مستشفى العسكري بالرياض

[جنونتي]

السلام عليكم ورحمة الله وبركاته

شخباركم كروشات
الله يهون علي وعليكم ويسهل ولادتنا ويهون الطلق علينا ويرزقنا الاطفال الكاملين يارب

انا تبع مستشفى العسكري وبكريه وشايله هم

الله يجزاكم خير اللي تتابع فيه تفيدني

يعني معاملتهم حلوه؟
عنايتهم؟
خياطتهم؟
وتقدر امي او زوجي يدخلون معي؟
طبعا زوجي وقت الطلق بس

تكفوووون ردو علي ولا تخذلوني والله اني شايله هم مايعلم فيه الا ربي

[لوووورا]

زوجة اخوووي تولد فيه مره تمدح تقول مره نظافه ومعامله حلو حتى خياطهم رووعه لكن دخول زوجك او امك ماعندي اي خلفيه الله يهون عليك

[جنونتي]

الله يجزاك الف خير يالورا ويطمن قلبك ويهون عليك ويفرج همك ويفرحك بعافية امك

[يارب قول لامنياتى كونى]

ماادرى عنهم بس ليش ماتروحين دله ؟؟؟؟؟؟؟؟؟؟؟؟؟؟؟؟؟

[فرفورة نجد]

تصدقين بالله اني مثلك بالضبط
بكريه واراجع في مستشفى العسكري بالرياض وتحديدآ اللي بالوزارات
ومتردده اولد فيه او لأ
لأني مااعرف تعاملهم كيف ولا أحد من اللي اعرفهم ولدوا او راجعوا عنده
علمآ بأن اهلي في منطقه ثانيه
بس ابي احد يفيدنا عن هالمستشفى ومين افضل دكتور او دكتوره فيه؟؟
بلييييييييييييز بنات ساعدونا

[جنونتي]

مقدر اتابع في دله اولا لان العسكري تبع عمل زوجي
وثانيا نفس الشي مدري عن دله وغيره بكريه وماااااااااااعندي خبره

وكل مستشفى فيه اللي يمدح وفيه اللي يذم

اهلين فرفوره انا نفس الشي تبع الوزارات وبعدين يولوني للعسكري فالشهور الاخيره
انا اللحين باقي لي اربع ايام وادخل الثامن يعني اتوقع خلاص بيحولوني

[جنونتي]

وينكم ياكروشات معقوله منتدى كاااااااااااامل ومافي احد يعرف عن مستشفى العسكري؟؟؟؟

[جنونتي]

معقوله 43 مشاهده وماردو الا 3 !!!!!!!!!!!!!!!!!!!

[فرفورة نجد]

الله يعين على هالتطنيش ..
ع العمووووم انا توي في بداية الشهر الثالث
يعني انتي راح تولدين قبلي خخخخخ جربيهم وردي لي خبر
هاذي دعوه صادقه من اعماق قليبي لك (الله يسهل عليك ياجنونتي ويارب تولدين بالسلامه وتجيبين البيبي السليم المعافى)

[ام الدودي]

حبيبتي انا توني والده بالعسكري لي 9 ايام بالنسبه للولاده حلوه ودخلت امي معي لين ولدت ورافقت معي الخياطه حلوه بس العنايه بعد الولاده زفت بمعنى الكلمه لامسكنات يرمون البيبي عندك وانتي تعبانه مايردون الممرضات على الجرس يعني لو امي مارافقت معي كان توهقت وخوذي اغراضك كامله مايعطونك شي