تجمع المتابعات بمستشفى الملك خالد الجامعي بالرياض

سوسو520 · 07-09-2011, 02:36 AM

والله حبيبتي ما اعرف افضل دكتوره لكن اغلبهم كويسات

أم الح ـلوه · 07-16-2011, 10:52 PM

مرحباا اختي سوسو
والله ماسجلت الا عشان بس ارد عليك
اختي المتااابعه حلووه بس فيهم عيب بعض الاحيان ماتدخلين على الاستشاااريه الي انتي عندها بدخلونك على الاخصائيه بس تكون مشرفه عليها الاستشاااريه الي مكتوب اسمها في المووعد
انا ولادتي الاولى كاانت عندهم
معااملتهم رهيييب والممرضات تعاملهم حلووو اثناء الولاده ويعطونك ابر تخفف الام الولاده ويعطونك اثناء الطلق مثل الأكسجين يهدي عليك اثناء الولاده
حتى اذا جيتي تولدين تكوني في غرفه منعزله لحالك
اتمنى اكون ريحتك واي استفساار انا جاهزه

...றεறoOo... · 07-16-2011, 11:13 PM

هلا فيك اختي انا مثلك كنت بكريه وولدت فيها الحمدلله
انا تنومت بالمستشفى قبل مااولد عشاني تاخرت ماولدت والحمدلله ولدت عندهم
ومعاملتهم كويسه يساعدووون البكريه وزي ماقالت الاخت يعطونك اكسجين ومهدي
وبعد الولاده كمان معاملتهم ممتازه ومايخلونك تحتاجين شي
الله يسهل عليك وتولدين بالسلامه

...றεறoOo... · 07-16-2011, 11:30 PM

بالعكس المستشفى مره كويسه ليش كل هالخوووف انا ماكنت اراجع عندهم كنت اراجع بعبدالعزيز الجامعي وبعدين حولوني للولاده عندهم

سوسو520 · 08-01-2011, 02:55 AM

ياحبي لكم والله مرررررررررره شكرا الله يفرج همكم يارب يا ميمو وام الحلوووه

مزآجيه · 08-02-2011, 01:45 AM

ما ادري ليه انا كارهه هذا المستشفى ....

الله يهون على الكل ...

خير ان شاء الله · 08-02-2011, 01:46 AM

انا للحين محتاره بينهم وبين العسكري

سوسو520 · 08-25-2011, 08:20 AM

ساعدوني ياحلووووااااااات

مزآجيه · 09-01-2011, 05:50 AM

انا اراجع فيه وما أعجبني ابدا ..،
انا بكريه والله يعيين ..،
وبأولد فيه والله يسهل ..،
وان شاء الله راح اخذ غرفه خاصه ياارب اقدر ...،
*

راجيتن الله · 09-03-2011, 10:01 AM

ياحليلك يامزاجيه

كارهته وكارهته

وآخر شي طلعتي تراجعين فيه ههههههههههه

طيب وش ألي حادك

شوفي اهم شي ترتاحين نفسيا للمستشفى والدكتور

انا مثلك اول حملي كنت اتابع بالحرس والحبيب

وكارهه الحرس. ومابيه واليوم الي يصير موعدي فيه

اعد له قبل باسبوع من كثر مني شايله همه

ومنبسطة مع الحبيب عشان المواعيد على مزاجي وباليوم والوقت الي ابي

لكن ماعرفت قدر المستشفيات الحكومية الا لما انقرصت من الحبيب وصارت مشكله

اثناء الحمل

يومها رحت للحرس وراعوني كثير عشان مشكلتي

وحطوني على رؤسهم

وربي طول ماني عندهم وطول ماتدخل سسستر وتروح

ويجي دكتور ويروح ويسون لي بذا التحاليل

مااردد وأقول

غير الله يعز الحكومه

من قلب طالعه ، وحلف ان اذا ربي كتب لي حمل ثاني سيده على الحرس

يعني صدقيني ماراح تحسين بقيمه المستشفى الحكومي الا لما تنقرصين من الخاص

لان الخاص الهدف المادي اولا ثم انتي وبزرك

اما الحكومي صحتك وصحة طفلك هي اهتمامهم الوحيد لان رواتبهم ماشيه بك وبدونك

ان شاء الله تتغير وجة نظرك عنهم بعد هالقصة الطويله العريضة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع المتابعات في مستشفى العسكري م/109	ريــوف	إستفسارات المستشفيات و عيادات نساء وولادة	21	08-30-2013 01:15 AM
تجمع المتابعات في مستشفى الحرس بالرياض(مدينة الملك عبدالعزيز الطبيه)	سابقى متفائله	إستفسارات حوامل من الشهر السابع إلى الشهر التاسع	2	10-18-2012 11:29 PM
مستشفى الملك خالد الجامعي يامجربات	جلنار2009	إستفسارات المستشفيات و عيادات نساء وولادة	15	10-18-2011 05:18 PM
دله والا خالد الجامعي	على راس البشر	إستفسارات مرحلة الولادة	13	09-14-2011 01:32 AM
إستفسار عن مستشفى الملك خالد الجامعي	تولين	إستفسارات حوامل من الشهر السابع إلى الشهر التاسع	4	12-19-2010 02:05 AM