أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا
اعراضى قبل الدوره واسباب حملى ونتيجه تحليل الدم يااحلى واعز اخوات
بسم الله الرحمن الرحيم
كيفكم اخواتى حبيت اكتب الاعراض فى موضوع لوحده علشان يكون سهل على اى واحده تحب تعرف
والحمد لله والشكر لله عملت تحليل دم وطلعت النتيجه 24.1 mIU/mL
الحمد لله وكان يوم طويل قعدت فى المستشفى من الساعه 4 العصر لغايه الساعه 7 ونص لما عرفت النتيجه والحمد لله كان ايمانى قوى وثقتى فى الله كبيره الله عند ظن عبده به
الحمد لله
بس يا حلوين عندى بس استفسار صغير
دكتوره الطوارئ بعد ما النتيجه ظهرت قالتلى تعالى بعد 48 ساعه نعمل تحليل تانى علشان نشوف النسبه تانى انا الحمد لله مطمنه بس جوزى بعد ما فرح وكنا هنتصل بأهله واهلى وخصوصا اننا مغتربين قال لاء نستنى لما نعمل التحليل بعد بكره تانى
وحاولت احجز ميعاد عند دكتورتى اليوم بس فشلت واخدت ميعاد بكره الساعه 5 ونص وبفكر ااجله لبعد بكره بعد ما اعيد التحليل علشان اروحلها بالنتيجتين هيا تقولى رأيها وخصوصا انى بحبها وبثق فيها من فتره لما كنت بعمل التحاليل من 4 شهور
بس الحمد لله من قبل ومن بعد وكل الى يجيبه ربى هو الافضل
انا ربنا الحمد لله كتبلى الحمل بمشيئته طبعا وببركه دعواتكم ودعوات ناس كتير ليا انا كنت بشحت الدعوه فعلا والحمد لله ربى استجاب
انا هقولكم مجهودى وربنا وفقنى فيه بس مش شطاره منى ولا حاجه بس توفيق من ربنا
هنبتدى من الاول انا من يوم 12 يناير اول يوم لدورتى الى فاتت كنت بشرب قرفه كوبايتين لمده 3 ايام بتوع الدوره
ومن 4 يوم الدوره وقفت القرفه وابتديت المرمريه والاناناس
كل يوم الحمد لله ما فاتنى كوب المرمريه
ربنا يبارك فيكى ويرزقك يا اختى بنت النور هى الى شجعتنى من شهرين على المرمريه والاناناس بس بصراحه كنت بتدلع الشهر الى فات بس الشهر ده الحمد لله التزمت
لغايه يوم 17 من الدوره وانا بشربهم
وجوزى كان بياكل كل يوم الصبح بلحتين او 3
والجماع يوم اه ويوم لا من يوم 11 فى الدوره
ويوم 11 و12 و13 كنت باخد ربع معلقه حبه البركه بالليل قبل ما انام وتانى ما اخدت
والحمد لله
ويا بنات كل ده من غير دعا ربنا والاستغفار والصدقه وذكر الله والدعا للغير بظهر الغيب وبصدق اهم من كل الى انا عملته ومشيئه ربنا قبل اى حاجه
انا كنت بدعى كل حاجه بتيجى ف بالى ولما بلاقى نفسى مش عارفه ادعى باللغه الفصحى بدعى من قلبى بس بكلم ربنا وبقوله انت عارف فيا ايه يارب لو مش كاتبلى ترزقنى انا قابله لا اعتراض على قضائك وبدعيه يدينى القوه انى اقبل الوضع ده وكمان واللهى العظيم كنت بدعى يشيل حبى للاطفال من قلبى علشان ما اتألم واللهى يا بنات انا كنت سمحت لزوجى انه يروح يتجوز لو مستعجل على الخلفه وانا موافقه ومحتسبه صبرى عند الله وحتى قلت لاهله الاسبوع الى فات نفس الكلام وعن قناعه حتى كتبت الكلام ده ف موضوع لمايا من فتره وكنت بقول ان ربنا معايا وهو يكفينى
وفعلا كنت مسلمه الموضوع لله وكان طلبى الى بلح فيه لربنا
انى يارب ما عايزه من الدنيا حاجه الا انى قبل ما اموت تكتبلى ازور بيتك وتغفرلى ذنوبى وتتوفنى وانت راضى عنى
كان ده الطلب والدعا الى كل مره وانا بناجى ربنا بثبت عليه
والحمد لله ربنا فرح قلبى فى الدنيا وان شاء الله يكتبلى كمان زياره بيته
ربنا يكتبهالكم يا بنات
الاعراض للى سألونى
الاول يا بنات من بعد التبويض وانا مطمنه انى لو حملت يبقى ان شاء الله خير وطبعا فرحه لقلبى ولو ما حصل حمل ف ربى ما هيسيب الحزن والزعل يسيطرو عليا ف كنت هاااديه كتير
وبعد التبويض ب اسبوع ابتدى عندى الصداع ييجى على طول بس صداع والحمد لله مستمر سعات بيزيد اوى لدرجه انى ما بقدر اسمع اى حاجه ولا حتى انام وسعات بيكون خفيف وما اخدت اى مسكن وكنت بقول يمكن من الدايت لانى كنت تقريبا ما باكلش غير ربع رغيف طول اليوم
والافرازات البيضا بدات معايا من وقت التبويض 3 ايام ووقفت يومين ومن وقتها مستمره لغايه دلوقتى بس مش بغزاره
ومالى نفس للاكل وخصوصا اللحوم وبردو بقول علشان الدايت
بس الى خلانى اميل اكتر انه حمل انى قبل الدورؤه ب 5 ايام تقريبا بتبتدى تظهر الحبوب المره دى لا ما ظهر فى وشى اى حاجه لغايه دلوقتى
وقبل ميعاد الدوره ب 3 ايام ابتديت احس بشعور والم غريب قريب للدوره بس غير
مش عارفه احدده بس هو مش احساس الدوره
حاجه غريبه مش مريحانى وبعدين ابتديت انام فى اوقات غريبه وبقالى 6 ايام ما عندى طاقه اطبخ
وبس
ولغايه دلوقتى الحمد لله لا غثيان ولا قيء ولا برد والم زى الدوره بيروح وييجى على فترات بسيطه
معلش لو كلامى كتير وطويل وممل و مش مترتب بس مش عايزه انسى حاجه ولا بزود حاجه ما عملتهاش والله على ما اقول شهيد
وحاجه يا بنات انا قريتها مره كنت دايما بفكر بيها نفسى
كانت بتقول
(استحى ان احزن وامرى كله بيد الله )
ربى يسعدكم ويفرح قلبكم ويكتبلكم الحمل السليم العافى المعافى بدون زياده او نقصان عاجل يارب غير اجل
عاجل يا رب غير اجل
عاجل يا رب غير اجل
ويارب اشفى مرضانا يارب اشفى ازواج اخوتى فى المنتدى واجعل شفائهم فرحه للهم ووفاء بعهدك (انما يوفى الصابرون اجورهم بغير حساب )
يارب ارفع الهم والحزن عن قلوب حزينه متألمه خائفه ومالها غيرك يارب
ارزقنا يارب من واسع رحمتك
يارب افرح قلوبا ضعيفه ليس لها سواك واتم نعمتك علينا وارضنا واكرمنا بالذريه الصالحه التى ترضاها واقبلنا من عبادك المخلصين
اللهم قد مسنا الضر فارفع يارب الحزن منا وارزقنا فرحه لانحزن بعدها ابدا واكفنا يارحيم
حسبنا الله سيؤتينا من فضله انا الى ربنا لراغبون
حسبنا الله سيؤتينا من فضله انا الى ربنا لراغبون
حسبنا الله سيؤتينا من فضله انا الى ربنا لراغبون
وصلى يارب وسلم على الحبيب المصطفى وسلم تسليما كثير
صبرا يا امااااااااه ،لا تبكي يا اماه فتقطعي صميمي ببكائك ،انا قادم قريبا باذن الله ،اصبري يا اماه اصبري يا اماه، باذن ربنا الرحمن الرحيم انا ات وسألون حياتك ببسمتي وبسمتك وبسمه ابي باجمل فرشات، احبك يا امي احبك كثيرا ،،،،،،فاصبري يا امي
رد: اعراضى قبل الدوره واسباب حملى ونتيجه تحليل الدم يااحلى واعز اخوات
حبيبتي ربي يثبت حملك تسع شهور لاتزيد ولاتنقص ويسهل ولادتك ويفرحك بشوفة ضناكي ويعطيكي على قدر نيتك الطيبه وقلبك الكبير
بالنسبه لاعادة التحليل الرقمي بعد يومين هو لمراقبة نسبة صعود الهرمون والاطمئنان على صحة الحمل يعني لما يكون الهرمون يتضاعف او يزيد بنسبة 60٪ عالاقل كل 48 ساعه يعني الحمل سليم باذن الله
وانشاء الله يا اختي حملك ثابت وسليم وانتي تستاهلي كل خير
02-11-2012, 10:16 PM
اعراضى قبل الدوره واسباب حملى ونتيجه تحليل الدم يااحلى واعز اخوات 
امل في الله 
جديد منتدى منتدى أعراض الحمل والوحام 
العرض العادي
