End Exp 18-10-2014

End Exp 05-09-2014 End Exp 18-10-2014 Advertise with us



أهلا وسهلا بك إلى منتديات حوامل النسائية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا
العودة   منتديات حوامل النسائية > منتديات الولادة وفترة النفاس والرضاعة > منتدى فترة النفاس > التغذية في النفاس

التغذية في النفاس المسموح والمرفوض من تغذية و الصحة

ملف كامل لمشروبات وماكولات النفاس بالتفصيل


هذا البرنامج نقلته لكم من احد المنتديات وهو تجربة صاحبته مع اسئلة العضوات واجابتها على جميع الاسئله تنويه: راح تستغربون عدم وجود اشياء كثيره تعودنا ...
إضافة رد
 
LinkBack أدوات الموضوع انواع عرض الموضوع

قديم 02-09-2011, 11:45 PM   المشاركة رقم: 1
المعلومات
الكاتب:
اللقب:
مستشارة لـ منتديات حوامل
الرتبة:
الصورة الرمزية
 
الصورة الرمزية عزيزة النفس

البيانات
التسجيل: Apr 2009
العضوية: 13
المشاركات: 9,283 [+]
بمعدل : 4.68 يوميا
اخر زياره : [+]
معدل التقييم: 50
نقاط التقييم: 331
عزيزة النفس is a jewel in the roughعزيزة النفس is a jewel in the roughعزيزة النفس is a jewel in the roughعزيزة النفس is a jewel in the rough
 

الإتصالات
عزيزة النفس غير متواجد حالياً

المنتدى : التغذية في النفاس
افتراضي ملف كامل لمشروبات وماكولات النفاس بالتفصيل




هذا البرنامج نقلته لكم من احد المنتديات وهو تجربة صاحبته مع اسئلة العضوات واجابتها على جميع الاسئله
تنويه:
راح تستغربون عدم وجود اشياء كثيره
تعودنا عليها كعادات متوارثه من الجدات والمهات..
لالهوم ولابخور ولاغيره..
هذا جدولي الخاص اللي استخدمه ولولا اني اطمع بدعواتكم
الطيبه ..واطمع اني اكون قدمت فائده وتيسير لأخواتي المسلمات
كان والله ماطلع من خزانة اسراري لأي مخلوق..

النظام انا اظمنه لك بعدة نقاط بإذن الله تعالى..
1-عودة العظام والدم لصحتهم وتعافيهم ..
2-الطهاره على سنع بحول الله وقوته والخلومن
الافرازات الزائده..
3-رجوعك ضيقه من تحت بإذن الله شرط انك تكونين
خاليه من الالتهابات في الجرح او الرحم..


والله ولي التوفيق والله وحده اسأل ان يجعله في موازين اعمالي الصالحه
يوم لاينفع مال ولابنون..

***
((جدول النفاس))
المواد المطلوبه:
مطحونه____ كامله
1- المطحونه:
حلب -- ماش -- قشر رمان --فلفل اسود
2- الكامله:
رشاد -- قرفه -- كمون -- ورق زعتر -- حبه سوداء--
3- عسل -- تمر -- زنجبيل مبشور

(الرشاد لايغسل.. فقط ينقى)

***
بعض التفاصيل المهمه للإعداد:

1- المواد المطحونه
يجب الحرص على شرائها جديده وكامله ثم تنقى وتغسل وتجفف ثم تطحن بعد تجفيفها ثم تحفظ في علب بلاستك محكمة الاغلاق وتكتب عليها اسماء
محتوياتها..

ماعدا الحلبة لاتغسل

نعم بتتعبين لكن ثمرة هالتعب تستاهل وبتعجبكم بإذن الله..
***
2-المواد الكامله
نحرص على تنقيتها وغسلها وتعريضها للهواء لتجف.
***
3-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..

4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..

5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..

6-المره
تجهزين علبة مويه صغيره فيها محلول مره تشربين منه وانتي
في طريقك للمستشفى للولاده..واذا ولدتي تشربين منه علشان ريحة
العطور ممكن تسكر الرجم وتتعسر الولاده لاسمح الله والسبب هو الشمم..
وخلي معاك كسره صغيره حلتيته شميها اذا وصلتي المستشفى وادهني خشمك منها
لأنها تساعد بإذن الله في فتح الرحم بسرعه ويسر..
والله الموفق.
***
المشروبات اليوميه في فترة النفاس:
1- الصباح حليب مغلي محلى بعسل ومعاه فلفل اسود < مع الفطور
2-شاي زنجبيل + قرفه < بعد الغداء او بين الوجبتين
3- شاي الزعتر في الليل قبل النوم
4- الرمان المطحون المضاف للعصير او المعمول كشاي تستخدمينه
بعد ماتنشفين من الدم لحد ماتطلعين..
لمزيد من التفاصيل اظغطي هنا
5-قهوه وقت المغرب معها مره كل ثلاث ايام تستخدمين المره واذا كنتي تاخذين
مضاد حيوي ماتستخدمين المره ابدا لأنها تبطل مفعول المضاد..

الوجبات:

1- الفطور: عندي خيارين بالنسبه لي هما:
* سندويشة بيض مقلي مرشوش عليها ملعقه كبيره حلبه مطحونه +فلفل اسود
**خبزه بالمقلاة عباره عن(بر+حلبه+حليب بودره+ملح+سكر+بصله)
تعجن بماء وتدهن بعد ماتجهز بعسل وتؤكل بالعافيه.
***تمر + حليب اللي سبق شرحه.

مهم

آخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..

2- الغداء:
*مرقة لحم مع خضار
**مطازيز
***شوربة كويكر مع قطع لحمه
لما تغرفي الغدا لأكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..

3- العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع
تحبينه ..

النظافه الشخصيه:
*الهدوء في الحركه اول اسبوع مهم جدا والحرص على عدم رش
منطقة الخياط بالرشاش..بل رشها باليد من بعيد حتى تسقط الخيوط..
**عدم استخدام المره بتاتا كغسول حتى تسقط الخيوط لأنه يشدها ..
بل تمسح بمحلوله الفوطه كل ماحسيتي بحكه..
***التشطف بماء وملح يوميا بدون المبالغه بكمية الملح .
هذا ماعندي باختصار وبدون تعقيد وعند الالتزام به سترون فائده عظيمه
بإذن الله تعالى..

الله يسلمك شاي الزنجبيل سهل وممكن تحطين معاه قرفه وممكن بدون..
الطريقه:
4 اكواب مويه
3 ملاعق كبيره زنجبيل مبشور
عودين اوثلاثه كبار قرفه..واذا كان مطحون
تكفي ملعقه ..
بعد ماتغلي المويه نحط الزنجبيل والقرفه ونخليها
تغلي خمس دقايق بس..
ونطفي عنه وممكن تضيفين له سكر حسب الرغبه..
وبالهنا والعافيه..
***
الزعتر الورق:
ملعقة زعتر ورق
مع 4 اكواب مويه
بعد مايغلي الماء نصبه على
الزعتر الورق بدون طبخ..
نخليه يخمر عشر دقايق..
نضيف له سكر حسب الرغبه


رجعت لكم فيه وحده من الاخوات سألت عن الخبزه
ومقاديرها وطريقتها وراح اكتب طريقتها هنا لتعم الفائده..
خبزة البر:
هذي مقادير خبزه وحده بمقلاة كبيره
نصف كاس دقيق بر
ربع كاس مويه
بيضه
ملعقتين كبار حليب بودره
ملعقتين كبار حلب
بصله صغيره << ممكن الاستغناء عنها
رشة ملح
رشة سكر للرغبه ولا مستغنين عنه بالعسل..
اللي راح نصبه على الخبزه عند اكلها..
ممكن تخلطين كل هالمقادير بسلطانيه ويكون البصل قطع
وممكن انك تحطيها بالخلاط وتخلطيها..
ثم يكون المقلاة مذوب فيها زبده او سمنه للفائده..
تصبين الخبزه فيها وتخلينها على نار هاديه مدة 5-7 دقائق
وتقلبيها وكذلك الجنب الثاني..على الاقل خمس دقايق على
نار هاديه..
وبعدين تحطينها بصحن ولما تبرد شوي تصبين عليها ملعقة
او ملعقتين عسل حسب الرغبه وتاكليها بالعافيه
مع حليب مضاف له فلفل اسود..
وبالهنا والعافيه على قلوبكم..



ذكرتي من مقادير خبز البر ( حلب ) شو هذا وكيف شكله وله مسمى ثاني (انا من الامارات) او عندك صوره له؟
وبالنسبه للماش هو حبوب البقول الخضرا ؟
احب اعرف ما فائدته للنفاس ؟
وهل استخدمه حب ولا مطحون؟
وهل استخدمه نيء او ناضج؟
واذا استخدمته نيء ... ما يسوي غازات لي وللبيبي ؟

وبالنسبه للقهوه .. هل هي القهوه العاديه ولا القشور؟وكيف طريقتها ؟؟هل اقوم بتحميصها ؟وهل اضيفلها اشياء ثانيه؟




الحين ذي الاشياء الا ذكرتيها ما تأثر على رضاعة الرضيع ؟؟
و الا اعرفه ان العسل و التمر يوسعون الـ ...!!



مشكوره اختي العامريه هذا اللي ادور عليه من زمان


وتصدقين بعد ماستخدمت نظام فيافي حرمت استخدم اي نظام فيه خرابيط كثيره بعد ماشفت من الخراب الله لايوريكم قعدت سته شهوربعدالنفاس وانا اعاني وقمه الفشيله والإحراج وكانت هذي اول مره استخدم فيها اعشاب غريبه ماعمر امي ولاجدتي شافوها اوسمعو فيها


وبولاداتي اللي قبل ماشالله اطلع زي الفل لاني ماكنت اخربط استخدم الأشياء المعروفه زي ماتفضلتي اختي العامريه

حتى امي تقول اهم شي تستخدمينه في النفاس الفلفل الأسود والحلبه والتمر والمره والزنجبيل والكمون والحبة السودا والرشاد
وصدقت
وانصحكم يابنات من تجربه شخصيه وبعد استخدام نظام فيافي بحذافيره انكم تستخدمون الأشياء المعروفة فقط عشان ماتعانون زي ماعانيت
ونظامك اختي العامريه بعتمده ان شاالله لانه يشبه النظام اللي تسويه لي امي
بس ياليت اختي تشرحين هذي العباره اكثر



ذكرتي من مقادير خبز البر ( حلب ) شو هذا وكيف شكله وله مسمى ثاني (انا من الامارات) او عندك صوره له؟
عزيزتي الحلب هو نفسه الحلبه..
حبوب صفراء صغيره صلبه يستخدمها اخواننا المصريين كمشروب
يومي كالشاي..
دورت له صوره للاسف ماحصلت..
وفايدته يستخدم لأي مريض في فترة نقاهه يعيد بإذن الله للجسم قوته
ومفيد في تعويض الجسم عن الدم المفقود اثناء الولاده والنفاس..
وايضا من فوائد الحلبه لتلين الحلق و المعدة ، لأمراض الصدر و السعال و الربو و المغص ، للضعف الجنسي ، تعالج الإمساك بخلطها مع العسل , لطرد الديدان المعوية ، لعلاج البواسير للمرضعات اللواتي يعانين من قله الحليب ، غذاء أساسي للنفساء.
***

وبالنسبه للماش هو حبوب البقول الخضرا ؟
احب اعرف ما فائدته للنفاس ؟
وهل استخدمه حب ولا مطحون؟
وهل استخدمه نيء او ناضج؟
واذا استخدمته نيء ... ما يسوي غازات لي وللبيبي ؟

ايوه هو الحبوب الخضراء اللي وسطها خط اسود
وصغيره يمكن اكبر من حبة العدس شوي..
استخدمه انا مطحون نيء..
ولله الحمد مايسبب غازات..
والبيبي خلي له رضعة كمون او نصف رضعه باليوم..
لأن الغازات في الطفل شي طبيعي كل الثلاث شهور الاولى..



وبالنسبه للقهوه .. هل هي القهوه العاديه ولا القشور؟وكيف طريقتها ؟؟هل اقوم بتحميصها ؟وهل اضيفلها اشياء ثانيه

بالنسبه للقهوه المقصود فيها قهوتنا العربيه اللي نشربها
يوميا ..بدون زياده ولانقصان..


كل اللي ذكرت ماله اي تأثير على الرضاعه الطبيعيه
بالعكس ممكن يكون محفز اكثر لإدرار الحليب بإذن الله
والعسل والتمر تقولين يوسعن
هالغذائين انفع شي للإنسان بكافة مراحل حياته..
وكيف اجل العسل والتمر مع الرشاد اهم وصفه
معروفه للتضويق!!
لكنها ماتصلح اول الايام علشان الرشاد ينشف الدم
ويحجزه جوا الرحم..


صدقوني يابنات ماجاب لي ولامي ولخالاتي القولون الا هاللهوم
والاعشاب المجمعه بغير علم ولاقياس..
انا طبعا ماجربت نظام فيافي للأمانه..
بس كنا نشتري لهوم من حريم معروفات اشهر من نار على علم
ونغصب انفسنا على اكل هاللهوم وتلوع كبودنا وتحتر معدتنا والنتيجه
لاشيء..
يعني الحريم المساكين يجتهدون وودهم بالزين بس ترا مازاد عن حده انقلب ضده..
حتى هالعادات اللي تقيد الوحده فيها نفسها بالاربعين من بخورات
ولهومات وتحميلات ممكن تتعب نفسيتها ..
وللمعلوميه ترا اكثر خراب الحريم بسبب الحاله النفسيه ..ماله دخل
بالنظام..
اعرف وحده نظامها صارم بالاربعين بس نفسيتها تعباااااااااانه مره
وتطلع ماطهرت وافرازات ومويات وحالتها صعبه..
اهتموا يابنات بحالتكم النفسيه زين..
واهتمي بتنظيم الاكل اكثر من تكثيره لأن حتى المعده الخربانه
ممكن تدمرك وتطلعك خربانه..
واحذروا كل الحذر من التحاميل اللي يسوونها حريم..
يابنات حرام عليكم تدخلون شي بمنطقه حساسه ماتدرون وش الايدين
اللي سوته وش مستوى تنظيف الاعشاب اللي دخلت فيه..
ولاتطحن بغبارها واوصاخها وتباع لكم..
لايقرب المنطقه هذي اي تحاميل الا طبيه للحاجه..
انتبهوا ياما ناس صابهم التهابات وقرحه وحبوب داخليه وصديد
بسبب تحاميل هالحريم.
اشكرك ذات الوشاح اللي ذكرتي لنا قصتك لانك ذكرتيني من زمان
ودي احذر البنات عن هالاشياء..

طيب لية الرشاد بس اخر عشر ايام من النفاس

ماهو تحديداً آخر عشر ايام متى ماانقطع الدم (تماماً) ابدي استخدميه وبالعاده
ينقطع الدم ب 30 يوم تقريباً..
اختي الرشاد مايصلح والدم ينزل لأنه يوقفه على غير سنع..
اتمنى تكونين استفدتي
***
وردة حائل
هلا بوردة حايل يابعد حيي
ياللي زينهم يدعي الراس مايل
جزاك الله خير.
***
خالص أمنياتي
واياك الله يهون عليك اختي
وان شاء الله قريب تبشريننا
بالمولود..
الله يقومك وياه بالسلامه..



نظامك هذا قريب من نظام فيافي ,,

بغيت اسال عن التمر والرشاد ,, انتى قلتى هي وصفة للتضويق ,, متى اقدر استخدمها بالدورة او النفاس ؟؟؟ يعني هل هي ممنوعة اول الايام ؟؟؟ اقدر استخدمه على مدار الشهر ايام الطهارة ,, تعتقدين راح تجيب نتيجة والا ماراح تنفع ,,
التمر والرشاد اللي ذكرتيه ؟؟ ينحط معه سمن والا لا ؟؟ انا احب التمر وماعندي مانع اذا اكلته مع الرشاد ,, لكن ماحبه مع السمن ,, اقدر استغنى عنها ؟؟؟

اقدر استغني عن الحلبة فتره الدورة ؟؟ لان ريحتها قويه

وبالنسبه لنظام فيافي مااعرفه لكن اسمع كثير
يتكلمون فيه ومشهور بس الصدق ماقد جربته..
هذا نظامي الخاص من آخر ولد جبته..
استعنت بالله وجمعت لنفسي اللي اشوف فيه الفايده
بدون غموض خلطات وخرابيط..
والحمد لله من فضل ربي كان احسن نفاس طلعت منه..
واتمنى يفيدكم زي مافادني..
***
اختي التمر والرشاد مايستخدم الا آخر شي اذا بقى بس
افرازات ومويات..
ويستخدم حتى ايام الدوره مافيه مشكله بآخر يومين..
لكن انا افضل عليه قشر الرمان احسه افضل لما بعد
الدوره..
وممكن استخدام قشر الرمان مع العصير حتى بالايام العاديه..
وانتي طاهره مامنه مضره بإذن الله..
لكن بمقدار وبنفس الطريقه.
والتمر والرشاد ممكن بدون سمن..لكن انا ماجربته بدونه..
ممكن تستخدمين الزبده اذا كنتي ماتحبين نكهة السمنه..
الحلبه ممكن تستغنين عنها لأن وظيفتها تقوية الدم وتقوي
الجسم..
مالها دخل بشغل التضويق وغيره..مهمتها التعويض عن مافقدتيه
من دم واعادة القوه البدنيه..
وتراها مفيده بإذن الله لإدرار الحليب..


مشكورة اختى على هالمعلومات ,, انا فعلا مستغربة لان الكل يمدح التمر بالرشاد طول فترة الدورة اوالنفاس ,, معلومه جديدة بالنسبة لي ,, وراح اجربها





مشكوورة علي النظاام وااضح انة مفيد وفية حواايج معرروفة للكل وما تضرر لوو ماا نفعت بس عندي شوية اسئلة اداا ماا فية كلافة
اناا بولدتي الثاانية مدري وش صاارلي الصرااحة طلعت من الاربعين واناا احس بدووخة اياام الكلية مااتحمل الوقفة مع اني صاارلي يمكن بعد النفااس شهرر حتي بوقت الحمل اشتغل واتعب ماا تجيني ابد
الشي الثااني كل البناات والمدرااساات اول ماا شفووني يقوولولي وجهك مصفرر وتعباان قلت يمكن لسة عشااني ماا طلعت بس و**** قعدت 6 شهوور وهداا تعليقهم علي
عااد اناا قلت لنفسي اكيد نظاامي كاان كلة غلط اكل عشواائي بدوون فواائد
هل نظاامك هداا ينورر بالوجة ويقوي الجسم يعني ماايتكرر الوضع الي صاارلي
ومااداا عن الموية وعصير البرتقاال وش رايك فية
علي فكررة انا خفت من وضعي الدوخة وصفاار الوجة ورحت حللت طلع الدم عندي سليم وقالت الدكتوورة مااتحتااجين حديد الاني بفترة الحمل يجيني فقر دم

انتي تقوولين انك ولدتي بالوفاا الصرااحة خوفتيني الاني نااوية اوولد عندهم وفتح ملف وش رايك
مع اني اناا مجرربة مستشفي سعوود وممتااز بمعني الكلمة من نااحية الخياطة والعنااية مااعندي علية اي تعليق الا شي وااحد انوو يوم ولادتي احتااجو الدكااترة يسولي خيااطة بنج كاامل وصاار فية شبااب سعودين ممرضين يعني ونحررجت منهم قلت ارووح هل مرة داام كلة طااقم نساائي وفية صوصية

اسفة طوولت عليك وقلتك قصة حيااتي بس بغيت استفسرر من تجرربتك
و**** يووفقك وين ومااتروحين ويجعل كل اياامك سعاادة



يالغاليه اللي صابك هزال ..
صرتي تاكلين ادويه وتسد نفسك عن الاكل المفيد..صح؟
بنات اسمعوا كلامي..لايهمكم الوزن وقت النفاس ترا الريجيم القاسي
ممكن يخرررررررررب وقد اعذر من انذر..
خلو الريجيم بعد ثلاث شهور من الولاده او اكثر..
لأن انتي بحاجه تعوضين تعب الحمل+الولاده+الرضاعه+رعاية رضيع متعب
هذا اسم فيتامين مهم جدا..كليه من اول النفاس ..لحد ماتحسين بتحسن
شهرين ثلاثه او اكثر..
مفيد جدا ويعيد النضاره بإذن الله للبشره والشعر.



ومااداا عن الموية وعصير البرتقاال وش رايك فية
علي فكررة انا خفت من وضعي الدوخة وصفاار الوجة ورحت حللت طلع الدم عندي سليم وقالت الدكتوورة مااتحتااجين حديد الاني بفترة الحمل يجيني فقر دم

المويه ضروريه جدا جدا للنضاره اشربيها دايما ولالها تأثير ضار ابد..
بس لاتكون بارده مره.
وعصير البرتقال الطبيعي مفيد جداً وماجاكم علي..
اشربيه كل يوم..واذا وقف الدم وبقى الافرازات اشربيه وحطي
معه الرمان اللي وصفت لكم طريقته..مره باليوم




طبعاً يالغلا..
كل اللي ذكرتي يعوظك عن اللحمه..
فيه طريقه لذيذه لطبخ اللحم..
بعطيك اياها ..وياليت تسوين لو اول اسبوع بس
خذي قدر الضغط وحطي فيه الله يسلمك..
2 بصل مقطع ناعم..
2-طماطم مقطع ناعم..
2-فلفل بارد مقطع
قطع لحم صغيره هبر او بعظم عادي
صلصه..شوي زيت
قرفه عودين
بهارات(كمون-فلفل اسود كثري شوي-ملح-ماجي شوي لو حبيتي)
اخلطيييييييييييهم مع بعض زين مازين..
وحطي بيالة مويه بس واخلطي..
وسكري القدر واكتميه..وخليه على نار صغيره واطيه مررررره
خليه من نصف ساعه الى ساعه الا ربع.
بعدها ممكن تزيديه كوب ماء وتخلينه يغلي شوي
وممكن تاكلينه كذا مع خبز او رز ابيض.
واذا كنتي على كل حال كلش ماحبيتي حتى هالطريقه
ترا الدجاج وقطع السمك تقوم مقام اللحم.
بس كثري مرقتها علشان تقدرين تضيفين ماش بودره
او حلب..وكلهم مع بعض مافي مشكله.
ترا انا مثلك اول اللحم اللي ينطبخ بقدر عادي الله يكرم
النعمه ماآكله ابد
لكن بقدر الضغط غييييييير رهيب طعمه ماتملين منه.



يعطيك العافيه ***** الله بس عندي كم سوال 1- الحلبه يقولون في اول ايام النفاس مي زينه تسببب مويات احسن شي بعد 20 يوم 2- المره يقولون اذا نقعتيها يتحلل الرصاص اللي فيها وتسبب التهابات وتقرحات 3- التمر والرشاد نفس الشي يقولون اخر النفاس واذا سمعتى عن شي اسمه المحلب يقولون اهل حايل يستخدمونه اخر النفاس بلهمه ممتاز ماادري اذ اعندك خلفيه اتمنى تفيدينى لان بولد ***** الله واحترت بصراحه وبالنسبه للحم نفس الشي يقولون موزين اول النفاس اللي ماني فاهمته متى يبدا النفاس اذا كان كل شي مو او الايام متى .؟؟؟؟؟؟



1- صح كلامك وهذاالسبب اللي يخلينا نقول انها اول الايام..
لانها بآخر الايام راح تفيدك لكن راح تخربك من تحت...
2-ليه المره من قال يطلع منها رصاص؟؟
هذي المره المغشوشه اشتري مره اصليه وانقعيها ولانت شايفه
الا كل خير بإذن الله.
3-التمر والرشاد عكس الحلب يوقف الافرازات وينشفها لذلك
الافضل يستخدم آخر الايام حتى ماينشف الدم بالرحم ويحبسه.
المحلب تقول امي انه مو طيب الا للي متعوده تاكله.والله اعلم.

اما اللحم مو زين هذي نكتة الموسم اللحم لاااااااااااااااازم لزوم..اول الايام
الوحده تطلع تعبانه ومنهاره
ولازم تعيد بناء وتأسيس صحتها من جديد
ولا راح تشوف اثر الاهمال بعد كم سنه اذا احتاجت
صحتها ذاك الوقت.
ترى اللي تفقده الوحده الحمل والولاده والنفاس
مو سهل.




وقبل اولد باسبوعين جمعت الاغراض ونظفتها من الغبار وغسلتها ونشفتها في الهواو الشمس وطحنت اللي يبي لها طحن
وحطيت كل اغراضي بعلب وكتبت عليها
وطبعت برنامجك وماشيه عليه بحذافيره
الا في كم نقطه
واضفت عليه شيئين انا سامعه عنهم

برنامجي نفس برنامجك بالضبط
ماعدا القرفه والزنجبيل انا اطبخ يانسون وقرفه وقشر لأنه معروف ينظف الرحم من الدم والاشياء الثانيه اللي فيه
الشي الثاني انا مع قهوة المغرب آكل تمر معبوط واحط مع كاس القهوه الكبير نصف ملعقه صغيره مسمار مطحون معروف انه يلحم الجروح اذا انحط عليها بس طبعا مااقدر احطه على الخياطه فاشربه افضل
اللحم مااحبه كثير صرت اكل دجاج
ووجبة العشا الى الان مااكلت تبوله ولا سلطه ولا فواكه خايفه من سالفة انها تزيد المويات والافرازات
فاستعيض عنها باني اكل بيض زي حق الفطور او قرصان بر بحليب او تمر وحليب
وبقية برنامج ماشيه عليه بحذافيره



السؤااااااااااااااااااااا ل المهم
واللي اتمنى تردين عليه بسرعه انتي او من عندها خبره من الاخوات المجربات
ان الدم وقف من امس وهو اليوم ال11
تقريبا عاشر يوم خف
بس وقف امس تماما مابقا شي
هل هذا طبيعي او فيه شي غلط
علما بأني يوم ولادتي السابقه نفس الشي بعاشر يوم
بس كنت حووووووووووسه اكل وشرب حوسه ولا اخذت اي شي الا اليومين الاولى
لخبطه مره
بس نفس الشي حصل بولادتي هذي وانا مطبقه برنامجك
تكفين
وتكفون يابنات وش السبب دلوني
اخاف آخرة تعبي ولاشي

ولاتقولون بردت والله اني اموت من الحر واتصبر اقول لا ابرد ويخرب تعبي
ولا شربت ولا اكلت بارد




اذا الوحدة منا ماتنفست زين في اخر نفاس لها ,,, تقدر تلحق وتعوض اللي خسرته في نفاسها الاول باتباع برنامجك في نفاسها الجديد

عزيزتي قبل نفاسي الاخير اللي استخدمت فيه برنامجي هذا
قد اتنفست نفاسين ولله الحمد والشكر..
كلهم اطلع منهم مويات ووسع خليها على الله بس..
الى درجت زوجي كان ينتقد بشده..بس ربك ستر..
حتى ماكان فيه احد ينصحك تتداركين نفسك بالدوره
الله المستعان.
الله يغنينا واياكم بفضله عن منة خلقه..
المهم تقدر اي وحده بإذن الكريم ترجع اللي فات بالاراده
وبالعنايه ايام الدوره مو ضروري النفاس..
من ثلاث الى خمس دورات بالكثير وبإذن الله ترجع تمام..
بالنسبه اني اضمن لك برنامجي ..انا ماحطيته ضمان لاحد
حطيته مساعده وتخفيف لكثير من البنات اللي عانوا ماعانيت
بنفاساتي الاوله..
لهومات تسد نفسك عن الاكل وتخليك تنصابين غصبن عليك
بالخوا والهوا والاكتئاب وتعب المعده..
بالنسبه لي شخصياً ولله الحمد استفدت منه وهذا اللي خلاني
اكتبه لاني ابي شي واحد ..فائده تعم ودعوه تخص


واسمع كثير عن مصطلح الخراب في المنتدى ,,,, الهواء والاتساع والافرازات الزايدة و المويات ,,, هل اتباع برنامجك يعالج المشاكل هذي نهائي


الخراب الله يكفيك شره..صدقي فيه عساه مايجيك..
انا جربته مرتين..
والسبب الاساسي انا اعلمك فيه مو بس برنامجي..
السبب الجوع والاهمال..الناتج عن اللهومات اللي تسد النفس..
اتبعي اي برنامج تبينه بس احرصي على الاكل على سنع..والمشروبات الدافيه
وبرنامجي حطيته تخفيف لاخواتي المسلمات وبإذن الله بينفعهم زي مانفعني
وهذا ماارجوه.
ان نفع فمن فضل ربي وان لم ينفع فأضمن انه لن يضر بحول الله وقوته.
شي واحد تجنبيه بكل قوتك..التحاميل والخرابيط اللي تتدخل من تحت..
الا شي طبي ومكتوب لك كعلاج.
***


مجهود تشكرين عليه
لكن لية البرنامج مايحتوي على الرشاد ,,,,,لان من وجهه نظري مهم للنفاس
والا ايش رايك,,,
وبالنسبة للحسو ,,,مادري اذا تعرفينة
هو يحتوي على اشياء كثيرة وطعمه حلو ,,,, يتاكل على الفطور او العشاء

بالنسبه للحسو لامااعرفه بس اسمع
فيه وبما انه وجبه تقوم مقام الغدا
والعشا فمامنه الا فايده ان شاء الله.
طعامكم بالغدا والعشا والفطور على ماتعودتوا
هذي مجرد اقتراحات اقترحتها انا..وهي اللي انا
ماشيه عليه..
ولافيه شك ان كل اهل منطقه لهم وجباتهم الخاصه.
وبالنسبه للنظام لو رجعتي قريتيه بتلاقين الرشاد
مذكور يالغلى بس ماانتبهتي



اي افضل المره الحضرميه ولا المره العمانيه

المنطقه مالي خبره بها..
لكن الشكل يوحي لك بالافضل
المره اللي حمرا فاتحه على صفار
هذي الاصليه ..البنيه والسودا ماهي
طيبه.
***
ثانيا ورق الزعتر هل يكون طازج ولا ناشف
عادي ان لقيتي طازج امر طيب
لكن الناشف اسهل واوفر في التخزين.
***
ثالثا الزنجبيل المبشور هل يكون طازج
طبعاً طازج خليه بعلب بالفريزر وخذي منه قدر حاجتك.
***
رابعا بالنسبه للغسول الي ذكرتيه في الرابط الموجود على التوقيع غسول الالتهابات (ديو-سيبت) هل ينفع استخدمه وقت النفاس وكم مره والى متى
مااستخدمته وقت النفاس..
لكن الافضل ماتستخدمين مواد صابونيه
وفيك دم..
خليه لحد ماتطهرين احسن.
***
واخيرا ممكن تشرحين لي طريقتك في تنشيف الادويه لاني محتاره احاف اطلعهم برا ويتعرضون للهوا والشمس اخاف يطيرون مع الهوا خصوصا الايام هذي عندنا غبار بالشرقيه والف شكر لك
عندنا وعندكم خير ..
الله يرحمنا برحمته
الادويه الاهم انك تشتريها جديده
وتنقيها مظبوط..
مسألة غسلها وتنشيفها هذا راجع
لرغبة كل وحده..
ممكن تطحنينها على طول بعد التنقيه
مع اني اشوف ان القرفه بالذات
والاشياء اللي تنشرب يبي لها تنظيف
جيد..
وماهي مشكله لانها ماتنطحن..تغسل
كل ماجيتي تستخدمينها.
بالنسبه للحلب والرشاد مايناسبه الغسل
يكفي تنقيه وتهويه ان قدرتي..
لانه يتدرن بعد الغسل ...
اي سؤال احنا حاضرين.
والله ينفعني واياكم فيه.


-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..

4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..

5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..



بالنسبه للحبه السوداء ذكرتي نخلط سبع حبات حبه سوداء مع العسل هل تقصدين العسل الالماني يعني نحط سبع حبات بعلبه العسل كلها وكم حجم علبه العسل واسفه على اسئلتي الكثيره

الوجبات:

1- الفطور: عندي خيارين بالنسبه لي هما:
* سندويشة بيض مقلي مرشوش عليها ملعقه كبيره حلبه مطحونه +فلفل اسود
**خبزه بالمقلاة عباره عن(بر+حلبه+حليب بودره+ملح+سكر+بصله)
تعجن بماء وتدهن بعد ماتجهز بعسل وتؤكل بالعافيه.
***تمر + حليب اللي سبق شرحه.
مهم

آخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..

2- الغداء:
*مرقة لحم مع خضار
**مطازيز
***شوربة كويكر مع قطع لحمه
لما تغرفي الغدا لأكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..

3- العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع
تحبينه ..



بالنسبه للفطور ذكرتي وضع ملعقه كبيره حلبه مطحونه (سؤالي الى متى وانا استخدم الحلبه هل الثلاثين يوم الاولى من النفاس وبعد كذا راح يكون فطوري تمر مع رشاد؟)

بالنسبه للخيار الثالث للفطور ذكرتي التمر +الحليب سؤالي يعني اكل تمر عادي واشرب وراه حليب ولا يوجد هناك طريقه ثانيه لاكله ادري سؤال غبي بس تحمليني انا حريصه مره.


بالنسبه للغداء
ذكرتي ان لما نغرف الغداء للاكل نضع عليه ملعقتين ماش مطحون مع الفلفل الاسود

سؤالي:ملعقتين كبار ولاصغار حق الماش وهل نستخدم الماش والفلفل الاسود مع الغداء طيله الاربعين يوم ؟


والله يعطيكي العافيه واستحمليني تراني غثيثه
بالنسبه للحبه السوداء ذكرتي نخلط سبع حبات حبه سوداء مع العسل هل تقصدين العسل الالماني يعني نحط سبع حبات بعلبه العسل كلها وكم حجم علبه العسل واسفه على اسئلتي الكثيره قصدي مع الملعقه الوحده..
وممكن تاخذين من العسل الحجم الكبير ..او ممكن تشترين كل ماخلصت العلبه
من عندك
***
بالنسبه للفطور ذكرتي وضع ملعقه كبيره حلبه مطحونه (سؤالي الى متى وانا استخدم الحلبه هل الثلاثين يوم الاولى من النفاس وبعد كذا راح يكون فطوري تمر مع رشاد؟)

بالنسبه للخيار الثالث للفطور ذكرتي التمر +الحليب سؤالي يعني اكل تمر عادي واشرب وراه حليب ولا يوجد هناك طريقه ثانيه لاكله ادري سؤال غبي بس تحمليني انا حريصه مره.
الحلبه استخدامها على الكثير حتى العشرين يوم الاولى بس..
بعدها تقطعينها حتى من الخبزه اللي تكون من مكوناتها.
التمر مع الرشاد تبدين فيه آخر عشر ايام او ممكن اذا انقطع عنك الدم
تماماً قبلها..
بالنسبه للتمر + الحليب تاكلين تمر ممكن معجون مع كوب او كوبين حليب
مفوح معاه فلفل اسود..
او تاكلينه حبات بالشكل اللي يعجبك..مكنوز او تمر ثلاجه اللي يجي بعلب
برضه مع حليب حار..

بالنسبه للغداء
ذكرتي ان لما نغرف الغداء للاكل نضع عليه ملعقتين ماش مطحون مع الفلفل الاسود

سؤالي:ملعقتين كبار ولاصغار حق الماش وهل نستخدم الماش والفلفل الاسود مع الغداء طيله الاربعين يوم ؟ ممكن ملاعق كبار حقت الشوربه وممكن صغار في البدايه حتى تتعودي على طعمه
فايدته للعظام عظيمه جداً..حتى اللي جربت النفاس من قبل يابنات ولاكانت تاخذ ماش
واخذت هالمره بتحس بالفرق بقوتها البدنيه وسلامة رجولها وظهرها من الالم الدائم
كم سنه بعد الولاده..
احرصوا على صحتكم لان السلبيات ماراح تظهر الا بسن اليأس او قريب منه..
انتي تامرين امر يالغاليه
واسألي زي ماتبين عسى ربي ينفعني واياكم
ويصلح النيه والذريه.
***
عقد الالماس
الله يجعلك من دعواتك الطيبه اعظم الحظ والنصيب
جزاك الله عني خير.
***


ممكن اختي بازيد كم سؤال على اسئلتي السابقه
وتحملينا الله يجعل تعبك في ميزان حسناتك

انا ملتزمه جدا بنظامك
والحين كملت العشرين يوم ووقفت الحلبه
وابي اسألك عن قشر الرمان هل ممكن الاستعاضه عنه بشرب العصير لأن طعمه مر جدا
واذا لا مالنا الا نشربه ولو مر عشان نستفيد
وبعدين وش فائدة الحبة السودا على الريق مع العسل
مااحس بفرق معها
مع اني ملتزمه ولا لخبطت بأي شي ابد الى الآن الله يستر والتزم الباقي
مع ان برنامجك سهل مايحسس بالتعب
والزعتر قبل النوم وش فائدته
احسه بنومني مررررره
وفيه شي بعد
انا افكر اتبخر بمره وكمون وخوا جوا
هل عندك خبر عن الموضوع
وهل من تجاربك السابقه حسيتي ان الكبو شين
وعلى فكره كلمتني وحده خويتي والده قبلي بفرته
خوفتني يوم قلت لها اكل ماش وزين قالت بس ينزل المويات
فقمت قطعته من اليوم العشرين زي الحلبه
صح والا خطأ
والرشاد تقوول ليش الى الحين مااخذتيه
وانها هي اخذته من رابع يوم
وتقول ان الرشاد هو اللي ينظف الرحم وينزل الدم
وعلى فكره نسيت اقول لك ان الدم انقطع بس يومين ورجع
والحين كملت الواحد وعشرين بكره 22
ولازال معي الدم بس اخف عن قبل
يعني جد احس اني نظفت تمام وان كل الوسخ جالس ينزل مع برنامجك الحلو

آسفه للاطاله بس انا عاهدت نفسي اني اكتب النتايج السلبيه والايجابيه
وبصراحه للآن ماشفت الا الزين
بقا ابو الشباب نشوف رأيه اذا خلصت انشاء الله على خير



وسؤال بعد هل التزم بنفس البرنامج مع اخت النفاس
والا لا


















من مواضيع عزيزة النفس
0 كيف تنظمي حياتك في فترة مابعد الولاده
0 ستايل غابرييل يونيون (تختاره بذوق وعنايه)
0 كيف نحافظ على ابنائنا جنسيا بحسب السن؟؟؟
0 تاريخ صلاحية اسطوانة الغاز
0 اعتني بصحتك قبل التفكير بالحمل من اجل طفل سليم معافى
0 اختناق الجنين بداخل الرحم
0 مقياس الرومانسيه عندك حسب اول حرف من اسمك
0 اهمية عنصر الحديد لاجسامنا وخطورة نقص هذا العنصر
0 اطباق منوعه وشهيه من الدجاج
0 مور تسيطر على شخصيتك يجب التحرر منها
0 الخوف
0 8 مشروبات ضروريه للصحه واللياقه
0 اكسسوارت جديده ومارح تلاقي اروع منها
0 كن عن همومك معرضا
0 تخلصي من الدهون حول البطن بالزبادي
توقيع : عزيزة النفس


عرض البوم صور عزيزة النفس   رد مع اقتباس

قديم 02-09-2011, 11:52 PM   المشاركة رقم: 2
المعلومات
الكاتب:
اللقب:
مستشارة لـ منتديات حوامل
الرتبة:
الصورة الرمزية
 
الصورة الرمزية عزيزة النفس

البيانات
التسجيل: Apr 2009
العضوية: 13
المشاركات: 9,283 [+]
بمعدل : 4.68 يوميا
اخر زياره : [+]
معدل التقييم: 50
نقاط التقييم: 331
عزيزة النفس is a jewel in the roughعزيزة النفس is a jewel in the roughعزيزة النفس is a jewel in the roughعزيزة النفس is a jewel in the rough
 

الإتصالات
عزيزة النفس غير متواجد حالياً

كاتب الموضوع : عزيزة النفس المنتدى : التغذية في النفاس
افتراضي رد: ملف كامل لمروبات وماكولات النفاس بالتفصيل




هلا بالاخت الغاليه
تسلمين ياقلبي على اجاباتك
وتحمليني الين ماانتهي من النفاس انا واسئلتي ماابي الخبط

انا مكمله على الفيتامينات والكالسيوم والحديد

بالنسبه لقشر الرمان ماشربته بعد بس شغالتي يوم شافتني انشفه واطحنه قالت حلو هذا بس مررررر مره خفت وقلت اسأل قبل اتوهق وماالقى احد اسأله

وبالنسبه للحبه السودا ممتاز انها ترفع المناعه
ولا لا نقطعها ولاشي ماتضايق هي خلها لين نكمل الاربعين ونوقفها مره وحده

الله لايخيب رجانا ولايتكلنا على جهدنا..<<<< آمين يارب
***
ونفس الشي الزعتر التزم فيه هو اصلا حلو وخفيف مايتعب مادام ينفع نكمل مابقا شي .
***

بالنسبه للكبو ودي اجرب بس خايفه يمكن اجرب اللي قلتي عنه والله ينفع فيه

وكلام الحريم ياكثره بس سالفة الرشاد رابع يوم قلت لها اصلا ماقد سمعتها الا منك كل يقول اذا انقطع الدم


بالنسبه للقرفه والزنجبيل انا قلت لك اشرب قرفه مع يانسون وقشر وفعلا احيانا انساها يوم واحسه خف وثاني يوم اشربها ويرجع ولذلك حرصت عليها يوميا والحمدلله الحين ماعاد ينزل معي الا افرازات صفرا بس كثير زي النزيف انتظرها تخلص واستخدم الرمان والرشاد
والحليب بالفلفل كل يوم وازيدك اني كنت احط عليه بالعشرين الاولى م ص حلبه والحين مستمره بالفلفل بس مع العسل ( ترى علبة اللانجنيز الكبييييييييره قربت تخلص شكلهم مسوينها للنفاس تخلص بنهايته )

وانا احط الماش مطبوخ ماتحملته ني
واحيان مطحون واحيانا لا
واستخدم الفلفل الاسود ارشه على الاكل بعد مااطبخه وقبل آكله


الله يجزاكي كل خير ويوفقك ويكتب لك ماتتمنين ويجعل ماتسوينه كله حسنات لك يارب

وفعلا كلامك صح بالنسبه للسلبيات انا اقول يمكن انا اخطأت بالاستخدام


تحملي بعد بقا لي اسبوعين بالنفاس


الله يجزاكي خير
عندي كم سؤال جديده
هل لازم التزم بالأكل اللي انتي كاتبته << ملتزمه جدا الى الحين مالخبطت الا مرتين بس بالعشا
هل لازم استمر اشرب التالي :
القرفه والزنجبيل
الفلفل الاسود على الحليب ( او ممكن اشرب بدون فلفل )
الى آخر النفاس
او يكفي يوقف الدم وماله داعي اشربها
انا عادي اكمل بس اخاف انه لازم اوقفها
انا الحين وقف معي الدم بقا افرازات لونها بني وانتي بكرامه
ومستمره كل ماغيرت القى شي بسيط
بس وشلون تتوقف

وهل الحين المفروض ابدأ الرمان والرشاد
وهل استمر عليها الى نهاية النفاس واقطعها آخر يوم بس
ومارديتي علي بخصوص عصير الرمان هل له نفس مفعول قشر الرمان
وسمعت انه ممكن يستخدم كغسول للتضييق << صح او ماعندك فكره

وش بقا بعد
هل الممنوعات اللي يقولون عنها الناس مثل المشروبات البارده والاشياء اللزجه ينطبق الى آخر النفاس او فقط الى ان يوقف الدم
والاستحمام ايضا


سؤال آخير
وارجو انك تسامحيني ان تعبتك والله يجزاكي كل خير ويسخر لك عباده
هل ممكن ان اخت النفاس تجي بعد انقطاع الدم وان اخذي للرشاد والرمان ممكن يمنع حدوثها
لأن ودي اسافر بعد الاربعين مباشرة واخاف تجيني وانا مسافره اغير جو وماعندي استعداداتي من المشروبات والخلطات

او انها ماتجي الا بعد نهاية الاربعين اكيد
لأني مااذكر متى جتني بنفاسي الاول


ولك مني كل الشكر والامتنان

عندي كم سؤال جديده
هل لازم التزم بالأكل اللي انتي كاتبته << ملتزمه جدا الى الحين مالخبطت الا مرتين بس بالعشا لامو لازم نفس الاكل انا قلت من قبل ان هذا جدولي حطيته لنفسي..
يعني الوجبات ممكن تغيرين فيها على اللي يناسب عاداتكم..
بس اهم شي حاجه مفيده..تعوضك اللي فقدتيه.
***
هل لازم استمر اشرب التالي :
القرفه والزنجبيل
الفلفل الاسود على الحليب ( او ممكن اشرب بدون فلفل )
الى آخر النفاس
او يكفي يوقف الدم وماله داعي اشربها
انا عادي اكمل بس اخاف انه لازم اوقفها
انا الحين وقف معي الدم بقا افرازات لونها بني وانتي بكرامه
ومستمره كل ماغيرت القى شي بسيط
بس وشلون تتوقف
القرفه والزنجبيل والحليب بالفلفل محلى بالعسل..
كلها زياده على الفوائد الصحيه..
فيها ميزه قويه وهي تنظيف الرحم والمساعده على انزال الدم
والافرازات..
الحمد لله نزول هالاشياء منك دليل على ان الرحم بدا يتخلص من فضلاته
اول بأول..اول شي الدم بعدين الكدره..بعدين الافرازات.
اتوقع من ثلاث ايام لخمسه بالكثير وتنتهي الافرازات البنيه فاصبري على
اللي انتي ماشيه عليه احسن لك..
***
وهل الحين المفروض ابدأ الرمان والرشاد
وهل استمر عليها الى نهاية النفاس واقطعها آخر يوم بس
ومارديتي علي بخصوص عصير الرمان هل له نفس مفعول قشر الرمان
وسمعت انه ممكن يستخدم كغسول للتضييق << صح او ماعندك فكره
لا لاتبدين الحين باقي آثار دم بسيطه خلي رحمك يتنظف منها..وترتاحين..
اذا توقفت الكدره البنيه..وصار باقي افرازات صفرا على بيضا ابدي بالرمان
والرشاد ترى عادي لو تخلينه لآخر عشر ايام ترا التكثير منه موب زين.
حتى لاحطيتيه مع التمر بالزبد او مع العسل لاتتعدى الكميه ملعقه صغيره مع التمر
حق كل يوم..وسبع حبات مع العسل.
بالنسبه للرمان كغسول من تحت ماجربته ابداً..لكن بما ان فعاليته معروفه
كعلاج داخلي كمشروب افضل انك ماتحوسين نفسك بكثر استخدام الاشياء..
يكفي المنطقه من تحت ملح مع مويه فاتره..ومره لو حسيتي بحكه بس..
الرمان كعصير مدحته وحده من البنات اللي ردوا على الموضوع هنا وقالت انها
لقت له نفس المفعول..خفف عنها الافرازات..وعلى فكره هي ذكرت انها تاكله مع اولادها
واكتشفت هالامر بالصدفه..
مع العلم ان قشر الرمان غير اللب..بس سبحان الله يمكن الثمره ككل لها نفس المفعول.
انتي جربي ولاهو ضارك زي ماقلت لك كل العصيرات الطبيعيه مفيده مامنها ضرر..
***
وش بقا بعد
هل الممنوعات اللي يقولون عنها الناس مثل المشروبات البارده والاشياء اللزجه ينطبق الى آخر النفاس او فقط الى ان يوقف الدم
والاستحمام ايضا
والله المشروبات البارده ماانصحك فيها الحين..
الاشياء اللزجه قصدك الخضار وغيره..مامنها ضرر
وحتى عصير البرتقال لو تبين..
الاستحمام مااشوف منه مشكله بس اهم شي لاتتحممين
بحار وتطلعين لتيار هوا بارد (مكيف) على طول بيضرك كذا..
اشربي عصيرات وكلي كل انواع الخضار والفاكهه اللي تشتهي
نفسك..ومانتي شايفه الا الخير بإذن الله.
***
سؤال آخير
وارجو انك تسامحيني ان تعبتك والله يجزاكي كل خير ويسخر لك عباده
هل ممكن ان اخت النفاس تجي بعد انقطاع الدم وان اخذي للرشاد والرمان ممكن يمنع حدوثها
لأن ودي اسافر بعد الاربعين مباشرة واخاف تجيني وانا مسافره اغير جو وماعندي استعداداتي من المشروبات والخلطات
والله ماتعبتيني بس انا لااتعبك بالدعوات الحلوه << تلميح...
ماخبرت اخت النفاس تجي مباشره بعد النفاس للي نفاسها ماشي طبيعي
زيك..يعني ممكن وحده الدم نشف عنها في اسبوع او عشر ايام ممكن تتفاجاء
ان الدم نزل عليها بعد الاربعين على طول..وتحسبها اخت النفاس وهي باقي دم
النفاس انحشر برحمها بسبب اما مرض او تصرفات خاطئه منها ..
المهم انتي الحين ماشيه تمام وربي يتمم عليك وتطلعين بدون افرازات ولامويات..
مادام سفرك بعد الاربعين مباشره وعلشان تكونين متطمنه..
حتى لو جتك الدوره (اخت النفاس) مافي مشكله مادام معك فلفل اسود وحليب ..
يكفي عن الزنجبيل مع القرفه..
وخذي صره صغيره فيها بودرة قشر الرمان تحطين منها آخر يومين من الدوره
مع عصير او حتى مع الشاهي اللي تشربينه وانتي مسافره..
والاهم الاكل يكون متوازن ومغذي..
مايكون بطاطس وبيبسي وآيس كريم هااااااااااه

شكوووووره على هذا الموضوع المميز

اختي ممكن توضحين الفوائد من عمل هذا كله ؟مثلا هل ينحف الجسم اويشد منطقة البطن فقط؟وهل يحتاج مع هذا النظام اسوي رياضه،،

مع العلم اني نحيفه قبل الحمل والحين زدت ثمانيه كيلو وعاجبني وزني وماريد ينزل وزني بس شايله هم منطقة الخصر
السلام عليكم ورحمة الله وبركاته،،،،

ربي يجزاكي كل خير اختي العامرية.... ياليت تفيديني ببعض الاستفسارات الي قريتها في الجدول الرائع الي كتبتيه لنا.. وعليكم السلام ورحمة الله وبركاته
واياك جزى عني كل خير واحسان..
ماعليه انتي اي سؤال يرد بخاطرك حطيه ومايصير
خاطرك الاطيب بإذن الله.
انا ولادتي قريبة بإذن الله، واليوم شريت الأغراض الي كتبتيها بجدول النفاس، بس حبيت اعرف شي بخصوص كميات الأشياء، يعني انتي كاتبة لنا نشرب حليب مغلي محلى بعسل ومضاف له فلفل اسود. ودي اعرف كمية الفلفل الأسود، هل نص ملعقة صغيرة كافية، او احط اكثر؟
الله يهون عليك ويسهل لك يارب..
نعم نصف ملعقه صغيره فلفل مطحون كفايه..
المهم ماهو الكميه بقدر ماهو المفعول اللي يهمنا.
***
ف آخر عشرة ايام مثل ماانتي كاتبة، نآكل التمر مضاف له الرشاد.. كم رح تكون كمية التمر والرشاد؟ يعني لو عندي كيلو تمر كم رح تكون كمية الرشاد..؟
الرشاد على كل الاحوال مو زين يكون كثير..
مفعوله قوي جدا..
ملعقه صغيره تكفي..ويكون مخلوط مع التمر.
***
مشروب الزعتر الي كتبتيه، هل اجهز منه 4 اكواب مثل ماقلتي واخليه واسخن منه كل ماجيت اشرب منه.. هل اقدر احضّـر منه كوب لأني احس ان 4 اكواب كثير..؟ وكم رح تكون كمية ورق الزعتر، ملعقة صغيرة او اكثر؟
عزيزتي الكميه على حسب الرغبه..
وهو مفيد جدا للمعده ومفيد للارحام بإذن الله..
افضل وقت له قبل النوم لما تكونين ماراح تاكلين شي بعده
علشان مفعوله يكون تمام بإذن الله..
الافضل الاعشاب تنشرب مباشره ومايتم تسخينها تكراراً
لتحضير كوب واحد حطي بالكوب سكر..وخذي زعتر بين
اصابعك بس السبابه والابهام والوسطى..
كميه بسيطه يمكن نصف ملعقه..صغيره
وصبي عليه ماء مغلي وغطيه دقايق بس..
واشربيه بالعافيه ان شاء الله.
***
بخصوص الماش، انتي قلتي انه ممكن ينطحن ونرشه فوق الأكل؟ بس الوالدة عندنا في البيت دايما تطبخ لنا بذور الماش الخضرا (تغليه مع الموية) وبعدين تصفيه وتضيف له زبدة وسكر، واحنا متعودين نآكله على الريوق، فهل يصلح اني آكله على طريقة الوالدة او لازم الماش يكون مطحون..؟
ابدا مو لازم يكون مطحون..
طريقة والدتك طيبه لو ماتكب المويه..
لان فايدته راحت مع مويته..
اقترح تسوون نفس طريقة الوالده بس
يكون على شكل شوربه وبكذا ماتخسرين
الفوايد العظيمه اللي في مويته..
الحين لو طبخنا اللحم كمثال وصفينا مويته
تأكدي ان اعظم فوايده راحت مع المويه وبقى
لنا تقريبا بس الشكل الخارجي للحم.
***
هذي استفساراتي اتمنى تجاوبيني عليها، ولك دعاء صادق من القلب ان ربي يعافيكِ ويوفقكِ ويحفظلك ذريتك من كل شر ويجازيكي الجنة انتي وكل من تحبين،،،آمين يارب...وسامحيني لو طولت عليك بالأسئلة، ادري انك والدة من كم يوم ومحتاجة للراحة، ان شاء الله بس مااكون ازعجتك بأسئلتي، بس انا بكرية وماعندي فكرة عن النفاس، وبصراحة كل مااقرأ مواضيعك احس بثقة كبيرة ف كلامك وهذا الي شجعني اسألك بالأشياء الي محيرتني،، واذا عندك اي نصيحة اقدر اسويها قبل الولادة ياليت تخبريني، انا حاليا بالأسبوع الـ36 وماباقي شي على ولادتي.. ربي يسهل علي وعلى كل حامل ويبارك لك في بنتك " الجوهـــــرة " ..آميــــــــــــــــن..
ابشري يالغاليه..
والله يجزاك خير على دعواتك الطيبه
ويفرج لك ويهون ولادتك وطلقك ويسر
قلبك بما وهبك..
عادي ياعزيزتي ماازعجتيني..انا اكتب من المحمول وانا
بسريري ماعلي كلافه ان شاء الله..
لاتترددين في السؤال عن اي شي تبينه..
واشكرك على ثقتك هذي اكبر مكاسبي في الحياة
اخوتكم وثقتكم يارب لك الحمد والشكر..
والاعظم دعواتكم بظهر الغيب..
ادعي لي بالفرج وان ربي يصلح حالي وعيالي.
وبالنسبه للنصائح عن الولاده..
اسهل ولاده ولادة البكريه بحول الله وقوته..
انتي لاتفكرين كيف بتكون ولادتك..لان الولاده
زي بصمة الاصبع مستحيل تتطابق ولادتك مع
ولادة وحده ثانيه..
كثري المشي تراه مفيد..


بالنسبه للمشروبات انتي ماذكرتي الحلبه معني سمعت عنها وقرات في كتب فايدتها
في ادرار الحليب ونزول الوسخات واني بكرامه ودي اشربها في الايام الاولى هل في
ضرر منها او بتخرب في النظام اتوقع فايدتها وحده بكل طرق تناولها..لكن مادام انتي متطمنه اكثر لشربها اشربيها
بس لاتتعدين اكثر من عشرين يوم..لان الحلبه تسبب افرازات كثيره..
وللمعلوميه اخذها كمشروب يسمن بسرعه..عاد انتي اختاري اللي يعجبك اكلها او شربها
ووقفيها بعد عشرين يوم.
- بعد ياعمري انتي ذكرتي في المغرب اشرب قهوه وانا ودي استبدلها بمشروب
قشر القهوه مع الشمر والقرفه والقرنفل والزنجبيل والحلبه والتمر نغليهم مع بعض ونشربهم
كتبتها وحده في المنتدى وقالت لها فوايد عظيمه في التنظيف وكمان سمعت ان الدكتور جابر القحطاني
مدح قشر القهوه للنفاس انا اثق في رايك ياعسل فانصحني استخدمها او لا لاني بكريه
وماعرف في ذي الامور
استبدليها عادي بقشر القهوه لامشكله...لكن الخلطه اللي ذكرتيها هذي مالي علم فيها ابداً..
انصحك لاتكثرين خلطات على نفسك..ترى الاعشاب ممكن تضر زي ماتنفع.
والقرنفل برضه مفيد لكن كثرته تسبب مويات للوحده ولاتصير ناشفه.
-في النظام ذكرتي الكمون انا اشتريته من عند العطار واعطاني اللي زي البهارات هو ذا الكمون والا يختلف وماذكرتي في النظام طريقه استخدامه
الكمون عزيزتي هو نفسه اللي نستخدمه للبهارات
فايدته للغازات وللشمم..يخفف آلالام البطن بشكل كبير بإذن الله.
بس برضه لاتكثرين منه اشك انه يعيق تدفق الدم ويحبسه والله اعلم.
- الاكلات اللي اني كاتبتها اقعد اكلها كل يوم نفسها مااغيرها لاني بمل ودي اغير
لاعادي غيري على راحتك مجرد اقتراحات هذي غير ملزمه.
معليش ياعمري كثرت الاسئله عليك والله متفشله منك هذا اخر سؤال
فين القى العسل الا كتبتي اسمه عند السوبر ماركت والا في مكان ثاني
والله انا اللي متفشله منكم تأخرت بالرد..كمبيوتري بطيء يفتح الصفحات بالموووت
وفرحت انه اليوم مصحصح قلت طيران خل ارد عليهم.
العسل ياعزيزتي لقيته ببنده..وممكن تلاقيه بأي سوبر ماركت كبير
جيان او هايبر بنده او كارفور..متوفر بكل مكان.





من مواضيع عزيزة النفس
0 قصيده مؤثره
0 المكرونه المحشيه
0 خلطة زيوت للمحافظه على شباب ونضارة الوجه
0 آلام الدوره الشهريه والاعراض الابتدائيه والثانويه
0 اسرار تكشفها حركات يدين المراة
0 (السلام علينا وعلى عباد الله الصالحين)
0 صوره وكلمتين.........
0 الازرق بتحبينه مع مجموعةLuxurious Blue Tie Dior
0 ادعيه للحمل باذن الله
0 مجموعه من الفلاشات الرمضانيه
0 اكلات خاصه في في فترة النفاس,المرقوق بالصور
0 قصيده مؤثره جداااا
0 وضعيات الجماع اثناء الحمل
0 افكار اكسسوارات سهله للبنات
0 حمامات بكل الالوان ((اعزكم الله))
توقيع : عزيزة النفس


عرض البوم صور عزيزة النفس   رد مع اقتباس

قديم 02-09-2011, 11:56 PM   المشاركة رقم: 3
المعلومات
الكاتب:
اللقب:
مستشارة لـ منتديات حوامل
الرتبة:
الصورة الرمزية
 
الصورة الرمزية عزيزة النفس

البيانات
التسجيل: Apr 2009
العضوية: 13
المشاركات: 9,283 [+]
بمعدل : 4.68 يوميا
اخر زياره : [+]
معدل التقييم: 50
نقاط التقييم: 331
عزيزة النفس is a jewel in the roughعزيزة النفس is a jewel in the roughعزيزة النفس is a jewel in the roughعزيزة النفس is a jewel in the rough
 

الإتصالات
عزيزة النفس غير متواجد حالياً

كاتب الموضوع : عزيزة النفس المنتدى : التغذية في النفاس
افتراضي رد: ملف كامل لمروبات وماكولات النفاس بالتفصيل




انا دائم اسمع عن العنزروت كيف طريقته ومن متى استخدمه عزيزتي بالنسبه لي ماجربته لكن اسمع الحريم الكبار يذكرونه
لحالات التسقيط الله يحفظكم..
ان اللي يصيبها نزيف بالحمل وتشربه فهو اما يرفع الجنين او ينزله وينظف الرحم
وكله بإرادة الله سبحانه.
وهذي معلومات عنه..
العنزروت والذي يسمى بالكحل الفارسي والكحل الكرجاني وهو صمغ يؤتى به من فارس ومنه أبيض وبني ويستخدم شعبياً لعلاج الغازات ومغص الأطفال كما يستعمل مع الحليب وسكر النبات بأجزاء مستاوية لعلاج الإسهال عند الأطفال. كما يستعمل مشروب العنزروت لزيادة الوزن ويتردد على ألسنة الأهالي في القصيم قولهم "اعط وليدك عنزروت واجدعه وراء البيوت". ويستعمل لعلاج الجروح والحروق ومنع نزيف الجرح وينبت اللحم في الجروح المتعفنة. كما يستعمل لعلاج الجروح الخبيثة في الفرج والدبر وفي علاج مسمار الرجل. وعن رأيي الشخصي فإني انصح بعدم استخدامه داخلياً على الاطلاق لما له من أضرار قد لا يفهمها عامة الناس ويجب أن يقتصر استعماله على الاستعمال الخارجي فقط فهو في هذا المجال أفضل علاج.
هذا كلام الطبيب المشرف على عيادة جريدة الرياض.
2ـ دواء القهوه دايم اشوف خواتي يستخدمونه ويقولون يطلع بلاوي بالدوره وهو
فنجال قهوه كمون مطحون , وفنجال حبه سودا , وفنجال مسمار , وفنجال فلفل اسود , وفنجال سكر نبات , ويوخذ ملعقه صغيره بفنجال القهوه 3 مرات باليوم
الكمون اشك انه يعيق نزول الدم..
لكن اخذه بكميات معقوله يفيد للغازات والم التقلصات بعد الولاده..
الحبه السوداء دواء لكل داء بإذن الله ..
المسمار الصراحه مااحبه وللمعلوميه يسبب مويات
جربوه لاصرتوا طاهرين كثروا منه مع القهوه وشوفوا
كثر الافرازات اللي تنزل معاكم..مفيد لكن زيه زي الحلبه الاكثار منه
يخلي الوحده رطبه دايماً..
الفلفل الاسود ممتاااااااااااااز جدا جدا وهو اللي انا واثقه 100% انه ينظف
وقت نزول الدم..
سكر النبات
ماعندي اي معلومات عن فوائده ..اتمنى اللي جربته تفيدنا.
3 ـ ياريت اذا تعرفين طريقة الخوا جواء لانه بالصراحه كنت امجربته قبل ومريحتي اتلين الخيوط وتخليني حتى امشي على راحتي وانام زين لان الارطاء كانت امي ما تخلينا نستخدمه الا بعد ما اطيح الخيوط بس نتوضاء بديتول وما دافي اوما وملح اشوي
لو تتبعين طريقة امك احسن لك..
الارطاء يشد الخيوط ومايصلح الا بعد ماتطيح وكذلك المره.
الخوا جوا ذكرت طريقته الاخت الاماكن كلها جزاها الله خير..
وانا شخصيا ماجربته لكن سمعت كثير يمدحونه..لتليين الخيوط.
ـ الحلب بس مع وجبة الفطور صح وسمعت ان الحلب اليمني مايطلع ريحه مثل العادي
الحلب اول عشرين يوم لو تستخدمينه لكل الوجبات ممتاز..
والحلب اليمني قالت لي وحده ان ريحته اشد
بس انا مااستخدم غير البلدي..
على فكره كنت اتغدى يامرقه او مطازيز ارش عليه مع الماش حلبه..
وبيساعدك على اكلهم انك تكثرين المرقه..
هي كم يوم تحمليها المهم انك تستفيدين وتعوظين اللي فقدتيه..
تصدقين حتى اني افكر استمر على الماش الحين من جد عظامنا
منعدمه من قلة الوليه بالنفاسات السابقه..
ـ كيف انضم وقتي لان ولادتي راح تكون بوقت مدرسه وولدي هالسنه مدرسه يعني اذا قمت معه اصبح اكل العسل مع الحبه السوداء . متى اتقهواء ومتى افطر بالصراحه محتاره
مافي مشكله لو اكلتي الحبه السوداء مع العسل..
وافطرتي بعدها..استغلي فرصة قومتك مع ولدك..اول شي كلي
الحبه السوداء والعسل..ولاراح الولد للمدرسه سوي فطورك..
انا لقيت اسهل شي لي بالبدايه لاني كنت لوحدي..
سندويشة بيض +كوب حليب مع فلفل اسود..
هذا فطور تمام وكامل.
واحذري الجوع خاصه اول الايام..احذريه..
القهوه وقت المغرب وان كنتي تحبينها الظهر قبل الغدا مامنها مشكله..
عاد تصدقين انك محظوظه ان ولدك يدرس وقت نفاسك..لانك بتنتظمين
غصب
6 ـ ايش فايدة قشر الرمان وورق الزعتر لنفاس وورق الزعتر يجي ورقه كامله مثل ورق الغار ولا مثل النعناع الناشف
وااااااااااااااااسفه على ازعاجك والله يعطيك على قدر نيتك
ورق الزعتر ممتاز جدا للتنظيف وراحة المعده..
وورقه رمادي وفيه منه نوع ثاني حق المدينه كأنه حبوب رز حمراء
يمدحونه هذا مره..بس انا جربت الاول..
قشر الرمان مفيد لتنظيف الافرازات والتنشيف بس ترا مايستخدم الا اذا وقف الدم تماماً
الله يوفقك ويسهل امرك ويهون عليك..
***
JANA_8
هلابك يالغاليه
- الرمان المطحون المضاف للعصير او المعمول كشاي تستخدمينه
بعد ماتنشفين من الدم لحد ماتطلعين..
مافهمت هذي النقطة ؟
يعني احط قشر الرمان مع عصير وأشربه
ولا كيف؟
ايوه الرمان المطحون بنحط منه كميه بسيطه مع كوب عصير وتشربينه..
واللي تفضل الشاي تحطه مع الشاي اللي ذكرنا طريقته اول..ممكن تحطيه كسره صغيره.
هلابك.
اول شئ إنت تقولين ماينفع ناكل الرشاد اول النفاس ؟؟ صح ؟؟

طيب انتي ذكرتي لهام مطحون ولهام عدل الي هي الكامله

انا اشتريت الحلبه والماش وقشر الرمان والفلفل الأسود نظفتهم وغسلتهم طيب هذي متى اكلها ؟؟ على الفراغ ؟؟ طيب انتي قلتي مايصلح قشر الرمان الى بعد ماينقطع الدم ؟؟

والهام العدل ؟؟ متى أبدأ فيه الي هو الرشاد والقرفه والكمون وورق الزعتر والحبه السوداء ؟؟
والكمون انتي ذكرتي انه يمنع نزول الدم ؟؟

شكلي دوختك معي بس اعذريني والله ماقدرت أفهم شئ
يعني قصدك الهم المطحونه وبعد عشرين الى ثلاثين يوم ابدأ بالكامله ولا كيف ؟؟؟؟ صح الرشاد ماينفع اول النفاس..
انتي قريتي الجدول زين؟؟
المطحون هو الحلبه والماش والفلفل الاسود..والرمان
ماتخلطيهم مع بعض ..ولاتاكليهم على فراغ ..
الحلبه والماش مع اكلك..
والفلفل الاسود مع الحليب مع الفطور وممكن تضيفينه
للمرق او الشوربه..
الرمان ذكرت طريقته بموضوع مستقل..
تحطينه مع عصير او مع شاي بعد ماينقطع عنك الدم..
لانه مفيد لقطع الافرازات..
والرشاد برضه آخر عشر ايام اذا انقطع الدم..
مع التمر وتشربين عليه قهوه هذي طريقتي..
وممكن على الريق كل يوم سبع حبات رشاد مع
ملعقة عسل تاكلينها وتحرصين انك تجرشين الحبات بأسنانك..
انتي اقري الموضوع زين مره ثانيه واللي ماتفهمينه راح اشرحه لك بإذن الله
لان الزعتر والقرفه يستخدمون كشاي ..بس ماهو لهوم.
اي سؤال انا حاضره
الله يهون عليك ويقر عينك.

- الشمم في بعض الاخوات بيقولوا ان الحامل اذا جاها علامات الولاده
قبل ماتروح المستشفى لازم تتعطر وتعطر ملابسها وملابس وليدها ولازم تشرب من مويه المره وتاخذ قطعه مره

وتشمها ماانصحك تتعطرين..العطر من اكبر اسباب اعاقة الرحم عن انه ينفتح مع الطلق..
بتقولين بلاقي الممرضات مالدكتورات يفوحون عطور ..
بقولك ايه بس الحل الرائع هو الحلتيته..سبحان الله مفعولها قوي جداً
ومن شدة ماهو قوي ماانصح فيه الا بعد ماتدخل الوحده المستشفى..
وماتصلح الا شم بس..
لفيها بمنديل وحطيها بالشنطه حقت اغراض المستشفى..
الله يسهل عليكم ويقر عيونكم بما وهبكم.
***
- هل استحم بعد الولاده مباشره واتعطر ( لازم من التميلح لابو الشباب ولا بينسد نفسه )ولا هذا الشي

بيضرني
استحمي بمويه دافيه زي ماكنتي تستحمين دايم..مع الحرص الشديد في الحركه..
علشان ماتدوخين ..او تتأثر الخياطه..
التعطر عادي بس مايكون العطر حار ونفاث..انصحك بالمسك الطبيعي.
واذا عورك بطنك شمي الحلتيته..واشربي شاهي كمون يخفف التقلصات بس
لاتكثرين..كاس يكفي..
عمر الاستحمام والنظافه ماتضر اللي يضر النفساء الاهمال في الغذاء..
وشرب البارد..اخطر شي عليك بهالفتره الجوع..انتبهي .
***
- كيف اعرف اني طهرت وقت النفس هل علاماتها الافرازات البيضا وكيف اعرف ان نفاسي كان ناجح

يعني كيف يكون الوضع النهائي للافرازات لاني صراحه مااعرف كيف الوحده تكون مصابه بالالتهاب ولما تكون

الوحده تكون افرازتها كثيره كنت اتوقع ان هذا الشي طبيعي !!!
تطهرين لما يوقف الدم وتوقف الافرازات الملونه..
يبقى الافرازات الشفافه..
نفاسك ناجح بعدة دلائل..
1- تحسين انك ملمومه من تحت مكان الخياطه..
2- ناشفه وافرازاتك قليله جداً.
3- مافيه هواء يطلع من قدام الله يكفيكم شره.
***
سمعت من بعض الحريم انهم يعطون لمواليدهم منقوع المره ملعقه صغيره حتى تقويهم هل كلامهم صحيح
والله يااختي الغاليه مافيه افيد للمولود من حليب الام خاصه اول اسبوع..
هذا اللي بيبني المناعه عند الطفل..
اما المره فهي خطر على الكبير لو اخذت باستمرار فما بالك بالصغير..
وللمعلوميه تعتبر مضاد حيوي طبيعي..وقويه جداً
فأنصحك تبتعدين عنها..بالنسبه للمولود.
***
وماذ عن الحوامض سمعت انها تخرب مثل الطماطم
حبيبتي الحوامض ماتخرب..
ولا الطماطم..
اللي يخرب الجوع الجوع الجوع..هو اكبر عدو للمرأه بهالمرحله.
بالعكس اشربي عصير برتقال زي ماتبين..بس مايكون بارد..
ومانتي شايفه الا العافيه.بإذن الله.
***
انا نفاسي راح يكون في رمضان اذا طهرت هل اصوم ولا الجوع مايصلح للنفاس
اختي مااقدر افتيك بهالمسأله اذا كان يجوز لك تفطرين كنفساء..
فأشوف الفطر لك افضل من جميع النواحي..صحياً ونفسياً وللطفل كمان.
لانه فعلا الجوع عدو النفساء والحائض.
***
كم وجبه في اليوم اكل هل بعد كل 6 ساعات ولا كل مااحس بالجوع لان احس انكم ماشين بوقت معين وملزمين بنفس الموعد
الافضل لك التنظيم..خلي عندك السلطه جاهزه اذا جعتي كلي..
وسوي سلطة فواكه شكلي بحيث لو جعتي بين الفطور والغدا تاكلين سلطه..
وللمعلوميه مانتي ملزومه بالنظام بدقه..المهم لا للجوع..وخذي راحتك بالنوم.


نا بكريه .. بس ودي اعرف وش فايدة هذا كله ؟؟ يعني مثلا لو مااستخدمت هذي الخلطات ش الضرر ؟؟ انا اول مره اسمع بشغلات خاصه بعد النفاس الشي الوحيد اللي كنت اسمع عنه اللي هو ربط البطن واني اشرب شغلات دافيه بس .. ابعد عن البارد والغازيات ؟؟
بجد ودي احد يدلني وش فايدة الشغلات هذي كلها ؟؟ ابشري يالغاليه انا بعلمك وش فايدة هذا كله..
الحلب مثلاً مهم جداً لفقر الدم وتعويضك عن الدم اللي فقدتيه
وبتفقدينه بالنفاس..
مهم ايضاً جداً للعظام ..مهم لإعادة البنيه الى ماكانت عليه بعد الانهاك
والتعب..يقوي العضلات بشكل كبير جداً..
مشكلته الوحيده هو انه يزيد الافرازات لدى المرأه لذلك فالافضل استخدامه
لثلاثين يوم كأقصى حد..
والا اضرار مامنه اي ضرر بإذن الله.
***
الحبه السوداء يكفينا قول الهادي لكل خير نبينا محمد صلى الله عليه وسلم
انها دواء لكل داء الا الموت..مهمه جداً في تقوية مناعة الجسم.
***
الكمون مفيد للغازات المؤلمه في البطن..وتخفيف الم التقلصات اول الايام
***
الزنجبيل منجم فوائد وكنز للمرأه..
الحكيمه هي من تجعله شرابها اليومي كشاي..
***
الرمان..مفيد للمعده..ومفيد للافرازات يقطعها ويقضي عليها
بإذن الله..يساهم في شد المنطقه السفليه ..
***
القرفه بالاضافه لطعمها اللذيذ تعتبر من اقوى المنظفات للرحم من
الشوائب..وتحث الدم في النفاس على النزول لتنظيف الرحم.
***
الرشاد ..منظف قوي يستخدم آخر الايام ..جيد للعظام لكن الاكثار منه
مضر خاصه للي معدتهم تعبانه..
***
الفلفل الاسود ممتاز برضه لتنظيف الرحم من الشوائب..
وعلته مثل علة الرشاد لايناسب اصحاب المعده الضعيفه.
***
الماش اعتبر اللي ماتستخدمه بالدوره والنفاس مسكينه
لأن بعد كم سنه بتشوف كيف بتصعب عليها القومه والقعده
وبتألمها عظامها خاصه الظهر والسبب عدم اكل الماش..
معروف لتجبير العظام المكسوره بإذن الله..
***

طبعا انا توني اقرا الموضوع....بس انا على وشك الولاده..ووايد ارتحت على نظامج وان شاء الله باتبعه ...بس عندي سؤالين....بعد الولاده على طول شو احسن شي اشربه واكله؟
وبالنسبه للمره هل ابلعها من بعد الولاده والا بعد فتره؟
وشكرا هلا بك الله يهون عليك ولادتك ويقر عينك بما وهبك.
احسن شي بعد الولاده الحليب الدافي مع الفلفل الاسود بالعسل
الاكل كولي اللي تبين لاحرج بس يكون شي مفيد..
وان كان تمر احسن.
المره ماتنبلع تحلينها بمويه وتشربين مقدار ملعقه صغيره
بس..
الله ينفعك فيه ويقومك بالسلامه
***
دلوعة كيفي
انا الي عرفته انه الحوامض يستحسن نبتعد عنهاا..و انا من محبيي السلطاات ..فا الحين قررت استخدم خل التفاح او العنب بدل الليموون..
فيه ضرر؟ نفس النتيجة يعني ولاا عادي احطه مع السلطه؟ مع العلم انه يلسع مثل اليمون يعني!!
حبيبتي احسن شي السلطات كليها كل وقت وحطي عليها ليمون مافي اي مشكله
من تجربه لاتخافين واشربي عصير البرتقال زي ماتبين بأي وقت..
كله كلام فاضي هذي اشياء مفيده والجسم بحاجتها بهالفتره..
الله يقومك بالسلامه ويقر عينك ويسهل امرك.





من مواضيع عزيزة النفس
0 النزيف وامراض اخرى تتعرض لها المرأه بعد الولاده
0 طريقه جديده للف الهدايا الصغيره
0 تجمع السوائل داخل رأس الجنين
0 شوفو تاثير تصرفاتنا على اطفالنا
0 صورة جنين يمسك بيد الطبيب اثناء العمليه القيصريه
0 تجارب حقيقيه لزيادة فرص الحمل :اتمنى الكل يستفيد
0 نعومه وجمال مكياج (ريهانا)+اجمل صبغات وقصات وتسريحات ريهانا
0 ليه الاهانه لشخص ما تعرفه ؟؟؟
0 اكثر مشاكل الحمل شيوعا
0 سندوتشات مقليه لا تفوتكم
0 ملف طبي كامل عن اطفال الانابيب
0 قوة تاثير الكلمات في تطوير ذاتك
0 صور لاجمل نافورات بالعالم
0 مشروبات للانتفاخ,الارق,الامساك
0 مراحل الحمل من السادس الى التاسع
توقيع : عزيزة النفس


عرض البوم صور عزيزة النفس   رد مع اقتباس

قديم 02-10-2011, 12:04 AM   المشاركة رقم: 4
المعلومات
الكاتب:
اللقب:
مستشارة لـ منتديات حوامل
الرتبة:
الصورة الرمزية
 
الصورة الرمزية عزيزة النفس

البيانات
التسجيل: Apr 2009
العضوية: 13
المشاركات: 9,283 [+]
بمعدل : 4.68 يوميا
اخر زياره : [+]
معدل التقييم: 50
نقاط التقييم: 331
عزيزة النفس is a jewel in the roughعزيزة النفس is a jewel in the roughعزيزة النفس is a jewel in the roughعزيزة النفس is a jewel in the rough
 

الإتصالات
عزيزة النفس غير متواجد حالياً

كاتب الموضوع : عزيزة النفس المنتدى : التغذية في النفاس
افتراضي رد: ملف كامل لمروبات وماكولات النفاس بالتفصيل




فأهملت نفسي من ناحية الأكل لأني مشغوله مع العيال وما أصدق أوجد فرصه علشان أنام ، الشي الوحيد إلى عملته إني أشرب الحبة الحمراء بس مش كل يوم ياللاسف ليه كذا..الصراحه اهملتي نفسك بشكل كبير جدا..
العيال مو عذر معليش اختي كلنا عندنا عيال بس تعرفين هالفتره
مهمه جدا وصعب تتكرر علشان تعتنين بنفسك..
واللي تخسرينه فيها صعب تعوضينه..
يعني مابقي لك الا 4 ايام وتخلصين الاربعين!
لاونباتيه ! يعني ماتاكلين لحوم ابد..لو سمك وربيان!
الحبه الحمرا اتوقع انها هي الرشاد..واخذها طوال الاربعين غلط في غلط..
المهم اللي راح راح..
حنا في اللي جاي اقطعي الحبه الحمرا الحين..
الفطور لازم خذي لك لو خبزه بالعسل مع حليب دافي وفلفل اسود..
الغدا لازم لو رز + خضار او مرقة خضار لحالها لامشكله وقد ماتقدري
اضيفي الفلفل الاسود المطحون لوجباتك لانه بينظفك تمام..
وطريقته تحطينه فوق المرق اذا خلص نصف ملعقه على الوجه
وتحركينه وتاكلين..
العشاء ممكن سلطه وكثريها وخاصه البقدونس وحطي حامض عليها
لو تبين..
ممكن سلطة فواكه..ممكن خبزه على الصاج او بالمقلاة وذكرنا طريقتها
حبيبتي لايكون اكبر همك الرشاقه لانها ملحوق عليها..
لكن لو انعدمت صحتك مشكله راح تعانين منها فتره طويله يكفيك الهزال
والجوع انتي ماتدرين كيف يخرب الحرمه ويدمر ارحامها بفترة النفاس
والدوره..
على العموم المؤمن لاييأس وانا على يقين انك تقدرين تلحقين بإذن الله
الحين وبالدوره الجايه..
ولاانسى اوصيك بشاي الزنجبيل مع الزعتر البري او الجبلي اللي يتوفر
ممتاز جدا للتنظيف..

ختي سمعت ان الدخن جداااااا مفيييييد للنفاس وحابه اسألك هل في مشاكل من استخدام الدخن من بداية النفاس ولا له مضار ؟؟؟؟؟
وبالنسبه للتمريخ هل تبدا الوحده تمرخ من اول يوم ولا اول اسبوع وكل قد ايش ؟؟؟ هلا بك اختي العزيزه
جزاك الله خير على دعواتك الطيبه..
ابدا الدخن ممتاز جدا ولاتخافي من استخدامه اعتبري زيه زي الطحين البر..
التمريخ وش تقصدين فيه انتي تمرخين نفسك ولاحرمه تمرخك؟
على العموم تدليك البطن بزيت السمسم الدافي مفيد لاضررمنه..


سؤالي حبيبتي انا في اول ولاده كانت عندي امي الله يحفظها يارب , وكانت دايما تحب تبخر البيت بالعوده طبعا عشان لما يزورونا ناس تكون ريحة البيت زي الفل , فهل تعتقدي هذا الشي كان غلط كبيييير لاني اشكو لحد الان من صدااااااااع دائم ومستمر ولم اجد له علاج فهل هذا هو الشمم؟؟؟؟؟ لامو هذا الشمم اتوقع عندك جيوب انفيه تتهيج مع البخور
وروائح العطور وتسبب صداع.
روحي طبيب وشوفي يمكن تكون عندك ولاانتي داريه.
***
وقد ايش مفروض الوحده تبتعد عن الروائح القويه والنفاثه مثل العوده والبخور والعطور ؟؟؟
قد ماتقدري والمفروض ماترش عندك مباشره..
واذا حصل الحلتيته او المره يقومون بالمهمه فلاتخافين..
***
وهل اذا شمت الحلتيتة قبل لاتشم الروائح تنفع(يعني ماتضرها الروائح ) ؟؟؟ وهل اذا شمتها بعد الروائح تنفع ولا خلاص ؟؟؟
بعد وقبل لامشكله لو شميتي عطور شمي بعدها حلتيته.لامشكله بتاتاً
***
والحلتيته قلتي تساعد على سرعة انقباضات الرحم فقد ايش ممكن النفاس تقدر تشم الحلتيته يعني كم يوم , وبعدين ممنوع تشمها ؟؟؟ ولا عادي مافي اشكال لو شمتها كل يوم عشان تتجنب الشمم ؟؟؟؟؟
مافي مشكله من شمها ابدا..المشكله من تعاطيها كمشروب هنا تكون خطيره
الا بمقادير مقننه وبأوقات متفرقه.
اما الشم مامنه ضرر بس عاد مو دايم دايم ترى ريحتها تحوم الكبد.



الله يجزاك خير انا اذا قعدت امشي شوي حسيت بدوخه وانسى نفسي ماكل مدرب الاانا اتنافض وش تنصحيني ترى جدولي ملخبط سوي لي برنامج وانصحيني وش اكل وش اهم شي اسويه تراي ضايعه اقسم بالله وبطني يعورني مدري وش اسوي ونفسيتي تعبانه عشان ماتوقعت قيصريه والحمدالله على كل حال لان امي دايم تخوفني من العمليه عشان المره تحمل بعدها على الاغلب قيصري دايم وانا سببها انه كان كل شي زين بس الرحم ابطا مافتح والبيبي نبضه تعب
وانا استخرت وتوكلت على الله ووافقت انا غلطانه يالعامريه او انا استعجلت
والله انهم موتوني بالطلق الصناعي بس تحملت واصبرت مابي عمليه بس الحمدالله على كل حال
لاتخليني تكفين ساعديني ترى نفسيتي تعبانه
واهم شي ارتاح على السرير لمتى متى اقدر اتحرك خايفه اسوي شي يضرني وانا مدري
وهل صحيح لازم اقعد 3سنوات بعدين احمل ولالا

يابعدي الله يشفيك ويعافيك..
واذا ولدتي قيصري وش فيها الحمد لله
على العافيه يااختي..
يكفي انك الحين بخير انتي ومولودك..
هذي شي مقدر عليك ومكتوب كيف تلومين نفسك!!
قولي الحمد لله على كل حال وادعي ربي يتمم عليك
بالعافيه والشفاء..
واهم شي حالتك النفسيه خففي عن نفسك ولاتفكرين بشي
بتدبير رب العالمين..
احمدي ربك واشكري فضله وحده من قريباتي هاليومين
والده طبيعي ومسوين لها عمليه من تحت المسكينه
تتمنى لو انها والده قيصري..
اما كلام الحريم وسالفة الولاده بعد ثلاث سنين فهذي
ماقد سمعت فيها..
لكن استشيري طبيبه احسن.
المهم الحين ريحي حالك على الآخر ولازم فيه احد
يساعدك..
لاتشيلين شي ثقيل..ولاتتحركين كثير خاصه اول اسبوعين.





وش سالفه الخراب اللي يحذرونا منه وايش سببه
انا بقولس جدولي وانصحيني انا نومي مو منظم واحاول على الريق اخذ عسل بحبه سوداء مع ماء دافي وبعدها حليب مع تمر بحلبه وزنجبيل واكل فطور اي شي لو انه كورن فليكس
والغداء على حسب متى ماجاني اكلت
والعصر اكون نايمه واذا قمت حليب وحلبه وزنجبيل مع شلبوره او اي شي ولاصامولي مع بيض مسلوق وباليل بعد اي شي لو انه صامولي اسمر مع بيض مسلوق مرتين سويت لي شاهي حلبه ودارسين وشربته
تكفين ساعديني وش اسوي وبنتي ترضع مني
وترى جبت قشر رمان وزينته وانتظر تعلميني متى استخدمه انا لي 12يوم الحين والجرح الى الحين يعورني
وش سالفه الدوخه وش منه
ودي اطلع من الشر باحسن مايكون علميني واشرب عصير برتقال بكثره اشتهيه ياختى وش اسوي واذا بغيت اشرب ماعرف اركز انا جوعانه او شبعانه وبعد اعتمادي كله على البيض المسلوق وصامولي بر عسا مايضرني



هلصحيح ان القيصري الدكتوره تنظفلها كثيييييييير وعشان كذا ماينزل منها دم اسود وبلاوي
انا بس دمي خفيف الا اول الايام كثيير مررره
يوم كنت بنت تجيني اقوى من كذا وش القصه يالغاليه اشرحيلي
بطلب منك طلب اذا تعرفين احد حالته مثلي وتشافى الحمدالله علميني وش برنامجها ي
فطورك لابأس به..
لكن العسل والحبه السودا تنوخذ ملعقه وتنبلع
ماتخلطينه بمويه..بتشربين بعده مويه كيفك.
غداك الاهم تحطين معاه اللي قلت لك عليه قبل
ماش..فلفل اسود..
وين الزنجبيل الشاهي مع القرفه؟؟
لاتكثرين الحلبه يكفي منها مره الصبح مع التمر
كثر ملعقه..
اذا قمتي العصر من النوم ابدي بشاهي الزنجبيل الرطب مع القرفه..
وكولي معاه اللي تبين شابوره..ساندوتش..
اللي تشتهيه نفسك..
ممكن سندويش حلاوه او طحينيه..زبدة لوز مع عسل..اللي تبين
عصير برتقال اشربي على كيفك بس لايكون بارد مره..
الدوخه عندك من فقر الدم والضعف لانك طالعه من عمليه..
مو شي سهل..
اختي لازم تاكلين لحوم لو يجيب لك زوجك من برى..
سمك ..لحم مشوي..لازم لو مره باليوم..مهم جداً..
وبعدين اقري الجدول مره ثانيه احس انك مانتي يمه ابد..
الا اذا كنتي مابينتي لي...
فيه بطريقتك نوع من التخبط يمكن بسبب تعبك..
لكن الاهم الحين اعتمادك بعد الله على الغذاء الجيد..
والمشروبات الساخنه..
واستخدام الحلبه والماش والفلفل الاسود والزنجبيل والقرفه
والزعتر زي ماذكرت..
والمهم الراحه النفسيه ..ماراح تخربين بإذن الله..
والرمان لاتقربينه الحين ابد..ادخلي الموضوع الخاص فيه
وشوفي طريقته ..
والجرح ياقلبي طبيعي يألمك..بس لاتكثرين حركه الا للضروره
بعد اسبوعين ممكن تتحركين بحريه اكثر لكن مو زي اول..





من مواضيع عزيزة النفس
0 جومانا......جوانا.........جوليا
0 فضل عشر ذي الحجة:
0 خبز التنور باللحم, والبصل, والجبن
0 الاتصال التخاطري؟سبحان الله
0 ملف للعنايه بكل انواع البشره
0 ازياء هيلاري سوان ,فساتين هيلاري سوانك , فساتين وازياء ناعمه للسهرات2012
0 الذوقيات الزوجيه
0 ازالة الشعر بدون الم..........هنا الحل
0 اخر الاخبار
0 متى تكون جراحة تضييق المهبل ضروريه؟؟؟؟؟
0 اين تجدين المقاسات الكبيره
0 ستايل الفتيات في شوارع باريس خلال اسبوع الموضه
0 اتغذية الشعر بعد الصبغات
0 اهمية المساج للبشره.....شاهدي الطريقه
0 تسريحات جديده وغريبه شوي
توقيع : عزيزة النفس


عرض البوم صور عزيزة النفس   رد مع اقتباس

قديم 02-10-2011, 12:14 AM   المشاركة رقم: 5
المعلومات
الكاتب:
اللقب:
مستشارة لـ منتديات حوامل
الرتبة:
الصورة الرمزية
 
الصورة الرمزية عزيزة النفس

البيانات
التسجيل: Apr 2009
العضوية: 13
المشاركات: 9,283 [+]
بمعدل : 4.68 يوميا
اخر زياره : [+]
معدل التقييم: 50
نقاط التقييم: 331
عزيزة النفس is a jewel in the roughعزيزة النفس is a jewel in the roughعزيزة النفس is a jewel in the roughعزيزة النفس is a jewel in the rough
 

الإتصالات
عزيزة النفس غير متواجد حالياً

كاتب الموضوع : عزيزة النفس المنتدى : التغذية في النفاس
افتراضي رد: ملف كامل لمروبات وماكولات النفاس بالتفصيل




انا ستخدم الادويه زي ماقلتي حسب قدرتي واشرب شاهي زنجبيل طازج وقرفه العصر نايمه اشرب المغرب وقبل الليل وزعتر ماعندي وحلبه اشربها مع الحليب حاطه بزمزميه حلبه مطحونه وزنجبيل وعسل واصب عليهم حليب حار واسكره واخليه عند راسي وبس اشرب منه كل ماقدرت اقوم لايكون غلط
وترلي تعبانه مرره اما الماش والفلفل الاسود احطه على اي اكله حاره اكلها
والرمان انا فاهمه الطريقه يعني رايك ان اللي يخلي المنطقه ناشفه ومشدوده ومافيه هواء هو الرمان انا هاذا قصدي يوم اقول خايفه من الخراب
الله يجزاك خير ياليتك كنتي تعرفين احد مسوي عمليه عشان ارتاح واحس فيه احد زيي
لان المنطقه من تحت متعبتني كن طالع منها بزر والبواسير بعد الله يعين لابأس ان شاء الله ماشيه صح..
لاتخافين من الخراب مانتي خاربه ان شاء الله..
لاالرمان مايعالج الهوا..لان الهوا سببه ياعيوني
الجوع اغلب شي ..
الرمان مجرد يساعد على علاج الافرازات وتنشيف
المهبل من زيادة الافرازات..
وكل اللي تحسين فيه ياعيوني طبيعي كل اللي والدات يحسوا
فيه.
الله يقومك بالسلامه.


شاي الزنجبيل عباره عن زنجبيل مبشور
او مطحون مع مويه مغليه وسكر
زي الشاي العادي بس بدل الشاي الاحمر
نحط زنجبيل الافضل الطازج وان ماحصل
ممكن البودره.
الله يسلمك شاي الزنجبيل سهل وممكن تحطين معاه قرفه وممكن بدون..
الطريقه:
4 اكواب مويه
3 ملاعق كبيره زنجبيل مبشور
عودين اوثلاثه كبار قرفه..واذا كان مطحون
تكفي ملعقه ..
بعد ماتغلي المويه نحط الزنجبيل والقرفه ونخليها
تغلي خمس دقايق بس..
ونطفي عنه وممكن تضيفين له سكر حسب الرغبه..
وبالهنا والعافيه..
***
ياعزيزتي الهواء او الخواء
مايعرف عمر معين سببه الاهمال والجوع..
فيه بنات ماتزوجوا يطلع منهم هوا..
بتنتهي المشكله بإذن الله اذا اهتميتي بنفسك
وقت الدوره..
بأكلك وبالشرب الدافي..وتتدفين كويس خاصه بهالبرد
لاتمشين بدون شرابات وبنطلون.
وترى طبيعي الرحم يطلع منه هوا بوضع معين للجماع
لانه يكون بوضع مقلوب.
اما الاوضاع الاخرى فغير طبيعي صدور هواء اثناءه..
المهم انك اثناء الدوره تتبعين نظام غذائي جيد..
وتضعين مع اكلك فلفل اسود الافضل يكون الاكل مرقه
او مطازيز او مرقوق المهم اكل يحتوي المرق ليسهل عليك
وضع الفلفل معاه..حبذا لو اضفتي الحلبه المطحونه والماش
يكون كملت الفائده بإذن الله.
شاي الزنجبيل والقرفه..والزنجبيل والزعتر مايفارقك اثناء الدوره.
وبإذن الله بتخف الحاله وتختفي مع الوقت والعنايه.
ولاتنسيننا من دعواتك الطيبه.

ان شاء راح اعتمد جدولك بنفاسي وامي الله يخليها ارسلت لي كل الأدويه وانا اللحين غسلتها لكن اختي ::

الرشااااااااااد لما غسلته تلصق ومادري كيف اشرح لك ,, وش السوات انا مخليتها اللحين بصينيه وتحته المناديل المقوى ومعرضتها قريب من الشباك يكفي ..
اختي امي مرسله لي قشر قهوه واسمع دايم البنات ييمدحونها وش رايك ؟
والحلب اختي انا ماتحمل اكله ممكن يكفي غليه واشرب مويته او استخدم مويته للأكل بدون ما اكل اللي يكون مطحون ؟؟>> يعني اغليه واستعمله مثلاً للمصابيب او اي طبخه ثاني او احط عليها بكوب حليب بودره لأني مااشرب السايل !

وبالنسبه للغسول امي مرسله لي ملح فارسي زي الحجر هل اطحنه واستخدمه عادي او لازم ملح عادي مع ان ما عندي الا ناعم ولا قلت لأمي ترسل ملح خشن ؟؟
والقرفه الله يخليه امي مرسلة لي مطحونه .. عادي ؟ هههههههههههههههههه << بتتصفق
الرشاد والحلبه ماينغسلون اذا انغسلوا ينبتون وهذا قلته بواحد من ردودي هنا:
بالنسبه للحلب والرشاد مايناسبه الغسل
يكفي تنقيه وتهويه ان قدرتي..
لانه يتدرن بعد الغسل ...
بس غلطتي
اللي اعترف فيها اني ماذكرت كذا بالموضوع نفسه.
والماش اذا غسلتيه خليه يتهوى بصينيه كم يوم..قبل تحفظينه.
ياحبيبتي الحلب مو لازم تاكلينه يكفي تشربين مويته او تسوين منها حليب وتحلينه بعسل
لكن انا طريقتي اطحنه واحطه مع الاكل لان طريقة الشرب تسمن..
اللي نحيفه تشربه واللي سمينه تاكله
الملح مافي مشكله اي نوع والفارسي يذكرون انه افضل..
انا استخدم العادي حق الاكل.
والقرفه مطحونه عادي مافي مشكله ابداً..
اختي العامريه وينك ..
الرشاد انا غسلته وخليته على مناديل مقوى وعرضت للهواء .. المهم اليوم له رابع وانا قلت لك انه يتلصق كان فيه صمغ لما غسلته!!

اليوم اشوف نااااااابت ياوخيتي وش السالفه لو تشوفينه تموتين ضحك والعروق البيضاء وش اسوي ارميه اشوى اني ماغسلت كل اللي جابت لي امي ..
الغلطه غلطتي فعلا اتمنى تسامحيني << متفشله
اي سؤال انا حاضره.
***
ابتساامه
السلام عليكم ورحمة الله وبركاته
جزاك الله خير على هالنصايح الله يجعلها بميزان حسناتك
بغيت اسالك
1-هل جميع العصائر ممنوعه بالنفاااس؟؟
2-هل جميع الفواكه ممنوعه ايضاا؟؟
3-قشر القهوه هل يحمس ؟؟
4-هل التشطيف للمنطقه من اول الايام ؟وكيف طريقته؟
5- هل اتنقع بشي من اول الاياام؟؟
وجزاك الله خيرررررررررر
وعليكم السلام ورحمة الله وبركاته
مافي عصير ممنوع كله مسموح بس لايصير بارد مره
وكل الفواكه والخضار مسموحه مافي شي ممنوع..
قشر القهوه نعم يحمس في الغالب..
تشطفين المنطقه بمويه وملح..بس
وممكن يكون عندك طشت خاص تجلسي فيه
تحطين مويه دافيه وملح..
وتجلسين فيه شوي ثلاث دقايق كذا..
لاتطولين.
وممكن يعطونك مطهر خاص للمنطقه ويعلمونك طريقته
تشابه طريقة المويه والملح.
ربي يوفقكم ويسهل عليكم.
***
ذكرى الغرباء
هلابك ياغاليه..
الرشاد انا اقول يكفي منه كميه قليله جداً..
خذي منه براس ملعقه صغيره بكل مره.




تسلمي اختي العامرية والله يجزاك الف الف خير وينولك الاجر والثواب
اختي عندي كم استفسار والله يعينك علينا ولك الاجر ان شاء الله وتراني بكريه والله يعينك علي
1- انا بالشهر السادس متى انسب وقت ابدا اجهز فيه الاغراض؟؟
2- العسل من وين تشترينه من العطار لو السوبر ماركت ولو السوبر ماركت وين القاه؟؟
3- بالنسبة الى المره انتي قلتي لا تستخدمونها لانها تشد وفي نفس الوقت قلتي امسحي على الفوطة لو حسيتي بحكه !!!! شلون امسحها اخلطها مع شنو ؟؟؟؟

ومشكوره يالغالية والله انا بديت اجهز نهاية السابع تقريبا
خفت اتعب بالشهور الاخيره وفعلا هذا
اللي حصل..
2-العسل اشتريته من السوبر ماركت
لانجليز اسمه..عسى تلاقينه.
3-المره تاخذين كم كسره صغيره
وتصبين عليها مويه مغليه وتصبينها
عليها..تخلينها تتخمر وتصبين مويتها
على الفوطه عند الحاجه.
واي سؤال انا حاضره تامرين امر.

انا بستشيرك
انا خلصت الاربعين لكن بيوم 38 طهرت لانه الدم استمر الى 25 وبعدين كدره وافرازات الى 38
بعدين الان لما وصلت يوم 40 نزل دم !!!!!!!!!!!!!
شسووي؟؟؟؟؟؟؟؟؟؟؟؟؟؟
هل اصلي ام لا؟؟؟
هل اكل لهوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل هي اخت النفاس؟؟؟؟؟؟؟؟؟؟؟
يارب مادري محتااااااااااااااره ابي حل تكفين
انا من يوم 38 استخدمت قشر الرمان الهمه
والعشرين الاوله مثل ماقلتي والاخيره
بس جعت يوم 39 بالليل عهلى الصبح ب40 يوم هل هذا سبب
كيف اتعامل مع الموووقف؟؟ الموقف لايخوفك
ربما تكون اخت نفاس وربما بقيه
من الدم..
لكن اتوقع انها اخت النفاس..
وقفي القشر حق الرمان..
واستخدمي الفلفل الاسود مع الاكل
والشاهي بالزنجبيل والقرفه
والزعتر.




ابشركم ولدت واليوم لي 27 يوم وانا حاولت اتبع نظامك علي قد ما اقدر معن فيه شغلات ناقصتني وموعندي بس انا غلطت في شيين مدري غلط اولاالي هم
اشرب كل يوم زنجبيل وينسون وقرفه والشششششي الاهم لما خلصت 20 يوم صرت اكل حبه رشاد لهوم ويا مويه ما عندي تمر وملعقه كل يوم قشر رمان مطحون ومويه
مدري صح علي اولا انا الدم من ولدت وهو قليل معاي لحد الحين مدري شي زين او لا
بالله ردي علي الله لايهينك بسرعه الحمد لله على سلامتك
وجعل مارزقك قرة عين لك
اولا
الرشاد ماتستخدمينه وفيك دم
لانه بيحبس الدم..
وكذلك الرمان..
استخدمي الزنجبيل والقرفه
بدون يانسون..
اليانسون خليه مره وحده





من مواضيع عزيزة النفس
0 نظاراتك هذا الصيف كلاسيكية.. «ريترو».. أم عصرية؟
0 فن التعامل مع المخطئ
0 العاده السريه قد تؤدي الى الموت
0 وزن وطول الجنين في الشهر الثامن والتاسع...موضوع مفيد لايفوتكم
0 أمرأه تلد في محلات إيكيا....
0 بدع شهر رجب ومنها (العتيره)
0 عندك مناسبه,انتي عروس او نفاس ...هنا خلطات مجربه
0 متى تعود الدوره الشهريه بعد الولاده
0 جميع اسئلتك عن الرضاعه هنا.....
0 موضوع مايقدرون اهلك يتكلمون معك فيه
0 موقع لتعلم دروس الرسم
0 اكلات غامد وزهران الشعبيه لا تفوتكم
0 كلهم لابسين على الموضه لكن على مين احلى
0 حلويات منوعه
0 وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لا يَحْتَسِب
توقيع : عزيزة النفس


عرض البوم صور عزيزة النفس   رد مع اقتباس

قديم 09-26-2011, 12:28 AM   المشاركة رقم: 6
المعلومات
الكاتب:
الرتبة:
الصورة الرمزية
 
الصورة الرمزية ام ألين

البيانات
التسجيل: Sep 2011
العضوية: 33073
المشاركات: 4 [+]
بمعدل : 0.00 يوميا
اخر زياره : [+]
معدل التقييم: 0
نقاط التقييم: 50
ام ألين will become famous soon enough
 

الإتصالات
ام ألين غير متواجد حالياً

كاتب الموضوع : عزيزة النفس المنتدى : التغذية في النفاس
افتراضي رد: ملف كامل لمشروبات وماكولات النفاس بالتفصيل




جزاكي الله خير
ابغااسال انا اكلت المعجنات بس ماكثرت واكلت ورق العنب
عادي اكثر المعنجات ولايضر
شكرا





عرض البوم صور ام ألين   رد مع اقتباس

قديم 09-26-2011, 12:59 AM   المشاركة رقم: 7
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية أريج العطر

البيانات
التسجيل: Oct 2010
العضوية: 13625
المشاركات: 946 [+]
بمعدل : 0.66 يوميا
اخر زياره : [+]
معدل التقييم: 24
نقاط التقييم: 51
أريج العطر will become famous soon enough
 

الإتصالات
أريج العطر غير متواجد حالياً

كاتب الموضوع : عزيزة النفس المنتدى : التغذية في النفاس
افتراضي رد: ملف كامل لمشروبات وماكولات النفاس بالتفصيل




جزاك الله خيرا على الملف المتكامل





من مواضيع أريج العطر
توقيع : أريج العطر




http://im15.gulfup.com/2011-12-12/1323696913632.gif

عرض البوم صور أريج العطر   رد مع اقتباس
إضافة رد

مواقع النشر (المفضلة)

جديد منتدى التغذية في النفاس

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
ملف كامل لتجهيزات المولود والام بعد والولاده والنفاس وبعد فترة النفاس عزيزة النفس منتدى فترة النفاس 191 05-17-2014 10:11 PM
ملف كامل لطرق العنايه بالجسم والمنطقه الحساسه في فتررة النفاس عزيزة النفس منتدى فترة النفاس 15 11-24-2013 08:40 PM
أكلات من تراث القصيم تفيد النفاس ملف كامل بالصور عزيزة النفس التغذية في النفاس 10 01-11-2013 11:29 PM
مشروبات النفاس,قهوة النفاس,قشر القهوه للنفاس عزيزة النفس التغذية في النفاس 6 09-09-2012 12:13 PM


الساعة الآن 05:08 PM.


Powered by vBulletin® Version 3.8.7 Patch Level 2
Copyright ©2000 - 2014, vBulletin Solutions, Inc.
Search Engine Optimization by vBSEO 3.6.0

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .

a.d - i.s.s.w