يتماد اكثر

[ام منيره2]

السلام عليكم ورحمة الله وبركاته اما بعد ماردكم على الزوج الذي بدأ يتمادا في الغلط على زوجته ؟ كان يكلمها في التلفون ويقول لها تجين الحين من بيت اهلك او انا بجي اخذك وهي تقوله استنا اشوي لان البيت مافيه احد لما يجو اهلي وبعدين تعال خذني وهو يقول لا وهي تقول لما اطلع امي ماعندها مفتاح تدخل البيت بس قليل وبيجون ومع الاصرار انه يجي قامت الزوجه اضحكت على اصراره في التلفون وهو يكلمها شرد عليها وقال لاتضحكين انا اكلمك صج وانتي تضحكين قالت الزوجه انا اضحك لان وماخلاها تكمل الا وقال لها اقلبي وجهك وسكر السماعه وماخلاها اتكمل كلامها وهي قصدها بتقوله اني اضحك بسبب انك ولهان علي وتصر على مجيئي بسرعه يعني بتدلع اشوي ينقال وبتتغلى عليه بس هو قطع الاتصال وسكر والمره حطت في خاطرها عليه بس بردت ومااتصلت عليه وبعد ثواني دق عليها وقال لها اليوم تجين يعني تجين وبرضو سكر التلفون في وجهها وماقالت شي وخلت اخوها يوديها بيتها عشان تقصر الشر ؟ ومع كذا ارجعت البيت وشافته نايم ومااعتذر وكلف نفسه برسالهى او كلمه طيب الخاطر ليش يتماد عليها كذا وكل مره وكل بين فتره وفتره قال لها نفس الموال ومايشابهه مثل انقلعي او او اااااااااااااو من هالكلام وهي بصراحه تبقى توقفه عند حده بذرابه وحكمه وتعرفه بنفسه انه ماعنده حسن تصرف لما يعصب وتحسسه انه هو الغلطان عليها في كل مره وتخليه يستحي على دمه يقول لام اعياله هذا الكلام بعد 5سنوات من الزواج لللللللللللللللللللللللللللللللللللللللللللللللللل يييييييه ليه ارجوكم افيدوني الان وبهذا الوقت عشان تتصرف معه بكره وهل تروح اهي وتبوسه وتقوله اشفيك علي ولا تخليه اهو يعتذر منها شلون ؟

[ام عبير]

ارجوك لا تغلطين وتروحين تبوسينه انتي ما غلطتي بحقه انا ارجح انك توضحيله وجهت نظرك وتقولين ليش انتي ضحكتي ذاك اليوم وانك كنت بتسالينه هل انت ولهان علي وتكونين واضحه معه تقولين اسلوبك هاذا صعب والله عزوجل قال( وجعلنا بينكم موده ورحمه) فاليت توضحلي وش سب تعصيبك انا ام عيالك ومستغربه من هالاسلوب ما عهدتها منك يابو فلان اذا ما فتحت لي قلبك لمين بتفتحه انا لازم ارعرفه ايش الي مخليك معصب هالفتره ومن هالكلام وتاخذين وتعطين معه اما اسلوب انك تروحين تعتذرين كذا هو بيتمادى بالكلمه الراقيه وعدم التنازل التام والاخذ والعطا بس حاولي مايلقى عليك زله يعني قبلها كوني لابسه كويس ومعشيته او مغديته وقولي انا ابغى اتكلم معك بموضوع ضروري اذا حاب وقولي الي بقلبك والله يكون معك ومعي لان زوجي صعب بالحيل الله يعين ويجيب لي الي ينور دنيتي يااااارب وبالتوفيق

[أمونه*]

إن كان هذا الزوج من النوع العصبي فهذا شي طبيعي بمعنى انه زي الطفل العصبي إذا بغى شي رفع صوته وزعل لأبسط الأشياء وسوى زعلان
بس بالآخر قلبه طيييب لأنه من النوع المعبر ماهو من النوع الخبيث
يلي يرسم الخطط ويظهر غير مايبطن
عشان كذه انا اشوف انها تروح تحببه وتتكلم معاه وكأن ماصار شي
ومع الأيام الجايه تطلب منه انه إذا عصب ولا زعل من شي يحاول يتحكم بكلامه وتقوله وصية الرسول صلى الله عليه وسلم(لا تغضب)
*يلي تحب زوجها تحبه بسلبياته وإجابياته* وهي أبخص بحياتها