أهلا وسهلا بك إلى منتديات حوامل النسائية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا
العودة   منتديات حوامل النسائية > المنتديات العامة > المـنـتـدى الـعـام

المـنـتـدى الـعـام لطرح المواضيع العامه التي ليس لها قسم معين


نصائح منزليه لاستقبال العيد ,


نصائح منزليه لاستقبال العيد , قاعدة زعلانة ومكشرة علشان العيد خلاص قرب وأنت فعلا نظفتي البيت بطريقتك العادية.. بس للأسف فيه بقع عنيدة مش عايزة ...
إضافة رد
 
LinkBack أدوات الموضوع انواع عرض الموضوع

قديم 10-28-2011, 02:59 PM   المشاركة رقم: 1
المعلومات
الكاتب:
اللقب:
عضوة مميزة
الرتبة:
الصورة الرمزية
 
الصورة الرمزية احساس أنثى

البيانات
التسجيل: Aug 2011
العضوية: 30387
المشاركات: 9,467 [+]
بمعدل : 3.64 يوميا
اخر زياره : [+]
معدل التقييم: 121
نقاط التقييم: 621
احساس أنثى is a name known to allاحساس أنثى is a name known to allاحساس أنثى is a name known to allاحساس أنثى is a name known to allاحساس أنثى is a name known to allاحساس أنثى is a name known to all
 

الإتصالات
الحالة:
احساس أنثى غير متواجد حالياً
وسائل الإتصال:

المنتدى : المـنـتـدى الـعـام
افتراضي نصائح منزليه لاستقبال العيد ,




نصائح منزليه لاستقبال العيد ,
قاعدة زعلانة ومكشرة علشان العيد خلاص قرب وأنت فعلا نظفتي البيت بطريقتك العادية..



بس للأسف فيه بقع عنيدة مش عايزة تطلع بالرغم من إنك اشتريتي كل المنظفات اللي الناس قالوا لك عليها إنها بتطلع البقع الموجودة على الأرض أو على السجاد وبتلمع الزجاج بس ما فيش فايدة برضه كل حاجة زي ما هي ...


بقعة على السجادة!!


بقعة على الحطية!!


ده غير البقع اللي على الباب !!


والنجف مش راضي يلمع زي الأول !!


ولا يهمك من أي حاجة طول ما إحنا موجودين ما أنت عارفة إننا دايما بنكون جانبك في كل المواقف وفي كل الأوقات


علشان كده قررنا النهارده إننا نكون معاكي

علشان نخلصك من كل المشاكل اللي قابلتك

بس الأول ابتسمي



وتعالي نشوف مع بعض إزاي ممكن تلمعي بيتك




-1-

لتمليع زجاج الشبابيك والبلكونات



لو عايزة زجاج الشبابيك والبلكونات يلمع يبقى كل اللي عليكي إنك بعد ما تشيلي التراب من على الزجاج تجيبي قطعة قماش قطنية مبللة بالمية الباردة والصابون السائل وتمسحي بها الزجاج وبعد كده تجيبي قطعة قماش تانية مبللة بالمية الباردة وتمسحي بها الزجاج ولو حسيتي إن الزجاج مش بيلمع يبقى ضيفي إلى قطعة القماش دي ملعقة خل أو رشي الزجاج بملمع الزجاج في النهاية استخدمي ورق الجرائد علشان تنشفي الزجاج من أي آثار للمية...


وخدي بالك من إنك تنظفي الزجاج الداخلي بشكل رأسي والزجاج الخارجي بشكل أفقي.


-2-

لتنظيف ولمعان الأبواب



هاتي فرشة وابدأي في إزالة أي آثار للتراب من على الأبواب ... وبعد كده هاتي جردل وحطي فيه مية وملعقة كبيرة صابون وهاتي ليفة أطباق تكون جديدة وخليها لتنظيف الأبواب وابدئي في مسح الأبواب بها وبعد كده هاتي قطعة قماش قطنية مبللة بالمية وامسحي الباب بها وبعد كده امسحي الباب بقطعة قماش ناشفة وده علشان تتأكدي من إن الباب نشف تماما من أى آثار للمية.


-3-

لتنظيف ولمعان الجدران



هتجيبي فرشة علشان تشيلي بها أى تراب موجود على الجدران ولو لاقيتي أي بقعة على الجدران يبقى اكتفي فقط بإنك تمسحي مكان البقعة دي بنفس الطريقة اللي مسحتي بها الأبواب.


-4-

لتلميع السيراميك



لو عايزة تتخلصي من أي آثار للبقع اللي بتكون موجودة على البلاط أو السيراميك يبقى هاتي فرشاة خشنة وبليها بالكلور والمية وادعكي بها البقع دي أكتر من مرة كويس وبعد كده امسحيها بالمية المضاف إليها صابون سائل وهتشوفي الفرق بنفسك.


-5-

لتلميع خلاطات الحمام والمطبخ والأحواض والبانيو



من ضمن المشاكل اللي ممكن تقابلك مشكلة انطفاء لمعان الخلاطات الإستانلستيل وفي الحالة دي يبقى هاتي ليفة خشنة أو قطعة قماش صوف وحطيها في صابون أو أي ملمع للحمامات وابدئي في دعك الخلاطات بها وبعد كده اغسلي الخلاطات كويس بالمية.. لو الطريقة ماجابتش نتيجة ممكن إنك تمسحيها بقطعة قماش مغموسة في خل أو زيت طعام وبعد كده تغسليها بالمية والصابون.


وبالنسبة لتنظيف البانيو والأحواض نفس اللي عملتيه مع الخلاطات هتعمليه مع البانيو والأحواض وعلى فكرة الطريقة دي بتخليهم يلمعوا وبتنظفهم كويس جدا..


-6-

للتنظيف ولمعان المرحاض



بالنسبة لتنظيف المرحاض يبقى يا ريت إنك تحطي في المرحاض ¼ كوب (كلوروكس) وتسيبيه لمدة ساعة وبعد كده تجيبي الفرشاة الخاصة به وتدعكيه بها كويس وبعد كده اشطفيه كويس بالمية ده للجزء اللي جوه وبالنسبة للجزء الخارجي نظفيه بنفس الطريقة اللي نظفتي بها البانيو.


-7-

لتلميع النجف والكريستال



لو عايزة النجف يلمع كأنك لسه شرياه يبقى هاتي قطعة قماش وبليها بالمية الدافية المضاف إليها معلقة خل وامسحي بها النجف.


لكن لو عايزة تلمعي قطع الكريستال الصغيرة يبقى ممكن إنك تنظفيها من حين لآخر بالكحل المستخدم لتنظيف الجروح.


-8-

للتخلص من البقع الموجودة في قماش الستائر والمفارش القطن



لو عندك بقع صعبة في قماش الستائر أو المفارش القطن اللي عندك ومش عايزة تتطلع يبقى ضيفي معلقة من "النشادر" إلى المية اللي هتغسلي بها الستائر أو المفارش وعلى فكرة "النشادر" مش بس هتطلع لك البقع اللي فيها لأ دي كمان هتحمي المفارش القطن اللي عندك من الكرمشة ..


واوعي تعصري الستائر أو الأقطان اللي بتغسليها لأن ده بيخليها تتكرمش زيادة على اللزم وبيأثر على نسيجها.


-9-

للتخلص من البقع الموجودة على رخامة المطبخ



لو كانت عندك رخامة المطبخ لونها أبيض وحاسة إنه بدأ يتغير ويميل إلى الاصفرار يبقى كل اللي عليكي إنك تدعكيها بعصير الليمون مع إضافة شوية ملح ناعم إليه وبعد كده امسحيها بقطعة قماش مبللة بالمية.


-10-

للتخلص من بقع الماكياج من على السجاد



ساعات كتير وأنت بتحطي ماكياج بيقع منك على السجاد وعلشان تتخلصي من البقع اللي زي دي يبقى رشي البقعة دي بملمع الزجاج "هتلاقيه في السوبر ماركت" وبعد كده هاتي فرشاة الموكيت أو السجاد وضيفي إليها مية وصابون وادعكي بها البقع دي كويس وبعد كده نشفيها بفوطة صغيرة ناشفة.


-11-

لتنظيف الجلد



ابقي استخدمي "شمع النحل" وهي مادة متوفرة ‏بشكل سائل خاص بالمفروشات وامسحي بها أي حاجة جلد عندك وبعد كده امسحي الجلد بفوطة ناعمة جافة وعلى فكرة المادة دي بتنظف وبتحمي الجلد من التشقاقات.


-12-

لتلميع الزجاج



لو عايزة تلمعي أي حاجة زجاج عندك في البيت يبقى ادعكي الزجاج بفوطة مغموسة بعصير ليمون وبعد كده نشفيها بمنديل ورق وبعد كده امسحيها بورق جرائد مبلل ..


ولو عايزة تتخلصي من آثار أي خدوش على الزجاج يبقى ادعكي مكان الخدوش دي بمعجون الأسنان وهتشوفي النتيجة بنفسك.


وفي النهاية أحب أقول لك إن اهتمامك بنظافة البيت أول بأول هيخليكي في غنى عن كل المشاكل دي..


ولو عايزة ريحة بيتك تبقى حلوة على طول ممكن إنك تغمسي قطعة قطن بأي زيت عطري وتحطيها داخل المكنسة الكهربائية وبكده كل مرة لما تيجي تشغلي المكنسة هتلاقي إن المكنسة بتطلع ريحة حلوة والريحة دي هتنتشر في البيت كله...


وبكده تبقي نظفتي بيتك واتخلصتي من كل البقع الموجودة ..





من مواضيع احساس أنثى
0 بيجامات لأطفالكم الحلوين
0 مكياج سريع للفتاة الكسولة
0 حسب توقيت الرجعة ..!
0 اين المشرفات؟؟
0 مكياج روعة
0 دللي طفلك مع تشكيله من الاحذيه الصوفيه
0 آنآآقتيْ تًعًتمٍد عًلًىْ آلبسًاطهْ .
0 لوازم المطبخ
0 صوتوا معنا لصاحبات الذوق الرفيع المشتركات في مسابقة ( رغم اني حامل لكني سيدة الأناقة)
0 سجاد أرضيات روعة
0 كيف تتعامل الزوجه مع زوجها اثناء الدوره الشهريه
0 أحذية مريحة لكل حامل
0 بالصور ماترميش شراباتك القديمة واستفيدي بيها
0 لفات طرح للمحجبات
0 أتمنى الاقي عندكم الحل !! كبر حجم الصدر بعد الولادة
عرض البوم صور احساس أنثى   رد مع اقتباس
إضافة رد

مواقع النشر (المفضلة)

جديد منتدى المـنـتـدى الـعـام

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
العيد فرحه واحلى فرحه وطفلك وطفلتك مصدر الفرحه (( مقاضي العيد )) للصغار شاركونااا ام ارجواااااان الموضة و الجمال 40 03-14-2014 10:33 AM
جديدي ...توزيعات راقية للعيد... خاروف العيد وسكينته لمن يبحث عن أضحية العيد. كريم دو لا كريم منتدى السوق التجاري 54 10-08-2012 03:07 PM
اجاني العيد والله يا ريت العيد لا اجا دموع يعقوب منتدى الحياة الأسرية والزوجية 9 12-05-2009 03:28 PM

 

الساعة الآن 02:18 PM.


Powered by vBulletin® Version 3.8.8
Copyright ©2000 - 2018, vBulletin Solutions, Inc.
Search Engine Optimization by vBSEO 3.6.0

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .