بنات المدينة تعالووووووا تكفووووون

[كت كات]

السلام عليكم ورحمة الله وبركاته

كل عام وانتم بخير وعيدكم مبارك

انا الحمدلله حللت وطلعت حامل يارب لك الحمد حابة اخذ رايكم اتابع الحمل عند مين
نفسي بمستفى اتابع عندهم واولد عندهم وخصوصا اني بكرية ومو عارفه شي

ساعدوني الله يخليكم يعني تنصحوني اتابع الحمل عند مين والولادة عند مين
وكيف الولادة من دون الم


وتقبلوني بينكم يااحلى حوامل وامهات لاني دوبي مسجله بالمنتدى

[ورده بين ايديه]

اول شئ مبرووووك الحمل
الله يتمم لك على خير
عندك منال بالمواساه
وفوزيه بالاحمدي مره كووويسه بس زحمه
وعفت بالمطبقاني يمدحووها
وفي نجوى بالدار كماان يمدحوووها

والله يكتب لك اللي فيه الخير

[ام سالم...]

اول شي الف مبرررروك يارب
نجوى بالدار يمدحوووهابنت عمي والي يقرولي

[كت كات]

تسلمووووو ياعسولات
بس نجوى كاني قريت في بعض المنتديات انو مايمدحوها وماتت وحده عندها مدري
والله خايفه ومترددة
كمان ابغا اراء ثانية يالله يابنات المدينة معليش راح اتعبكم

[أم عبدالرحمن السلفية]

كت كات الله يبلغك حملك وانتي بصحه وسلامة

[احبك حبيبي]

اللة يتمم لك على خير وتقومي بالسلامة انا زيك محتارة وين اولد
بس انا شكلي باولد باحد يالله الله يسهل علي وعليكي

[دلع]

حبيبتي انا صارت عندي خبره في المستشفيات ..
المواساه يبغو يسحبو فلوسك وبعد كذا ماتهمينهم..ولو يصير لك لاسمح الله شي بسيط على طول يطيروك على مستشفى الولاده انا صارت معاي والدكتور اللي في الولاده قال لزوجي دائما المواساة يحولون لنا مرضاهم..
سلفتي كمان وهي في الكشك ارتفع السكر عندها على طول حولوها الولاده وهي الرحم مفتوح وخلاص المفروض تولد تخيلي البيبي كان راح يولد في الاسعاف..انا للاسف قتلو بنتي حسبنا الله ونعم الوكيل....
هذا بالاضافه انو ماعندهم نظام استدعاء....

المطبقاني صح استغلالي بس يهون مع المواساه بس انا انصحك تراجعي عند دكتوره من خارج المستشفى وتولد فيه مثلا الدكتوره عفت لها عياده برى تراجعي فيها وتولد في المطبقاني والدار..دكاتره المطبقاني نفسياتهم شينه وعصبيين وماعندهم نظام استدعاء الموجود هو اللي يولدك..

الدار نجوى ماتو عندها كثير ونشرتها جريدة المدينة ويقولو اصلها دايه!!!
الناس تمدح الدكتوره هناء والدكتور علاء في نفس المستشفى..
الحلو في المستشفى ان اللي تراجعي عنده هو اللي يولدك والولاده عندهم بدون الم بس بنجهم ثقيل حبتين..بس استخيري مدري ليه اخاف منهم.

الدكتوره ايمان بدير في مستوصف العقالي ممتازه جدا وتولد في الدار والزهراء وطبعا الزهراء ابتعدي عنه..

الالماني ماعنده الا دكتوره ولاده وحده وعصبيه حتى وانتي في الكشك ماترحمك...

الاحمدي كل دكاترته كويسين بس عيبهم ان ولادتهم في البدروم ومره صغير ويخوف ومظلم وحضانتهم صغيره...

اذا كان لاسمح الله عندك مشاكل روحي مستشفى الولاده على طول بدون تردد..واهم شي الاستخاره ثم الاستخاره ثم الاستخاره
واي سؤال لاتترددي ..حاضرين للطيبين..

[جنا المدينة]

انا في بنتي الاولى في مستشفى احد بعد ما درت مستشفيات المدينه كلها ما قبلوني لاني بدري بشهر وما عندهم حضانات المهم ولدت عندهم كويسين ما يدخلو احد معاكي لا وقت الطلق ولا بعد احسن علشان ماحد يقعد فوق راسك هادا من 5 سنيين ما ادري دحين كيف ,,,,
والتانية في المواساة عند منال كمان ما بها شي ,,,,
ولا تنسي انه التساهيل من ربنا لامن الدكتورة فلانة ولا من المستشفى.....
الله يسهللك وتقومي بالسلامه.

[هدوء الفجر]

طيب يا بنات بكم الولاده الطبيعيه في المواسات
وبكم في المطبقاني وبكم في الدار علشان الكل يستفيد من المعلومات
والله يسهلك يا قلبي
بس انا اعرف الدار نجوي مره ممتازه والله اعلم

[miss besho]

مبروووووووووووك الحمل الله يتمم لكي يارب وينولك الي في بالك يارب .....

شوفي عن تعملي وتجربتي...
والله دكتورة هشام ودكتورة هالة في المطبقاااني بس غير كدا مافي او انك روحي جده في التخصصي
انسي الالماني انسي الدااار انسي المواساة
الالماني بس يبغو فلوس ومافي تعامل...الدار مافي تمريض رحت فتحت ملفي ودخلت عن الدكتورة معصبة وحالتها حالة فين الممرضة زعلانه لأنها اشتغلت زيادة ومااخدت راتب زيادة الخ...المواساة يبغو يجمعو فلوس بس ماهمهم لامريض ولا حاجة انا دخلت فيها لأني سقطت وياريتني مادخلت عندهم..
اما صراحة وللامانة
المطبقاني مع اني كنت ضدها بس ربي سهلها ليا
تعامل راااقي طاقم التمريض جدا ممتاز النظافة جدا ممتازة ودكتورة هشام ودكتورة هالة بس
انا ولدني دكتور هشام قيصري والله احلى ولادة ولدتها حتى المها اخف عليا

وانا ولدت وكان في عرض الولادة القيصري ب300 معاها مميزات تانية...
وخدي لك جناح احسن واحلى ^ـ^

دمتي بود