله وطلعو من الغرفة زوجي انفجر يبكي مو مستوعب
وانا قلبي حاس من اول ماتغيرت حركتهاااااا
لاكن احس اني لسا ما استوعبت شي؟ معقوووووووووولة؟؟ بنتي بنتي اناااا ماتت
يعني ماراح احس فيها ثاني؟ ماراح احس بحركاتهااا؟ ماراح البسها ملابسها الي اشتريتهم وجهزتهم لهاااا؟
ماراح اسمع كلمة ماما منهاا
ماراح اشوف ابتسامتها ثاني؟ ابتسامتها وهي ببطني حركاتها البريئة؟؟ يعني كل شي انتهى خلاااااااص باقي بس 4 اسابيع كنت احسبهم يوم ورى يوم عشان اضمك بين صدري لاكن ربي اراد هالشي اللهم لا اعتراض على قضائك اللهم لا اعتراض على قدرك

ضمني زوجي حيل وقال الحمد لله الحمد لله الله كريم الله رحوووم اراد لها الراحة قبل تجي على هالدنيا وتتعذب يمكن انها راح تكون مريضة او تعبانة خاصة ان الاشياء الي قالو فيها مو شوية
قلت الحمد لله الخير فيما اختاره الله
سوو لي بعدين الترا ساوند اخير وكتبو تقرير بوفاة الجنين وقالو يالله ولادة ولبست لبس الولادة الي كنت اسمع البنات يتكلمو عنه وجت الدكتورة تكشف على عنق الرحم وفتحته 1 سم قالت علشان نحط لك طلق صناعي بعد شوي .. قلت هذا الكشف الي البنات يقولو انه موووت وفعلا انه موت ماتوقعت اني راح اجربه وانا بهالحال

حطولي الطلق الصناعي على الساعة 1 فجرااا وقالو لي نامي لان وراك مجهووود كبير لانك راح تولدي بيبي ميت وهذا متعب ماراح يساعدك البيبي بالدفع ابدا وراح يكون كل شي عليك وطلعو وخلوني لوحدي مع زوجي وزوجي كان تعبان وقلت له ريح نام السالفة مطولة مو ساعة ولا 2 قال لا ما ودي اخليك لوحدك قلت لا انا كمان بانام كنت بس ابغاه ينام
نام زوجي ورحت عالحمام وجلست اناظر في بطني اقول خلاص برجع زي الاول وبنوتتي بتطلع مني؟ هذا اليوم الي كنت انتظره بفارغ الصبر وكنت اقول بتحدى التعب والطلق وكل شي لان بالنهاية راح تكون بنتي في حظني وانسى كل التعب وتعب الحمل حسب ما البنات تقول
رجعت عالسرير اتقلب اتقلب بس موقادرة انام اذن الفجر وصليت وصحا زوجي صلى ودعا لي بالتسهيل ورجع نام عالساعة 6 بديت احس بالالم بظهري عالساعة 8 جتني الممرضة الي راح تكون معاي طول اليوم وكانت طيوبة وحبوبة وقامت تقويني وتذكرني بنعم الله وتدعيلي بالعوض بالخير .. وقالت الحين تغير الشفت وراح تجيك الدكتورة تكشف عليك تشوف كم فتح

قلت ياربي كشف بعد الله المعين..... جتني الدكتورة وكشفت على بطني وقالت الحمد لله البيبي الراس تحت يعني ***** الله مافي تعسير لو كان بالعرض او الراس فوق يمكن كانت ولادتك قيصري احمدي ربك
قلت الحمد لله.. سبحان الله توني من اسبوع حسيت ان بنتي صار راسها تحت الحمد لله رب العالمين
كشفت علي وطبعا الم مو طبيعي قالت 3 قلت بس؟ صار لي 8 ساعات قالت ايوة عادي

عالساعة 11 الظهر جت تكشف ثاني وقالت 3 ماتغير يمكن نفتح كيس الموية علشان يفتح اسرع قلت لا مو الحين اعطوني ابرة الظهر اول لان كان الالم مو محتمل بس جيبولي طبيب او طبيبة التخدير اول بسألهم عنها لان زوجي مو متطمن لها

جابولي طبيب التخدير وسألناه عنها وقال لنا ان اضرارها مو خطيرة يعني ممكن يجي صداع شديد لبعض الناس بعدها ويستمر يومين ويروح و***** الله مالها مضاعفات وناس كثير تاخدها
قلت اوك عطوني اياها ووقع زوجي عليها وجا طبيب التخدير وكان يشرح لي كل خطوة يسويها وانا مطنشة علشان لا اتحرك وحطها وماحسيت بشي وقال لي 10 دقايق وبتحسي ان الالم خف ***** الله
وفعلا مرة 10 دقايق وراح الالم بس ظل شي بسيييييييط قال الدكتور اذا تحبي نزود لك الجرعة وماتحسي بشي ابدا قلت لا عادي الم محتمل مرة مرة ومايعتبر الم
حطو لي القسطرة عشان لا اتحرك من مكاني و كانت السااعة 12 الظهر وجت الدكتورة كشفت قالت 4 سم وفتحت كيس الموية وكأنه بركان وانفجر موية بشكل ماتصورته حتى الممرضة غيرت تحتي اكثر من مرة تقول تصورتي ان كذا الموية قلت لا افكر لتر بس قالت لا الكل يتفاجأ ومايتصور انه كذا

طبعا بعد مافتحت الموية حسيت بعد ساعة كذا ان الالم بدا يزيد يزيد وقلت للممرضة ونادت على الدكتور حق التخدير وزود لي الجرعة شوي وارتحت قال لي خليناه 10 اذا رجع الالم قولي وبما انك مفتوحة 4 فاتوقع 10 يكفيك قلت له كم اقصى شي؟ قال 12 بس نعطيك عا 8-10 سم قلت اوك

زوجي كان يروح ويرجع وبس يجو يكشفو اطرده من الغرفة .. عالساعة 3 العصر كشفو قالت مشاء الله 7 حتولدي قريب قلت الحمد لله طبعا طول هالوقت محد يدري اني بالمستشفى اولد حتى امي وصديقتي كل شوي تدق مو متعودة اني ما اكلمها على الاقل مرتين باليوم وانا ما ابغاها تحس قمت كلمتها وسويت نفسي نايمة وهي تقول خوفتيني اقول وينك ما اتصلتي اليوم مو عوايدك يالله خلاص نامي واذا صحيتي دقي بس بشريني تحركت بنتك؟ قلت ايوة قالت الحمد لله يالله مع السلامة

ذكرتني من كلامها بالموضوع وجلست ابكي اقول لزوجي كيف اقول لامي هي مو متعودة اني ما اكلمها والبارح مارحت البيت وهي الحين تقول كيف ما رحنا الرياض قال لاتخافي كلمتها البارح وقلت لها انا ماراح نروح وانك معزومة في بيت واحد من اصدقاي ونسيتي جوالك ببيتنا وماحست بشي لاتخافي بس كلميها الحين وقولي لها
قلت لالا ما اقدر انت قول لها
قال بالعكس اذا سمعت مني راح تخاف عليك بس اذا سمعت صوتك وحستك كويسة راح تتطمن قلت اذا ولدت كلمتها
قال لا انا برجع البيت بتروش وبجيب لك اغراض ولازم بمر بيتكم بجيب لك شنطة المستشفى الا جهزتيها ولازم امك تدري قلت اوك امري لله بكلمها والله يعينني على سماع صوتها

دقيت على امي ورفعت فرحانة ها وينك توني بدق عليك ليش ماجيتي وليش وليش قلت لها يماا انا بالمستشفى قالت ليش؟ خير؟ قلت لها اولد... قالت هااااا تولدي؟ ليش من بدري؟ جاتك ولادة مبكرة يعني؟؟ قلت لها لاااااااااااااااااا بنتي ماتت وقررو لي ولادة
طبعا امي انصدمت وبكت ليش من ايش قلت لها قدر الله وماشاء فعل اللهم لا اعتراض انا بخير الحمد لله وتراني من البارح هنا وشويتين واولد لاتخافي وادعي لي سويت نفسي بطلة وما ابكي عشان لاتضعف امي وتخاف او تجيني المستشفى وتشوفني بذا الحال

قفلت وقلت لزوجي خلاص خبرت امي قال انا بعد قلت لاهلي وقالو بجوك المستشفى قلت له ليش ما ابغا اشوف احد يجو ليش؟ شسوي فيهم؟ ما ابغا احد يواسيني قول لهم انا ما ابغاهم يجوني قال خلاص خلاص هدي الحين اقول لهم بس لانهم انصدمو وتضايقو فقالو بجوك
قلت هم مابسوو لي شي ووجودهم بضايقني قال خلاص بكلمهم ولا يهمك....

راح زوجي ورجع بدون اهله وكانت 6 المغرب كشفو قالو 10 لاكن بنخليك على مهلك لان البيبي راسها فوق شوي وبننتظر ينزل الراس بالهداوة قلت يالله خلصوني ابي ارتاح قالو كلها ساعتين وانتي والدة
بس اذا حسيتي بطلقة ادفعي بشويش عشان تنزلي الراس ... طبعا انا مو نايمة من يومين والنوم خلاص في راسي واحس بتعب مو طبيعي حتى اقول كيف بدفع وانا كذا؟ مافيني طاقة ؟ وجلست اكل تمر زوجي جابه معاه عشان يعطيني قوة شوي وقت الدفع

الساعة 7 المغرب دخلو علي 4 ممرضات ومعاهم طاولة فيها مقصات واشياء ومحاليل قمت ارجف قلت جت الساعة وجلسو يناظرو ووحدة منهم كل شوي تلقي نظرة وتقول الراس فوق لسا طبعا هالوقت كنت احس بطلق لان خففو الجرعة عشان اساعد وقت خروج الراس وكنت مع كل طلقة ادفع حتى لو ماقالو لي جلسو للساعة 8 ونص معاي والراس لسا مانزل واحس المنطقة الا تحت بتنفجر من كثر مادفعت قالو لازم تريحي شوي عن الدفع عشان عضلاتك وطاقتك لاتروح نامي على جنبك اليمين عشان ينزل البيبي اسرع
نمت على جنبي من هنا حسيت بالم مو طبيعي من هنااا احس شي بينفجر والطلق قوي قوي مرررة الم لايحتمل اقول لها مو قادرة قالت ايوة هذا الراس ينزل تحملي شوي جلست يمكن ربع ساعة بعدين جت ناظرت قالت اوه راس بان يالله ولادة

فجأة كل شي تغير كانت معاي ممرضة والدكتورة بس ورفعو رجليني وقالو بس يجي طلق ادفعي وسوت لي شق العجان لان البيبي ماشاء الله 2.5 كيلو وقمت ادفع مع كل طلقة وهي تقول كويس كويس بعد شوي خلاص راس يقرب يقرب وانا احس نفسي ينقطع وهي تقول المرة الجاية اكيد راس خلاص بس سوي بوش اقوى وتجي الطلقة الا بعدها وادفع ادفع ومافي فايدة واستمر الوضع نص ساعة من الدفع وانا هلكااااااااااااانة وابكي من الالم بعدين جتني طلقة وقلت يالله بدون نفس وادفع باقوى طاقتي مرة و 2 و3 وحسيت ان الدكتورة مسكت الراس خلاص وقالت خلاص خلاص وتسحب تسحب واحس شي ناشب فيني مو راضي يطلع واصارخ وهي تسحب وتقول خلاص وحسيت شي طلع وكانت الساعة 9 وربع مساء واناظر شفت بنتي في ايدها وحطوها على صدري على طول
والممرضة غطت وجهها على طول بالوقت الي هذيك تقص الحبل السري بس كان جسمها باين جلست اناظر وعيني دمعت وين صوتك يابنتي كل شوي اسمع الغرف الي جنبي وصوت طفل يطلع وانتي سااااااكتة كنت انتظر هاللحظة الي يحطوك على صدري والحين حطوك وانت بدون حرررراك وكنت بحط ايدي عليها الي الممرضة شالتها على طوول علشان يسحبو منها تحاليل طلبها الدكتور علشان يعرفو اذا كان فيها شي ادى للوفاة

قامت الدكتورة تخيط الجرح وتعقم خلصت وجا زوجي وباس راسي وقال لي الحمد لله عالسلامة ***** الله ربي يعوضنا بالخير ولا يضيق صدرك قلت له لاكن بنوتتي اخدوها ماشفتها قال احسن علشان لاتتدكريها قلت لااا لازم اشوفها هذي بنتي حملتها في بطني لازم اشوفها مع اني لما شفت جسمها كان ازرق لان صار لها يومين ميتة في بطني بس اصريت اشوفهااا
وزوجي ما اقتنع قال لاكن مابحرمك من شي نفسك تسويه انا عن نفسي ماراح اشوف قلت خلاص روح كلم امي واهلك وطمنهم طلع برة الغرفة وجت الممرضة قالت تبغين تشوفي بيبي قلت ايوة قالت لاكن بيبي مو حلو ازرق وراس في كدمات لما طلعنهاه لان سحبته الدكتورة بقوة والبيبي مايساعد وقت الخروج قلت لها عادي جيبولي بنتي واطلعو برة

جابت لي شي ملفوف بقماش ابيض وراحت فتحته وضميتها حيل حيل لصدري وبكيييييييييييت ادري يبنتي انك كنتي تحتاجيني جنبك واسفة اذا كان موتك بسببي قصرت في اكلي على حسابك او سويت شي ضايقك
من زمان وانا انتظر هاللحظة الي تكوني فيها على صدري واشم ريحتك وابوس راسك وايدك الصغيرة وتعيشي معاي ومع ابوك
ماكان نفسي تروحي في التراب وتنحطي بقبر قبلي وتكوني وحيدة
الله يرحمك ويجعلك شفيعة لي ولابوك يوم القيامة ياحي ياقيوم
ويصبر قلبي على بعدك ويصبر ابوك ويرزقنا بالخير والاولاد المعافين ويقر عيننا برؤيتهم وتربيتهم

دعواتكم لي اخواتي



منقووووووووووووووووووووووووووووووووووووووول





من مواضيع نبض قلب حمني
0 تكفون ردو علي بااسرع وقت حامل بالتاسع وبطني يطلع صوت
0 تشققات البطن والصدر
0 النغزات اسفل البطن أثناء التحرك الشهر الثامن من الحمل
0 نفسيتي تعبانه ومدري وش الحل
0 طلق بس الرحم مسكر؟؟؟
0 اكتبي اخر 3 رسايل ارسلتيها لزوجك
0 قصة للعظة والعبرة{اغلاط الأطباء والسونار}ورحمة رب العالمين
0 بنات مين صار لها مثلي
0 حامل بالشهر الخامس ولم أحس بحركة الجنين؟؟
0 قصه ولاده موثره للعضه والعبره
0 تواقيع للحوامل
0 الاسهال بالشهر التاسع
0 الجنين نازل تحت
0 اللي تستعمل بودره التالك ضروري ..ردا على موضوع للمنظقه الحساسه
0 سؤال محيرني عن شنطه الولاده
توقيع : نبض قلب حمني

الحمدلله الله رزقني بااحلى فهودي .. الله لايحرمني منه ولا من ابوه

عرض البوم صور نبض قلب حمني  



قديم 01-05-2011, 10:25 AM   المشاركة رقم: 2
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية فوفو الاموره

البيانات
التسجيل: Nov 2010
العضوية: 15284
المشاركات: 407 [+]
بمعدل : 0.12 يوميا
اخر زياره : [+]
معدل التقييم: 39
نقاط التقييم: 50
فوفو الاموره will become famous soon enough
 

الإتصالات
الحالة:
فوفو الاموره غير متواجد حالياً
وسائل الإتصال:

كاتب الموضوع : نبض قلب حمني المنتدى : إستفسارات مرحلة الولادة
افتراضي رد: قصه ولاده موثره للعضه والعبره




ااااااااااااااه تقطع قلبببببببببببي لله يعوضها خيير يارب





من مواضيع فوفو الاموره
عرض البوم صور فوفو الاموره  

قديم 01-05-2011, 10:57 AM   المشاركة رقم: 3
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية نبض قلب حمني

البيانات
التسجيل: Jun 2010
العضوية: 8630
المشاركات: 585 [+]
بمعدل : 0.16 يوميا
اخر زياره : [+]
معدل التقييم: 41
نقاط التقييم: 49
نبض قلب حمني is an unknown quantity at this point
 

الإتصالات
الحالة:
نبض قلب حمني غير متواجد حالياً
وسائل الإتصال:

كاتب الموضوع : نبض قلب حمني المنتدى : إستفسارات مرحلة الولادة
افتراضي رد: قصه ولاده موثره للعضه والعبره




اي والله اني مثلك عورني قلبي عليها


الله يعوضها خير

نورتي حبيبتي





من مواضيع نبض قلب حمني
0 بنات مين صار لها مثلي
0 النغزات اسفل البطن أثناء التحرك الشهر الثامن من الحمل
0 وقت الطلق وين كنتي؟ دخلي وقولي لنا عن تجربتك
0 قصة للعظة والعبرة{اغلاط الأطباء والسونار}ورحمة رب العالمين
0 اكتبي اخر 3 رسايل ارسلتيها لزوجك
0 من دفئ قلبي ومن فايض حنيني واهمسلك((فهودي)) بين ايديني
0 تشققات البطن والصدر
0 نفسيتي تعبانه ومدري وش الحل
0 مشكلة الإسهال و الغازات في الشهر الثامن من الحمل
0 حامل بالشهر الخامس ولم أحس بحركة الجنين؟؟
0 الاسهال بالشهر التاسع
0 قشر القهوه لازالة الكرش
0 سؤال محيرني عن شنطه الولاده
0 زوجي كتوم بليز وش اسوي
0 ذكرى ميلاد زوجي وانا نفاس
توقيع : نبض قلب حمني

الحمدلله الله رزقني بااحلى فهودي .. الله لايحرمني منه ولا من ابوه

عرض البوم صور نبض قلب حمني  

قديم 01-05-2011, 11:07 AM   المشاركة رقم: 4
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية شعاع الأمل

البيانات
التسجيل: Dec 2010
العضوية: 16795
المشاركات: 1,870 [+]
بمعدل : 0.55 يوميا
اخر زياره : [+]
معدل التقييم: 52
نقاط التقييم: 56
شعاع الأمل will become famous soon enough
 

الإتصالات
الحالة:
شعاع الأمل غير متواجد حالياً
وسائل الإتصال:

كاتب الموضوع : نبض قلب حمني المنتدى : إستفسارات مرحلة الولادة
افتراضي رد: قصه ولاده موثره للعضه والعبره




الله يرحمنا برحمته يارب ويقر عيونى بشوفته اطفالنا سليمين





من مواضيع شعاع الأمل
توقيع : شعاع الأمل

❤أسئل الله العلي العظيم يرزقني ويرزقكم الحمل السليم العاجل❤

عرض البوم صور شعاع الأمل  

قديم 01-05-2011, 11:09 AM   المشاركة رقم: 5
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية um_khalid

البيانات
التسجيل: Oct 2010
العضوية: 14096
المشاركات: 842 [+]
بمعدل : 0.24 يوميا
اخر زياره : [+]
معدل التقييم: 43
نقاط التقييم: 50
um_khalid will become famous soon enough
 

الإتصالات
الحالة:
um_khalid غير متواجد حالياً
وسائل الإتصال:

كاتب الموضوع : نبض قلب حمني المنتدى : إستفسارات مرحلة الولادة
افتراضي رد: قصه ولاده موثره للعضه والعبره




إنا لله وإنا إليه راجعون
لله ما أخذ ولله ما أعطى


الله يجزيها بثواب الصابرين و يعوضها خيراً منها

ويعطي كل مشتهي من واسع رحمته





من مواضيع um_khalid
توقيع : um_khalid





اللهم اني استودعك مافي رحمي يامن لاتضيع ودائعه
اللهم اني أعيذه بكلماتك التامة من كل شيطان وهامة ومن كل عين لامه
اللهم اني اسألك أن تحفظه و تجعله معافى كامل الخلقة دون زيادة أو نقصان
اللهم حسن خلقه وخلقه وسهل حمله ومخرجه واجعله قرة عين لي ولابيه واجعله من عبادك الصالحين
اللهم آمين

عرض البوم صور um_khalid  

قديم 01-05-2011, 11:19 AM   المشاركة رقم: 6
المعلومات
الكاتب:
اللقب:
عضوة نشيطة
الرتبة:
الصورة الرمزية
 
الصورة الرمزية Um Maryam

البيانات
التسجيل: Nov 2010
العضوية: 15426
المشاركات: 43 [+]
بمعدل : 0.01 يوميا
اخر زياره : [+]
معدل التقييم: 35
نقاط التقييم: 50
Um Maryam will become famous soon enough
 

الإتصالات
الحالة:
Um Maryam غير متواجد حالياً
وسائل الإتصال:

كاتب الموضوع : نبض قلب حمني المنتدى : إستفسارات مرحلة الولادة
افتراضي رد: قصه ولاده موثره للعضه والعبره




نفس قصتي بالضبط

سبحان الله الام تحس ان جنينها فيه شي
كنت حاسة ان بنتي توفت
كان في رمضان وكنت في شهري التاسع ما باقي شي على موعد الولادة ومتعودة عليها تتحرك بعد الفطور بس في يوم ما انتبهت لها انها ما تحركت الا وقت النوم لان وقت النوم تزيد حركة البيبي، بس في هالليلة ما تحركت ما قدرت انام قمت واقرأ عن حركة البيبي وقلت بصبر لباجر المغرب اذا ما تحركت بروح المستشفى، ويوم ثاني تميت بس اصيح وقت الفطورقعدت اكل غصب علشان بس تتتحرك وما خبرت احد بس امي رحت انا وزوجي وامي الطوارئ
جابت الممرضة الهندية الجهاز القديم وتدور نبض ومهلت واااايد ومافي شي كان في نبض خفيف الا هو نبضي كنت اتمنى انه يكون نبضها، وقدت اصيييييح وتقول لي لا تصيحين الجهاز قديم ومو دقيق بنسوي لج اتراساوند وسوت لي وقعدت اطالع واجوف القلب ما يتحرك وعرفت وقالت لي مو واضح عندي روحي فوق جناح الولادة وسوو لي بعد وخبروني انها توفت

وبعد اسبوعين تقريبا سوو لي طلق صناعي، بس وايد متحسفة لاني ما جفتهااا طليت عليها من بعيد بس
بس انا كنت العكس كان البيبي كلش صغير وما ادري شنو سبب الوفاة والله سهل علي وااايد في الولادة الحمدلله
عن صلاح ان شاء الله
،،،

ربي يعوض كل وحدة خسرت ضناهاا يارب

ويتمم لي هالحمل على خير ان شاء الله واجوف البيبي





من مواضيع Um Maryam
توقيع : Um Maryam



ربّـي عـوضني بمآ هــو خيـر ممآ خســرت..}~

عرض البوم صور Um Maryam  

قديم 01-05-2011, 11:20 AM   المشاركة رقم: 7
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية ميساء غز

البيانات
التسجيل: Dec 2010
العضوية: 17024
المشاركات: 134 [+]
بمعدل : 0.04 يوميا
اخر زياره : [+]
معدل التقييم: 35
نقاط التقييم: 50
ميساء غز will become famous soon enough
 

الإتصالات
الحالة:
ميساء غز غير متواجد حالياً
وسائل الإتصال:

كاتب الموضوع : نبض قلب حمني المنتدى : إستفسارات مرحلة الولادة
افتراضي رد: قصه ولاده موثره للعضه والعبره




الله يعوض عليها يارب والله دموعي نزلت غصب عني





من مواضيع ميساء غز
عرض البوم صور ميساء غز  

قديم 01-05-2011, 11:27 AM   المشاركة رقم: 8
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية أم الشيخ خلودي

البيانات
التسجيل: Jul 2010
العضوية: 10056
المشاركات: 613 [+]
بمعدل : 0.17 يوميا
اخر زياره : [+]
معدل التقييم: 42
نقاط التقييم: 50
أم الشيخ خلودي will become famous soon enough
 

الإتصالات
الحالة:
أم الشيخ خلودي غير متواجد حالياً
وسائل الإتصال:

كاتب الموضوع : نبض قلب حمني المنتدى : إستفسارات مرحلة الولادة
افتراضي رد: قصه ولاده موثره للعضه والعبره




ياعمري ابكتني قصتها يخلف الله عليها الله يجبر كسرها موقف صعب خاصه في الاشهر الاخيره الوحده خلاص تعد الايام متى تشوف طفلها االله يتمم لنا بخير ولايفجعنا





من مواضيع أم الشيخ خلودي
توقيع : أم الشيخ خلودي

عرض البوم صور أم الشيخ خلودي  

قديم 01-05-2011, 11:37 AM   المشاركة رقم: 9
المعلومات
الكاتب:
اللقب:
عضوة نشيطة
الرتبة:
الصورة الرمزية
 
الصورة الرمزية احساس ومشاعر

البيانات
التسجيل: Sep 2010
العضوية: 12322
المشاركات: 96 [+]
بمعدل : 0.03 يوميا
اخر زياره : [+]
معدل التقييم: 35
نقاط التقييم: 50
احساس ومشاعر will become famous soon enough
 

الإتصالات
الحالة:
احساس ومشاعر غير متواجد حالياً
وسائل الإتصال:

كاتب الموضوع : نبض قلب حمني المنتدى : إستفسارات مرحلة الولادة
افتراضي رد: قصه ولاده موثره للعضه والعبره




ربي يعوضها خير يارب





من مواضيع احساس ومشاعر
توقيع : احساس ومشاعر



اللهم هون الطلق وحسن الخلق..

عرض البوم صور احساس ومشاعر  

قديم 01-05-2011, 11:37 AM   المشاركة رقم: 10
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية ام مراوي

البيانات
التسجيل: Dec 2010
العضوية: 16219
المشاركات: 1,835 [+]
بمعدل : 0.54 يوميا
اخر زياره : [+]
معدل التقييم: 53
نقاط التقييم: 68
ام مراوي will become famous soon enough
 

الإتصالات
الحالة:
ام مراوي غير متواجد حالياً
وسائل الإتصال:

كاتب الموضوع : نبض قلب حمني المنتدى : إستفسارات مرحلة الولادة
افتراضي رد: قصه ولاده موثره للعضه والعبره




لا حول الله ولا قوة الا بالله ربي يعوضها ان شاء الله بتوام





من مواضيع ام مراوي
عرض البوم صور ام مراوي  
موضوع مغلق

مواقع النشر (المفضلة)

جديد منتدى إستفسارات مرحلة الولادة

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قصة طلاق مؤثره نورا منتدى الحياة الأسرية والزوجية 50 08-22-2012 08:30 AM
قصة ابو سالم ,,,للعظه والعبره عزيزة النفس ملتقى عضوات حوامل 6 04-03-2011 09:47 PM
قصه حقيقيه مؤثره جدآجدآ دانـــهـ المـنـتـدى الـعـام 11 03-03-2010 09:39 AM
كلمات مؤثره عزيزة النفس ملتقى عضوات حوامل 0 07-29-2009 11:58 PM
قصيده مؤثره عزيزة النفس ملتقى عضوات حوامل 2 06-11-2009 01:20 PM

 

الساعة الآن 03:25 AM.


Powered by vBulletin® Version 3.8.8
Copyright ©2000 - 2020, vBulletin Solutions, Inc.
Search Engine Optimization by vBSEO 3.6.0

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .